ଅପସରା ରାଣୀଙ୍କ ଟ୍ୱିଟ୍‌ର ଆକାଉଣ୍ଟ ସସପେଣ୍ଡ, ବୋଲ୍ଡ ଫଟୋ ପାଇଁ ଥିଲେ ଚର୍ଚ୍ଚାରେ

ଅପସରା ରାଣୀଙ୍କ ଟ୍ୱିଟ୍‌ର ଆକାଉଣ୍ଟ ସସପେଣ୍ଡ, ବୋଲ୍ଡ ଫଟୋ ପାଇଁ ଥିଲେ ଚର୍ଚ୍ଚାରେ

by Aryan Cross

ଅର୍ଗସ ବ୍ୟୁରୋ: ରାତାରାତି ସୋସିଆଲ ମିଡିଆରେ ସେନସେସନ୍‌ ପାଲଟିଥିବା ଓଡ଼ିଆ ଝିଅ ତଥା ବଲିଉଡ ଆକ୍ଟ୍ରେସ୍‌ ଅପସରା ରାଣୀଙ୍କ ଟ୍ୱିଟ୍‌ର ଆକାଉଣ୍ଟ ହେଲା ସସପେଣ୍ଡ । ଟ୍ୱିଟର ନିୟମ ଉଲ୍ଲଂଘନ କରିଥିବା ଅଭିଯୋଗରେ ଆକାଉଣ୍ଟ ସସପେଣ୍ଡ କରାଯାଇଥିବା ଟ୍ୱିଟ୍‌ର ପକ୍ଷରୁ କୁହାଯାଇଛି । ପ୍ରଖ୍ୟାତ ନିର୍ଦ୍ଦେଶକ ରାମ ଗୋପଳ ବର୍ମାଙ୍କ ଫିଲ୍ମ ‘ଥ୍ରୀଲର’ରେ ଅପସରା ଆକ୍ଟିଂ କରିଥିବା ବେଳେ ତାଙ୍କର ବହୁ ବୋଲ୍ଡ ଫଟୋ ସୋସିଆଲ ମିଡଆରେ ଘୁରି ବୁଲୁଥିଲା ।

ଏପରିକି ନିଜେ ରାମ ଗୋପାଳ ବର୍ମା ଅପସରାଙ୍କ ବହୁ ବୋଲ୍ଡ ଫଟୋ ସେୟାର କରି ଚର୍ଚ୍ଚାକୁ ମଧ୍ୟ ଆସିଥିଲେ । ଅପସରାଙ୍କ ଆଳରେ ଓଡ଼ିଶାକୁ ଅସମ୍ମାନ କରିଥିଲେ ରାମ ଗୋପାଳ । ପରେ ପରେ ଅପସରା ପାଲଟିଥିଲେ ସୋସିଆଲ ସେନସେସନ୍‌ । ତେବେ ଅପସରା ରାଣୀଙ୍କ ଅଫିସିଆଲ ଟ୍ୱିଟ୍‌ର ଆକାଉଣ୍ଟ ହେଉଛି Apsara_Rani

ଏହି ଆକାଉଣ୍ଟରେ ତାଙ୍କର 45 ହଜାର ଫଲୋଅର୍ସ ଥିଲେ। ବିଭିନ୍ନ ସମୟରେ ଅପସରାଙ୍କୁ ନେଇ ସୋସିଆଲ ମିଡିଆରେ ୟୁଜର୍ସ ଟ୍ରୋଲ କରୁଥିଲେ । ବର୍ତ୍ତମାନ ଯେଉଁ ଘଟଣା ସାମ୍ନାକୁ ଆସିଛି, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଅଚାନକ ତାଙ୍କ ଅଫିସିଆଲି ଟ୍ୱିଟ୍‌ର ଆକାଉଣ୍ଟକୁ ସସ୍‌ପେଣ୍ଡ କରାଯାଇଛି।

ଅନ୍‌ଲାଇନ୍‌ ପ୍ଲାଟଫର୍ମରେ ଅପସରାଙ୍କ ଫିଲ୍ମ ଥ୍ରୀଲର ରିଲିଜ ହୋଇଥିଲା । ବଲିଉଡ୍‌ ନିର୍ଦ୍ଦେଶକ ରାମ ଗୋପାଳ ବର୍ମା ଏହି ଫିଲ୍ମର ନିର୍ଦ୍ଦେଶକ ଥିଲେ । ତାଙ୍କ ନିର୍ଦ୍ଦେଶିତ ଆଗାମୀ ଫିଲ୍ମ ଡେଞ୍ଜରସରେ ମଧ୍ୟ ଅପସରା ଏବଂ ନୈନା ଗାଙ୍ଗୁଲି ଅଭିନୟ କରିଛନ୍ତି ।

ବିଶ୍ୱକପ ପୂର୍ଵରୁ ଭାରତ ଅଷ୍ଟ୍ରେଲିଆ ମୁହାଁ ମୁହିଁ

by Smruti Parija

India vs Australia 2023 full schedule: All you need to know about the ODI series

ଅର୍ଗସ ବ୍ୟୁରୋ: ବିଶ୍ୱକପ ପୂର୍ଵରୁ ଭାରତୀୟ ଦଳ ଆଜି ଅଷ୍ଟ୍ରେଲିଆ ସହ ମୁହାଁ ମୁହିଁ ହେବ । ୩ ମ୍ୟାଚ ବିଶିଷ୍ଟ ସିରିଜର ପ୍ରଥମ ମ୍ୟାଚ ଆଜି ମୋହାଲିରେ ଖେଳାଯିବ । ବିରାଟ କୋହିଲି, ରୋହିତ ଶର୍ମା ଓ ହାର୍ଦ୍ଧିକ ପାଣ୍ଡିଆଙ୍କ ଅନୁପସ୍ଥିତିରେ କେ ଏଲ ରାହୁଲ ପ୍ରଥମ ଦୁଇଟି ମ୍ୟାଚରେ ଭାରତୀୟ ଦଳର ନେତୃତ୍ଵ ନେବେ ।

ଅକ୍ଟୋବର ୫ ରୁ ଆରମ୍ଭ ହେଵାକୁ ଥିଵା ଆଇସିସି ୱାଲ୍ଡକପ ପୂର୍ଵରୁ ଅଷ୍ଟ୍ରେଲିଆ ଦଳକୁ ପରକ୍ଷିଵା ପାଇଁ ଏକ ଉତ୍ତମ ସୁଯୋଗ ହେଵ । ଦିନିକିଆ ସିରିଜିର ଅନ୍ୟ ଦୁଇଟି ମ୍ୟାଚ ସେପ୍ଟେମ୍ଵର ୨୪ ଓ ସେପ୍ଟେମ୍ଵର ୨୭ରେ ରାଜକୋଟରେ ଖେଳାଯିଵ ।

ଦୀର୍ଘ ୧୨ ବର୍ଷ ତଳେ ୨୦୧୧ ମସିହାରେ ଭାରତୀୟ ଦଳ ୱାଲ୍ଡକପ ଟ୍ରଫି ହାତେଇ ଥିଲା । ତେଣୁ ଟ୍ରଫି ହାତେଇଵା ପାଇଁ ଭାରତୀୟ ଦଳ ଵେଶ ଆଶାଵାଦୀ ରହିଥିଵାଵେଳେ ଆଗାମୀ ୱାଲ୍ଡକପ ସଂସ୍କରଣରେ ଭାରତୀୟ ଦଳ ଅକ୍ଟୋଵର ୮ରେ ଅଷ୍ଟ୍ରେଲିଆ ସହ ପ୍ରଥମ ମ୍ୟାଚ ଖେଳି ନିଜ ଅଭିଯାନ ଆରମ୍ଭ କରିଵ । ଏହି ମ୍ୟାଚ ଚେନ୍ନାଇରେ ଖେଳାଯିଵ ।

ଆହୁରି ପଢନ୍ତୁ ଖେଳ ଖବର...

ବିଦ୍ୟୁତ ବିଭାଗରେ ଡ୍ରାଇଭର ଭାବେ କାମ କରୁଥିଲେ ଯୁବକ

by Swayangprajna Mishra

A young man committed suicide by hanging himself by a fan

କଟକ : ଘର ଭିତରେ ବେକରେ ଗାମୁଛାରେ ରସି ଲଗାଇ ଫ୍ୟାନରେ ଝୁଲି ଯୁବକଙ୍କ ଆତ୍ମହତ୍ୟା। ଏଭଳି ଘଟଣା ଘଟିଛି କଟକ ଜିଲ୍ଲା ସାଲେପୁର ଥାନା ଶିଶୁଆ କଲ୍ୟାଣପୁର ଗ୍ରାମରେ। ମୃତ ଯୁବକ ଜଣକ ହେଲେ କଲ୍ୟାଣପୁର ଗ୍ରାମର ଚନ୍ଦନ ଭୋଇ। ଚନ୍ଦନ ଭୋଇକୁ ପରିବାରଲୋକେ ଉଦ୍ଧାର କରି ମେଡିକାଲକୁ ଆଣିଥିଲେ। ହେଲେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଛନ୍ତି।

