ସୁଶାନ୍ତ ସିଂ ରାଜପୁତ୍ ମୃତ୍ୟୁ ମାମଲା ! ଚାର୍ଜସିଟ୍ ଦାଖଲ କଲା ଏନ୍‌ସିବି

by Bismita Dash

ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ଡ୍ରଗ୍ସ ଲିଙ୍କ୍ ସାମ୍ନାକୁ ଆସିବା ପରେ, ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଏହାର ତଦନ୍ତ କରୁଥିଲା । ତଦନ୍ତ ପରେ ଏନ୍‌ସିବି ଏ ସଂକ୍ରାନ୍ତ ଚାର୍ଜସିଟ୍ ମୁମ୍ବାଇ ଏନ୍‌ଡିପିଏସ୍ କୋର୍ଟରେ ଫାଇଲ କରିଛି । ଏକ ୧୨ ହଜାର ପୃଷ୍ଠାର ଚାର୍ଜସିଟରେ ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ଓ ତାଙ୍କ ଭାଇ ସୌଭିକ୍ ଚକ୍ରବର୍ତ୍ତୀଙ୍କୁ ମୁଖ୍ୟ ଅଭିଯୁକ୍ତ ବୋଲି ଦର୍ଶା ଯାଇଛି ।

ଏହି ଦୁଇ ଜଣଙ୍କ ସମେତ ଆହୁରି ୩୩ ଜଣଙ୍କ ନାଁରେ ଚାର୍ଜସିଟ୍ ଦାଖଲ କରିଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ । ସେଥିମଧ୍ୟରୁ ୫ ଜଣ ଫେରାର ଥିବା ଉଲ୍ଲେଖ ରହିଛି । ଜଣାଶୁଣା ଅଭିନେତ୍ରୀ ଦୀପିକା ପାଦୁକୋନ୍‌,ଶ୍ରଦ୍ଧା କପୁର ଓ ସାରା ଅଲ୍ଲୀ ଖାନ୍‌ଙ୍କ ବୟାନ ମଧ୍ୟ ଚାର୍ଜସିଟରେ ଉଲ୍ଲେଖ ରହିଛି । ଏନ୍‌ସିବି ଚାର୍ଜସିଟ ବ୍ୟତୀତ ୫୦ ହଜାର ପୃଷ୍ଠାର ଡିଜିଟାଲ ପ୍ରମାଣ ମଧ୍ୟ ଦାଖଲ କରିଛି । ଏଥିରେ ଅଭିଯୁକ୍ତ ମାନଙ୍କର ହ୍ୱାଟ୍ସଅପ୍ ଚାଟ୍‌,କଲ୍‌ରେକର୍ଡ ଓ ସେମାନଙ୍କର ବ୍ୟାଙ୍କା ଦସ୍ତାବିଜ୍ ପ୍ରମୁଖ ସାମିଲ ରହିଛି । ୨୦୦ରୁ ଅଧିକ ସାକ୍ଷୀଙ୍କ ବୟାନ ମଧ୍ୟ ରହିଛି । ଏନସିବି ୩ ମାସ ପରେ ଆଉ ଏକ ସପ୍ଲିମେଣ୍ଟାରୀ ଚାର୍ଜସିଟ୍ ଦାଖଲ କରିବ ବୋଲି ସୂଚନା ରହିଛି ।

ବିଜେପି ପକ୍ଷରୁ ଆୟୋଜିତ ମେଗା ରକ୍ତଦାନ ଶିବିରରେ ଯୋଗ ଦେଲେ ଧର୍ମେନ୍ଦ୍ର

by Manini Pattanayak

Dharmendra participated in the mega blood donation camp organized by the BJP

ଅନୁଗୁଳ: ଅନୁଗୁଳରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଛେଣ୍ଡିପଦା ପରଙ୍ଗ ପଞ୍ଚାୟତ କାର୍ଯ୍ୟାଳୟରେ ବିଜେପି ପକ୍ଷରୁ ଆୟୋଜିତ ମେଗା ରକ୍ତଦାନ ଶିବିରରେ ଯୋଗ ଦେଇଛନ୍ତି । ମୋଦି ସରକାରଙ୍କ ସେବାପକ୍ଷ ପାଳନ ଅବସରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଛି । ଏହାପରେ ସହିଦ ବିକା ନାୟକଙ୍କ ଜନ୍ମମାଟି ତାଳଚେର ଚନ୍ଦ୍ରବିଲ ଗାଁକୁ ଯାଇ `ମୋ ଦେଶ ମୋ ମାଟି' କାର୍ଯ୍ୟକ୍ରମରେ ସାମିଲ ହେବେ କେନ୍ଦ୍ରମନ୍ତ୍ରୀ ।

