ଅନଲାଇନ ଠକେଇର ନୂଆ କାହାଣୀ, ଗାଈ ପାଇଁ ଗୋଲ ହେଲା ଲକ୍ଷେ ଟଙ୍କା

ଅର୍ଗସ ବ୍ୟୁରୋ: ପୁଣି ଥରେ ଅନଲାଇନ ଠକେଇର ନୂଆ ଲୁଟର କାହାଣୀ ସାମ୍ନାକୁ ଆସିଛି। ଯାହାକୁ ନେଇ ବର୍ତ୍ତମାନ ସବୁଠି ଚର୍ଚ୍ଚା ଓ ଆଲୋଚନା । ତେବେ କଣ ଥିଲା ପୂରା ଘଟଣା ?  ଦେବାଶିଷ ସାହୁ ନାମକ ଜଣେ ବ୍ୟକ୍ତି କ୍ରିଷି ଆପ ମାଧ୍ୟମରେ ଗାଈ ବିକ୍ରି କରିବାକୁ ବିଜ୍ଞାପନ ଦେଇଥିଲେ । ଯାହାକୁ ନେଇ ମନଜିତ ନାମକ ଜଣେ ବ୍ୟକ୍ତି, ଗାଈ ପସନ୍ଦ ଆସିଥିବା କହି କିଣିବାକୁ ରାଜି ହୋଇଥିଲେ । ଦେବାଶିଷ, ମନଜିତଙ୍କୁ ଗାଈର ଦାମ୍ 20 ହଜାର ଟଙ୍କା ବୋଲି କହିଥିଲେ । ପରେ ମନଜିତ 10 ହଜାର ଟଙ୍କା ଅନଲାଇନରେ ଦେବି ଅନ୍ୟ 10 ହଜାର ଟଙ୍କା ନଗଦ ଦେବି ବୋଲି କହିଥିଲେ । ଏହି ନିଷ୍ପତ୍ତିରେ ଦେବାଶିଷ ରାଜି ହୋଇଥିଲେ। ପରେ ମନଜିତ ନିଜର ଠକେଇ ଚାଲ ଖେଳିଥିଲେ । ମନଜିତ କହିଥିଲେ ଯେ, ସେ  ସେନାରେ କାର୍ଯ୍ୟ କରୁଥିବାରୁ ତାଙ୍କର ଫୋନ ପେ ବ୍ୟବହାର କରାଯାଉନାହିଁ । ତେଣୁ ମୁଁ ସ୍କାନ କୋର୍ଡ ଦ୍ୱାରା ଅର୍ଥ ପଠାଇବି, ଆପଣ ସ୍କାନ କରି ଅର୍ଥ ପାଇଯିବେ ବୋଲି ମନଜିତ କହିଥିଲେ। ପ୍ରଥମେ 5 ଟଙ୍କାରୁ ଲୁଟ ଆରମ୍ଭ ହୋଇଥିଲା । ପରେ ସେ 20 ହଜାର ଟଙ୍କା ପଠାଇଲେ ଓ ଦେବାଶିଷଙ୍କର 20 ହଜାର ଟଙ୍କା କଟିଯାଇଥିଲା। ଏହାକୁ ନେଇ ମନଜିତଙ୍କୁ ଦେବାଶିଷ ପଚାରିବାରୁ ଏହା ଟେକ ଗ୍ଲିଚ ହୋଇଥିବ ବୋଲି ମନଜିତ୍  କହିଥିଲେ। ଏହି ପରି ଭାବରେ ଦେବାଶିଷ 5ଥର 20 ହଜାର ଟଙ୍କା ପଠାଇଥିଲେ । ଅର୍ଥାତ ଦେବାଶିଷଙ୍କ ଆକାଉଣ୍ଟରୁ ଲକ୍ଷେ ଟଙ୍କା କଟିଯାଇଥିଲା । ଯାହାକୁ ନେଇ ବର୍ତ୍ତମାନ ଭରତପୁର ପୋଲିସ ଷ୍ଟେସନରେ ଅଭିଯୋଗ କରିଛନ୍ତି ।