ଅଧିକ ପଢନ୍ତୁ ଓଡିଶା ଖବର

ଘଟଣା ସ୍ଥଳରେ ପୋଲିସ ପହଞ୍ଚି ଶବକୁ ଜବତ କରିବା ସହ ଏକ ଅପମୃତ ମାମଲା ରଜୁ କରି ଶବବ୍ୟବଚ୍ଛେଦ ପାଇଁ କଟକ ପଠାଇ ତଦନ୍ତ ଆରମ୍ଭ କରିଛି। ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ପୋଲିସ ସୂଚନା ଦେଇଛି। ସୂଚନା ମୁତାବକ ଚନ୍ଦନ ଭୋଇ ବିଦ୍ୟୁତ ବିଭାଗରେ ଡ୍ରାଇଭର ଭାବେ କାମ କରନ୍ତି।

ମହିଳା ସଂରକ୍ଷଣ ବିଲ୍ ଉଭୟ ଗୃହରେ ପାସ୍ ; ସବୁ ଦଳକୁ ଧନ୍ୟବାଦ ଜଣାଇଲେ କେନ୍ଦ୍ରମନ୍ତ୍ରୀ

by Smruti Parija

Women's Protection Bill Passes in Both Houses; The Union Minister-dharmendra-pradhan thanked all the parties

ଅର୍ଗସ ବ୍ୟୁରୋ: ମହିଳା ସଂରକ୍ଷଣ ବିଲ ଉଭୟ ଗୃହରେ ପାସ୍ ହୋଇଛି । ମୋଦି ସରକାର ଆଣିଥିବା ଏହି ବିଲକୁ ବିରୋଧୀ ଦଳ ମଧ୍ୟ ସମର୍ଥନ ଜଣାଇଛନ୍ତି । ଯାହାକୁ ନେଇ ପ୍ରେସମିଟ୍ କରି ସବୁ ଦଳକୁ ଧନ୍ୟବାଦ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଦେଶରେ ମହିଳା ଅଧିକାର ସବୁବେଳେ ଆହ୍ବାନ ରହି ଆସିଥିବାବେଳେ ମୋଦି ସରକାରରେ ଏହାର କ୍ରିୟାନ୍ବୟନ ସମ୍ଭବ ହୋଇପାରିଛି ।

ମୋଦିଙ୍କ ଶାସନରେ ମହିଳାଙ୍କ ଅଧିକାର ଆହୁରି ବିସ୍ତୃତ ହୋଇଛି । ମହିଳାଙ୍କୁ ମାଗଣା ବିଜୁଳି ହେଉ, ଅବା ମହିଳାଙ୍କୁ ମାଗଣା ରାସନ, ମ୍ୟାଟରନିଟି ଲିଭର ପିରିୟଡ଼ ବୃଦ୍ଧି ସହ ଦେଶର ପ୍ରତିରକ୍ଷା କ୍ଷେତ୍ରରେ ମହିଳାଙ୍କ ବଳିଷ୍ଠ ଅବଦାନରେ ବୃଦ୍ଧି ସମ୍ଭବ ହୋଇଛି । ଯାହା ମୋଦି ସରକାରରେ ମହିଳାଙ୍କ ଅଧିକାରକୁ ଗୁରୁତ୍ବର ସବୁଠୁ ବଳିଷ୍ଠ ଉଦାହରଣ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ।

ଏହା ଛଡ଼ା ସଂସଦର ଉଭୟ ସଦନରେ ମହିଳା ସଂରକ୍ଷଣ ବିଲ୍ ନାରୀ ଶକ୍ତି ବନ୍ଦନ ବିଧେୟକ ସର୍ବସମ୍ମତିରେ ପାସ୍ ହେବା ଦେଶର ଗଣତନ୍ତ୍ରରେ ମହିଳାଙ୍କ ଭାଗିଦାରୀ ବୃଦ୍ଧି କରିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।