ଜେଲ୍‌ ବିଭାଗର ଗୁମର ଖୋଲିଲେ କଟକ ଡିସିପି

କଟକ: ଜେଲରୁ ହେଉଛି ଭିଡିଓ କଲିଂ । ଜେଲରେ ରହି ଗ୍ୟାଙ୍ଗଷ୍ଟରମାନେ ସିଧାସିଧା ଭିଡିଓ କଲିଂ ମାଧ୍ୟମରେ ହେଉଛନ୍ତି କଥା । ଭିତରେ ରହି କରୁଛନ୍ତି ଅପରାଧ ନିୟନ୍ତ୍ରଣ । ଏପରି କଥା କହି ଜେଲ ବିଭାଗର ଅସଲ ଗୁମର ଖୋଲିଲେ କଟକ ଡିସିପି ଅଖିଳେଶ୍ୱର ସିଂ । କହୁ କହୁ କହିଦେଲେ ଜେଲର ଭିତିରି କଥା  । ଜେଲରେ  ରହିଛି ପ୍ରୋବ୍ଲେମ  । ଜେଲରୁ ନିୟନ୍ତ୍ରଣ ହେଉଛି ଅପରାଧ  । ଅପରାଧୀମାନେ ଜେଲରୁ ହିଁ ଗ୍ୟାଙ୍ଗକୁ ପରିଚାଳନା କରୁଛନ୍ତି  । ଗଣମାଧ୍ୟମ ଆଗରେ ଏପରି କହି ଜେଲ ଭିତରର ଗୁମର ଖୋଲିଦେଲେ କଟକ ଡିସିପି ଅଖିଳେଶ୍ୱର ସିଂ  ।

ଜେଲକୁ କିପରି ଯାଉଛି ମୋବାଇଲ ? ଅପରାଧିମାନେ କିପରି ଭିଡିଓ କଲ କରୁଛନ୍ତି, ତାକୁ ନେଇ ପ୍ରଶ୍ନ ଉଠାଇଛନ୍ତି କଟକ ଡିସିପି ଅଖିଳେଶ୍ୱର ସିଂ  । କଟକର ଗ୍ୟାଙ୍ଗଷ୍ଟର ସକିଲ ଗ୍ୟାଙ୍ଗର ଦୁଇ ଜଣ ସୁନ୍ଦରୀ ତଥା ସକିଲର ଗାର୍ଲଫ୍ରେଣ୍ଡଙ୍କୁ ଗିରଫ କରିବା ପରେ ଆଜି 3 ନମ୍ବର ଗାର୍ଲ ଫ୍ରେଣ୍ଡକୁ ମଧ୍ୟ ଧରିବାକୁ ସକ୍ଷମ ହୋଇଛି ପୋଲିସ  । କେବଳ କସିଲ ନୁହେଁ, ଅନ୍ୟ ଗ୍ୟାଙ୍ଗଷ୍ଟରମାନଙ୍କୁ ପୋଲିସ ଧରି ଜେଲରେ ଭର୍ତ୍ତି କରୁଥିଲେ ମଧ୍ୟ କୌଣସି ସୁଫଳ ମିଳୁନାହିଁ  । ସେମାନେ ଜେଲ ଭିତରେ ଥାଇ ଗ୍ୟାଙ୍ଗକୁ ନିୟନ୍ତ୍ରଣ କରୁଛନ୍ତି  । ମୋବାଇଲରେ ଗ୍ୟାଙ୍ଗଷ୍ଟରମାନେ ନିଜ ପରିବାର, ଆତ୍ମୀୟ ଓ  ସଂପର୍କୀୟଙ୍କ ଜରିଆରେ ଗ୍ୟାଙ୍ଗକୁ ସକ୍ରୀୟ ରଖୁଛନ୍ତି ବୋଲି କହିଛନ୍ତି କଟକ ଡିସିପି ।

ଏଠାରେ ପ୍ରଶ୍ନ ଉଠୁଛି, ଜେଲ ଭିତରକୁ ମୋବାଇଲ ଯାଉଛି କେମିତି  । କିଏ ଦେଉଛି ମୋବାଇଲ  । ଜେଲ ଭିତରେ ସିସିଟିଭି ଲାଗିଥିଲେ ମଧ୍ୟ ତାହାକୁ ଠିକ ଭାବେ ମନିଟର କରାଯାଉଛି କି ନାହିଁ  । କାମ କରୁଛି କି ନାହିଁ ଜେଲ ଜାମର  । କେବଳ ମୋବାଇଲ ନୁହେଁ, ଜେଲ ଭିତରକୁ ମଦ, ଗଞ୍ଜେଇଠାରୁ ଆରମ୍ଭ କରି ଯାବତୀୟ ନିଶାଦ୍ରବ୍ୟ ଯାଉଥିବାର ଅଭିଯୋଗ ହୋଇଆସୁଛି  । ଯାଞ୍ଚ ସମୟରେ ବହୁ ନିଶା ଦ୍ରବ୍ୟ ମଧ୍ୟ ଜବତ ହୋଇଛି  । ଏହା ପରେ ମଧ୍ୟ ଜେଲ କର୍ତ୍ତୃପକ୍ଷଙ୍କର ନିଜ ଭାଙ୍ଗୁ ନାହିଁ କାହିଁକି  । ଏ ନେଇ ଜେଲ କର୍ତ୍ତୃପକ୍ଷଙ୍କୁ ମଧ୍ୟ ପୋଲିସ ପକ୍ଷରୁ ବାରମ୍ବାର ଅବଗତ କରାଯାଉଛି  । ମାତ୍ର ଜେର କର୍ତ୍ତୃପକ୍ଷ କୌଣସି ପଦକ୍ଷେପ ନେଉନାହାଁନ୍ତି ବୋଲି ସାଙ୍ଘାତିକ କଥା କହିଛନ୍ତି ଡିସିପି  । ଯଦି ଜେଲ କର୍ତ୍ତୃପକ୍ଷ ସତର୍କ ରହିବେ, ତେବେ ଅପରାଧୀମାନେ ଆଉ ଗ୍ୟାଙ୍ଗ ପରିଚାଳନା କରିପାରିବେ ନାହିଁ  ।