ଅର୍ଗସ ବ୍ୟୁରୋ: ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କୁ ବିନା ହେଲମେଟରେ ବାଇକ୍ରେ ବୁଲିବା ମହଙ୍ଗା ପଡ଼ିଲା। ନିକଟରେ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ମୁମ୍ବାଇ ରାସ୍ତାରେ ବାଇକ ଯୋଗେ ଯାତ୍ରା କରୁଥିବା ନଜର ଆସିଥିଲେ। ଅନୁଷ୍କାଙ୍କ ବଡିଗାର୍ଡ ସୋନୁ ଶେଖଙ୍କୁ ବଡ଼ ଧରଣର ଜରିମାନା ହୋଇଛି।
ମିଳିଥିବା ସୂଚନା ଅନୁଯାୟୀ ଗଛ ପଡ଼ିବା କାରଣରୁ ମୁମ୍ବାଇର ଜୁହୁର ଏକ ରାସ୍ତା ବନ୍ଦ ହୋଇଯାଇଥିଲା। ଯେଉଁଥିପାଇଁ ଅନୁଷ୍କାଙ୍କୁ କାର ଛାଡ଼ି ବାଇକରେ ଯିବାକୁ ପଡ଼ିଲା। ଅନୁଷ୍କା ତାଙ୍କ ବଡିଗାର୍ଡ ସୋନୁ ଶେଖଙ୍କ ସହ ବାଇକ୍ରେ ଯାଉଥିବା ନଜର ଆସିଛନ୍ତି। ଏହି ଭିଡିଓ ସୋସିଆଲ ମିଡିଆରେ ଖୁବଶୀଘ୍ର ଭାଇରାଲ ହୋଇଥିଲା।
ଯେଉଁଥିରେ ଦେଖାଯାଇଥିଲା ଅନୁଷ୍କାଙ୍କ ବଡିଗାର୍ଡ ହେଲମେଟ ନ ପିନ୍ଧି ବାଇକ ଚଲାଉଥିଲେ। ଏଥିପାଇଁ ମୁମ୍ବାଇ ଟ୍ରାଫିକ ପୋଲିସ ସୋନୁଙ୍କ ନାମରେ ଜରିମାନା କରିଛନ୍ତି। ସୋନୁ ବିନା ଲାଇସେନ୍ସ ଏବଂ ବିନା ହେଲମେଟରେ ଗାଡ଼ି ଚଲାଉଥିବାରୁ ତାଙ୍କୁ ୧୦,୫୦୦ ଟଙ୍କାର ଫାଇନ ହୋଇଛି।
ଅଧିକ ପଢ଼ନ୍ତୁ ମନୋରଞ୍ଜନ ଖବର
ମାଲକାନଗିରି : ଅବକାରୀ ବିଭାଗ ହାବୁଡରେ ପଡିଲେ ଗଞ୍ଜେଇ ଚୋରା ଚାଲାଣ କାରୀ । ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଅଞ୍ଚଳରୁ ଏକ କାର ଯୋଗେ ଗଞ୍ଜେଇ ଚୋରା ଚାଲାଣ କରୁଥିବା ସମୟରେ ମାଲକାନଗିରି ଅବକାରୀ ବିଭାଗ ହାତରେ ଧରା ପଡିଲା ଜଣେ ଚୋରା ଚାଲାଣ କାରୀ । ସୂଚନା ମୁତାବକ ମାଲକାନଗିରି ସହର ନିକଟରେ ଥିବା ଗୌଡ଼ଗୁଡା ଛକ ଠାରେ ଅବକାରୀ ବିଭାଗର କର୍ମଚାରୀ ମାନେ ଗୁଇନ୍ଦା ସୂଚନା ପାଇ ପେଟ୍ରଲିଙ୍ଗ କରୁଥିବା ସମୟରେ ଦ୍ରୁତ ଗତିରେ ଏକ କାର ମାଲକାନଗିରି ସହର ଆଡ଼କୁ ଆସୁଥିବା ଦେଖିବାକୁ ପାଇଥିଲେ ।
ଅଧିକ ପଢନ୍ତୁ : ଗଞ୍ଜେଇ ଚୋରା ଚାଲାଣର ମାଷ୍ଟର ମାଇଣ୍ଡ ହୋମଗାର୍ଡ
