ଅର୍ଗସ ବ୍ୟୁରୋ: ଧର୍ମ ପରିବର୍ତ୍ତନ କରିବାରୁ ଶବକୁ ମିଳିଲାନି ଶ୍ମଶାନ । ଘରେ ୨୪ ଘଣ୍ଟାରୁ ଉର୍ଦ୍ଧ ସମୟ ହେଲା ପଡ଼ିରହିଛି ମୃତଦେହ । ପ୍ରଶାସନର ଉଦ୍ୟମ ପରେ ବୁଝିଲେନି ଗ୍ରାମବାସୀ । ଏ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ପାପଡ଼ାହାଣ୍ଡି ପୋଣ୍ଡିକୋଟ ଗାଁରେ । ୨ ବର୍ଷ ତଳେ ଗାଁର ଡୋମୁ ଜାନି ନିଜର ଧର୍ମ ପରିବର୍ତ୍ତନ କରିଥିଲେ । ଗତକାଲି ସକାଳେ ତାଙ୍କର ମୃତ୍ୟୁ ହୋଇଥିଲା । ଧର୍ମ ପରିବର୍ତ୍ତନ କରିଥିବାରୁ କେଉଁଠି ତାଙ୍କ ମରଶରୀରକୁ କବର ଦିଆଯିବ ସେହି ଚିନ୍ତାରେ ପରିବାର ଲୋକେ । ଗାଁ ଶ୍ମଶାନରେ ସ୍ଥାନ ଦେବାକୁ ଗ୍ରାମବାସୀଙ୍କୁ ଅନୁରୋଧ କରିଥିଲେ ବି ଏନେଇ ଗ୍ରାମବାସୀ ଅନୁମତି ଦେଉନାହାନ୍ତି । ଖବର ପାଇ ପାପଡ଼ାହାଣ୍ଡି ଅତରିକ୍ତ ତହସିଲଦାର, ପାପଡ଼ାହାଣ୍ଡି SDPO ପହଞ୍ଚି ବୁଝାସୁଝା କରିଥିଲେ ବି ଗ୍ରାମବାସୀ ବୁଝୁନାହାନ୍ତି