ଅନ୍ୟପଟେ ଶ୍ରୀମନ୍ଦିରରେ କାର୍ତ୍ତିକ ନୀତି, ବାଳଭୋଗ ସହ ଆସନ୍ତା ନଭେମ୍ବର 27ରେ ହେବାକୁ ଥିବା ମହାପ୍ରଭୁଙ୍କ ଦୁର୍ଲ୍ଲଭ ନାଗାର୍ଜୁନ ବେଶ ଉପରେ ଶ୍ରୀମନ୍ଦିର ନୀତି ସବ୍ କମିଟି ମୋହର ମାରିଛି । ଦୁର୍ଲ୍ଲଭ ନାଗାର୍ଜୁନ ବେଶ ପାଇଁ ସ୍ୱତନ୍ତ୍ର ନୀତି ନିର୍ଘଣ୍ଟ ହୋଇଛି । ଏଥିପାଇଁ ଭୋର 4ଟାରୁ ବେଶ ଆରମ୍ଭ କରାଯିବା ସହ ସକାଳ 7ଟା ମଧ୍ୟରେ ଶେଷ କରାଯିବ । ଏହାପରେ ଏହି ବେଶରେ ଗୋପାଳ ବଲ୍ଳଭ, ସକାଳ ଧୂପ, ବାଳ ଧୂପ, ଭୋଗ ମଣ୍ଡପ କରାଯାଇ ଦିନ ଦୁଇଟା ସୁଦ୍ଧା ବେଶ ମଇଲମ ହେବ । ପରେ ଅନ୍ୟାନ୍ୟ ନୀତି କରାଯାଇ ମଧ୍ୟାହ୍ନ ଧୂପ, ସନ୍ଧ୍ୟା ଧୂପ, ବଡ଼ସିଂହାର ବେଶ, ବଡ଼ସିଂହାର ଭୋଗ ଅନୁଷ୍ଠିତ ହେବ । ଚଳିତ ବର୍ଷ କୋଭିଡ କଟକଣା ଥିବାରୁ ସାଧାରଣ ଭକ୍ତଙ୍କ ଦର୍ଶନ ବନ୍ଦ ରଖାଯାଇଛି । କାର୍ତ୍ତିକ ମାସରେ ମହାପ୍ରସାଦ ଯେଉଁଭଳି ସମସ୍ତେ ଭକ୍ତ ପାଇପାରିବେ ସେନେଇ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଛି । 25 ଦିନ ମହାପ୍ରଭୁ ଦାମୋଦର ରୂପରେ ରାଧାଙ୍କ ସହ ଓ ପଞ୍ଚୁକ 6 ଦିନ ଲକ୍ଷ୍ମୀଙ୍କ ସହ ପୂଜା ପାଇବେ।
