ସିଆରପି ଛକ ମର୍ଡର ଘଟଣା, ମୃତ ବ୍ୟକ୍ତିଙ୍କ ମାଆଙ୍କ ପ୍ରତିକ୍ରିୟା...
ନୂଆଦିଲ୍ଲୀ: କ୍ୟାବିନେଟ ବୈଠକରେ କେନ୍ଦ୍ର ସରକାର ନଡ଼ିଆ ଚାଷୀଙ୍କୁ ଉପହାର ଦେଇଛନ୍ତି। କୋପ୍ରା (ଶୁଖିଲା ନଡ଼ିଆ) ଉତ୍ପାଦନ କରୁଥିବା ଚାଷୀଙ୍କ ପାଇଁ ବୈଠକରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। କ୍ୟାବିନେଟରେ କୋପ୍ରାର ଏମଏସପି 375 ରୁ 10,335 ଟଙ୍କାକୁ ବୃଦ୍ଧି କରାଯାଇଛି। ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର କ୍ୟାବିନେଟ ନେଇଥିବା ନିଷ୍ପତ୍ତି ସମ୍ପର୍କରେ ସୂଚନା ଦେଇଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅର୍ଥନୈତିକ ବ୍ୟାପାର କ୍ୟାବିନେଟ କମିଟିର ବୈଠକରେ ନଡ଼ିଆର ଏମଏସପି ବୃଦ୍ଧି କରିବାକୁ ଅନୁମୋଦନ କରାଯାଇଛି। ଏହି ସୂଚନା ପ୍ରଦାନ କରି କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି ଯେ ବଲ୍ କୋପ୍ରାକୁ 10,600 ଟଙ୍କା ଦେବାକୁ ନିଷ୍ପତ୍ତି ନିଆଯାଇଛି ଏବଂ ଏହା 55 ପ୍ରତିଶତ ବୃଦ୍ଧି ପାଇଛି।
ବିଶ୍ୱରେ କୋପ୍ରା ଉତ୍ପାଦନରେ ଭାରତ ପ୍ରଥମ ସ୍ଥାନରେ ରହିଛି। ଦେଶରେ ନଡ଼ିଆ ଉତ୍ପାଦନ ପ୍ରାୟ 15 ନିୟୁତ ଟନ୍ ଅଟେ। 20 ଲକ୍ଷ ହେକ୍ଟର ଅଞ୍ଚଳରେ ଏହା 30 ଲକ୍ଷ ଚାଷୀଙ୍କ ଦ୍ୱାରା ଚାଷ କରାଯାଏ। ବୁଧବାର ସକାଳ 10:30 ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟର ବୈଠକ ହୋଇଛି।