ପରେ ସନ୍ଦେହ ହେବାରୁ ଉକ୍ତ କାରକୁ ଅଟକାଇ ଯାଞ୍ଚ କରିବାରୁ ସେଠାରୁ 88 କେଜି ଗଞ୍ଜେଇ ବାହାରି ଥିଲା । ଯାହାର ଆନୁମାନିକ ବଜାର ମୁଲ୍ୟ 8 ଲକ୍ଷ ଟଙ୍କାରୁ ଉର୍ଦ୍ଧ୍ବ ହୋଇଥିବା ବେଳେ ଏହି ଚୋରା ଚାଲାଣରେ ସାମିଲ ଥିବା ଜଣେ ବ୍ୟକ୍ତିଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ନେଇ ସୂଚନା ଦେଇଛନ୍ତି ଅବକାରୀ ଉପ ନିରୀକ୍ଷକ।
ଅର୍ଗସ ବ୍ୟୁରୋ: ମନ୍ଦିରରୁ ସିରିଜ ଲୁଟ୍ । ବାଲେଶ୍ଵର ଜିଲ୍ଲା କମର୍ଦ୍ଦା ଥାନା ଅନ୍ତର୍ଗତ ମହାଗବ ପଞ୍ଚାୟତରେ ଥିବା 3 ଟି ମନ୍ଦିରରୁ ବଲମ୍ବିତ ରାତିରେ ଦୁର୍ବୁତ ମାନେ ସିରିଜ୍ ଲୁଟ କରିଛନ୍ତି । ମା ମଙ୍ଗଳା ମନ୍ଦିର ରୁ ସୁନା ରୂପା , ବାସୁଳୀ ମନ୍ଦିରରୁ ତାଲା ଭଙ୍ଗୀ ଲୁଟ୍ କରିଥିବା ସୂଚନା ,ତାରେଣୀ ମନ୍ଦିର ରୁ ତାଲା ଭଙ୍ଗୀ ଲକ୍ଷାଧିକ ଟଙ୍କାର ସୁନା ଅଳଙ୍କାର ଆସବା ପତ୍ର ଲୁଟିନେଇଥିବା ଅଭିଯୋଗ । ଖବରପାଇ ଘଟଣା ସ୍ଥଳରେ କମର୍ଦ୍ଦା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ୩ଟି ମନ୍ଦିରରୁ ଚୋରି ହୋଇଥିବାବେଳେ ପୋଲିସର ଚିନ୍ତା ବଢ଼ିଛି।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ଦୁର୍ନିତ୍ତିଗ୍ରସ୍ତଙ୍କୁ ବିଜେଡିର ସମ୍ମାନ । ପୁଣି ସାମ୍ନାକୁ ଆସିଲା ବିଜେଡିର ଦୋ-ମୁହାଁ ଚରିତ୍ର । ରେମୁଣା ବିଧାୟକଙ୍କୁ ମିଛ ବହିଷ୍କୃତ ସତ ସମ୍ମାନ । ଗତ 21 ତାରିଖରେ ବିଜେଡି ପକ୍ଷରୁ ଏହି ପ୍ରେସ ରିଲିଜରେ ସ୍ପଷ୍ଟ ଲେଖା ଯାଇଛି ଯେ ଜନ ବିରୋଧୀ କାର୍ଯ୍ୟ ଯୋଗୁଁ ରେମୁଣା ବିଧାୟକ ସୁଧାଂଶୁ ଶେଖର ପରିଡା ବହିଷ୍କୃତ କରାଯାଇଛି । ହେଲେ ବିଜେଡିରୁ ବହିଷ୍କୃତ ହୋଇ ବି ଦଳର ସାଂଗଠନିକ ବୈଠକରେ ଯୋଗ ଦେଇଛନ୍ତି ରେମୁଣା ବିଧାୟକ ସୁଧାଂଶୁ ଶେଖର ପରିଡ଼ା ।
ଗତକାଲି ରେମୁଣା ନିର୍ବାଚନମଣ୍ଡଳୀର ଭୀମପୁରାଠାରେ ବିଜେଡିର ସାଂଗଠନିକ ବୈଠକରେ ଯୋଗ ଦେଇ ଦଳ କିଭଳି ଆଗକୁ ବଢ଼ିବ, ସେ ସମ୍ପର୍କରେ ଦଳୀୟ ନେତା ଓ କର୍ମୀଙ୍କୁ ଆହ୍ୱାନ ଦେଇଛନ୍ତି । ବାଲେଶ୍ବର ଜିଲ୍ଲା ପର୍ଯ୍ୟବେକ୍ଷକର ମନ୍ତ୍ରୀ ପ୍ରତାପ ଦେବଙ୍କ ନିର୍ଦ୍ଦେଶରେ ରେମୁଣା ବିଧାୟକଙ୍କୁ ଡକାଯାଇଥିବା ଜଣାପଡିଛି । ଯାହାର ଅଡିଓ ଓ ଭିଡିଓ ସାମ୍ନାକୁ ଆସିବା ପରେ ବାଲେଶ୍ବରରେ ରାଜନୈତିକ ଚର୍ଚ୍ଚା ଜୋର ଧରିଛି ।
ଅଧିକ ପଢ଼ନ୍ତୁ ଓଡିଶା ଖବର:
