କୋରୋନା କାଳରେ ବସିଲା ଜି- ୭ ସମିତିର ପ୍ରଥମ ପର୍ଯ୍ୟାୟ ବୈଠକ
ନୂଆଦିଲ୍ଲୀ : ବଙ୍ଗଳୀ ଟିଭି ଅଭିନେତା ସୁଭୋ ଚକ୍ରବର୍ତ୍ତୀ ଫେସବୁକ୍ ଲାଇଭ ମାଧ୍ୟମରେ ଆତ୍ମହତ୍ୟା କରିବାକୁ ଚେଷ୍ଟା କରିଛନ୍ତି । ଅଭିନେତା ୮ ଜୁନରେ ସେ ନିଦ ବଟିକା ଖାଇ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ । ଖବର ଅନୂଯାୟୀ, କରୋନା ସଙ୍କଟ ମଧ୍ୟରେ ତାଙ୍କୁ କୌଣସି କାମ ମିଳୁନାହିଁ । ଯାହା ଫଳରେ ସେ ହତାଶ ହୋଇ ଯାଇଛନ୍ତି । ଏହି କାରଣ ପାଇଁ ସେ ଆତ୍ମହତ୍ୟା କରିବା କଥା କହିଛନ୍ତି । ତାଙ୍କର ଏପରି ହରକତ ତାଙ୍କ ଫ୍ୟାନ୍ସ ଏବଂ ତାଙ୍କ ସାଙ୍ଗସାଥିଙ୍କୁ ଆଶ୍ଚର୍ଯ୍ୟ କରିଥିଲା । ଏଥିପାଇଁ ସେମାନେ ତୁରନ୍ତ ପୁଲିସକୁ ଏହାର ସୂଚନା ଦେଇଥିଲେ । ପୁଲିସ ଏବାବଦରେ ଜାଣିବା ପରେ ଅଭିନେତାଙ୍କ ଘରେ ପହଞ୍ଚି ତାଙ୍କର ଜୀବନ ବଞ୍ଚାଇଛନ୍ତି ।
ଫେସବୁକ ଲାଇଭ ସମୟରେ ସେ କହିଥିଲେ, ସବୁ ପରିବାରରେ ସମସ୍ୟା ଅଛି । ମୋ ମା’ କହିବେ ପୁଅ ୩୧ ବର୍ଷ ବୟସରେ ବେକାର ବସିଛି । ମୋର ବାପା ଗତ ବର୍ଷ ଚାଲି ଯାଇଛନ୍ତି । ତାଙ୍କ ପେନସନ ଟଙ୍କାରେ ଘର ଚାଲୁଛି । ଯେତେବେଳେ ଜଣେ ଅବସାଦଗ୍ରସ୍ତ ହୁଏ ,ସେତେବେଳେ ସେ ଆଉ ବଞ୍ଚିବାକୁ ଇଚ୍ଛା କରେ ନାହିଁ । ମୁଁ ସତରେ ନିଦ ବଟିକା ଖାଇ ଦେଇଛି, ଶୋ କରୁନାହିଁ । ଛାତରୁ ଡେଇଁବା, ହାତ କାଟିବା ଏସବୁ ମୁଁ ପସନ୍ଦ କରେ ନାହିଁ । ମୁଁ ନିଦ ବଟିକା ପାଇଲି ଓ ଖାଇଦେଲି ।
ସୂଚନାଯୋଗ୍ୟ : ପୁଲିସଙ୍କ କହିବା ଅନୁଯାୟୀ, ଅଭିନେତା ଏବେ ସମ୍ପୂର୍ଣ୍ଣ ଠିକ୍ ଅଛନ୍ତି । ଜଣେ ଫେସବୁକ୍ ୟୂଜର ତାଙ୍କୁ ଏବାବଦରେ ପୁଲିସକୁ ସୂଚନା ଦେଇଥିବା କଥା ସେ କହିଛନ୍ତି । ଏହାପରେ ସେମାନେ ତୁରନ୍ତ ଅଭିନେତାଙ୍କ ଘରେ ଯାଇ ପହଞ୍ଚିଥିଲେ ।
ପ୍ରକାଶ ଥାଉକି, ସୁଭୋ ‘ମଙ୍ଗଲ ଚଣ୍ଡି’ ଏବଂ ‘ମନାସା’ ଭଳି ଟିଭି ଧାରାବାହିକ ରେ କାମ କରିଛନ୍ତି ।
