ଅର୍ଗସ ବ୍ୟୁରୋ: ପାକିସ୍ତାନରେ ହିଂସାକାଣ୍ଡରେ 18ରୁ ଅଧିକ ଲୋକଙ୍କ ମୃତ୍ୟୁ । ପଶ୍ଚିମ-ଉତ୍ତର ପାକିସ୍ଥାନର ଖୈବର ପଖତୁନଖୱା ଅଞ୍ଚଳରେ ଗୋଷ୍ଠୀ ସଂଘର୍ଷରେ ଗତ ୨୪ ଘଣ୍ଟା ମଧ୍ୟରେ ୧୮ରୁ ଅଧିକ ଲୋକଙ୍କ ମୃତ୍ୟୁ ଘଟିଛି । ହିଂସାକାଣ୍ଡରେ ୩୦ରୁ ଅଧିକ ଆହତ ହୋଇଛନ୍ତି । ଆଫଗାନିସ୍ତାନ ସୀମାବର୍ତ୍ତୀ କୁର୍ମ ଜିଲ୍ଲାରେ ଗୁରୁବାର ଏକ ଯାତ୍ରୀବାହୀ ଭ୍ୟାନ ଉପରେ ହୋଇଥିଲା ଆକ୍ରମଣ ।
ଏହାପରେ ଅଲିଜଇ ଓ ବାଗନ ଜନଜାତି ମଧ୍ୟରେ ହିଂସା ଉଗ୍ର ରୂର ନେଇଥିଲା । ଯାତ୍ରୀ ଭ୍ୟାନ ଉପରେ ହୋଇଥିବା ଆକ୍ରମଣରେ ୪୭ ଜଣଙ୍କର ମୃତ୍ୟୁ ହୋଇଥିଲା । ବଲିଶଖେଲ, ଖାର କାଲୀ, କୁଞ୍ଜ ଅଲିଜଇ ଏବଂ ମକବଲରେ ମଧ୍ୟ ହିଂସାକାଣ୍ଡ ଘଟିଛି । ହିଂସା ସମୟରେ ଅନେକ ଘର ଏବଂ ଦୋକାନରେ ନିଆଁ ଲଗାଇ ଦେଇଛନ୍ତି ଦଙ୍ଗାକାରୀ ।