ଅର୍ଗସ ବ୍ୟୁରୋ: କଦଳୀର ଦାମ୍ 52 କୋଟି 70 ଲକ୍ଷ । କ'ଣ ଭାବୁଛନ୍ତି ଗୋଟେ କାନ୍ଦି କି ବହୁତ ଗୁଡିଏ କଦଳୀ ହୋଇଥିବ । ନା...ନା ମାତ୍ର ଗୋଟିଏ କଦଳୀର ଦାମ୍ 52 କୋଟି 70 ଲକ୍ଷ । ଏହାର ନାଁ କମେଡିଆନ କଦଳୀ । ଏ ଯେଉଁ ଫଟୋ ଦେଖୁଛନ୍ତି ଏହା ହେଉଛି ସେହି କଦଳୀ । ଯାହା ଆମେରିକାରେ 6.24 ମିଲିୟନ୍ ଟଙ୍କାରେ ନିଲାମ୍ ହୋଇଛି । ଏହାକୁ ନିଲାମ କରିଛନ୍ତି ଓଲିଭର୍ ବାର୍କର୍ । ବିଶ୍ବର ଏହି ସବୁଠୁ ଦାମୀ କଦଳୀକୁ କିଣିଛନ୍ତି ଜଣେ ଉଦ୍ୟୋଗୀ ଜଷ୍ଟିନ୍ ସନ୍ ।
ଭାରତରେ ବର୍ଷ ସାରା କଦଳୀ ମିଳେ । 5 ଟଙ୍କା 10 ଟଙ୍କାରୁ ଆରମ୍ଭ କରି ବେଶୀରୁ ବେଶୀ ଗୋଟେ କଦଳୀର ଦାମ୍ 30-40 ଟଙ୍କା ହୋଇଥିବ । କିନ୍ତୁ ଏ କଦଳୀରେ ଏମିତି କଣ ବିଶେଷତ୍ୱ ରହିଛି ଯେ ଏହାର ଦାମ୍ ଏତେ ଟଙ୍କା ।
ଏହାକୁ କିଣିଥିବା ଉଦ୍ୟୋଗୀଙ୍କ କହିବା କଥା ଯେ ଏହି କମେଡିଆନ କଦଳୀର ଅର୍ଥ ହେଉଛି ଏହା କଳା, ମିମ୍ସର ପ୍ରତିକୃତି । ତେବେ ଏତେ ଟଙ୍କାର କଦଳୀକୁ ନେଇ ଏବେ ଚର୍ଚ୍ଚା ଜୋର୍ ।