ମାଟି ସଂଗ୍ରହ କରି ସହିଦ ପରିବାରଙ୍କୁ ସମ୍ମାନିତ କରିବେ ଓ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ । ଏହାଛଡା ବୃକ୍ଷ ରୋପଣ କାର୍ଯ୍ୟକ୍ରମରେ ମଧ୍ୟ ଯୋଗ ଦେବା ସହ ଛାତ୍ରଛାତ୍ରୀଙ୍କୁ ଶପଥ ପାଠ କରାଇବେ ଧର୍ମେନ୍ଦ୍ର ପ୍ରଧାନ।

ଅଧିକ ପଢନ୍ତୁ ଓଡ଼ିଶା ଖବର

ଆଜି ହାଇକୋର୍ଟରେ ରତ୍ନଭଣ୍ଡାର ସମ୍ପର୍କିତ ମାମଲାର ହେବ ଶୁଣାଣୀ

by Manini Pattanayak

The case related to Ratnabhandara will be heard in the High Court today

ଭୁବନେଶ୍ୱର: ଆଜି ହାଇକୋର୍ଟରେ ରତ୍ନଭଣ୍ଡାର ସମ୍ପର୍କିତ ମାମଲାର ହେବ ଶୁଣାଣୀ। ରତ୍ନଭଣ୍ଡାର ଖୋଲି ରତ୍ନ ଅଳଙ୍କାର ହିସାବ କରିବାକୁ ଦାବି କରି ରାଜ୍ୟ ବିଜେପିର ପୂର୍ବତନ ସଭାପତି ସମୀର ମହାନ୍ତିଙ୍କ ପକ୍ଷରୁ ଦାଖଲ ଜନସ୍ବାର୍ଥ ମାମଲା ଉପରେ ହେବ ଶୁଣାଣୀ।

ମୁଖ୍ୟ ବିଚାରପତି ଜଷ୍ଟିସ ଶୁଭାଶିଷ ତାଳପତ୍ର ଓ ଜଷ୍ଟିସ ସାବିତ୍ରୀ ରଥଙ୍କୁ ନେଇ ଗଠିତ ଖଣ୍ଡପୀଠରେ ହେବ ଶୁଣାଣୀ। ଆବେଦନକାରୀଙ୍କ ପକ୍ଷରୁ ବରିଷ୍ଠ ଆଇନଜୀବୀ ପିତାମ୍ବର ଆଚାର୍ଯ୍ୟ ମାମଲା ପରିଚାଳନା କରୁଛନ୍ତି।

ଅଧିକ ପଢନ୍ତୁ ଓଡ଼ିଶା ଖବର

ଦୀର୍ଘ ବର୍ଷ ଧରି ପରମ୍ପରାକୁ ଜାରୀ ରଖିଥିବାରୁ ପୂଜା କମିଟିର ସଦସ୍ୟଙ୍କୁ ଧନ୍ୟବାଦ ଜଣାଇଲେ ଧର୍ମେନ୍ଦ୍ର

by Manini Pattanayak

Dharmendra thanked the members of the puja committee for continuing the tradition for many years

ଦେବଗଡ: ଦେବଗଡ଼ ଗଣେଶ ପୂଜାରେ ସାମିଲ ହେଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଦେବଗଡର ଜନସାଧାରଣ, ମାଆ ଓ ଭଉଣୀଙ୍କ ସହ ଗଣେଶ ମେଳାରେ ସାମିଲ ହୋଇ ପୂଜା ମଣ୍ଡପରେ ପୂଜାର୍ଚ୍ଚନା କରିବା ସହ ପ୍ରସାଦ ବିତରଣ କଲେ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଗଣେଶ ପୂଜା ମାଧ୍ୟମରେ ସ୍ଥାନୀୟ ଲୋକକଳା, ସଂସ୍କୃତି ଓ ପରମ୍ପରାର ପ୍ରଚାର ପ୍ରସାର ପାଇଁ ସ୍ଥାନୀୟ ପୂଜା କମିଟିକୁ ଧନ୍ୟବାଦ ଜଣାଇଲେ କେନ୍ଦ୍ରମନ୍ତ୍ରୀ । ଶ୍ରୀ ପ୍ରଧାନ ଟୁଇଟ୍‌ କରି କହିଛନ୍ତି, ଦେବଗଡ଼ରେ ସାର୍ବଜନୀନ ଗଣେଶ ମେଳା-୨୦୨୩ରେ ସାମିଲ ହେବାର ସୌଭାଗ୍ୟ ଲାଭ କଲି ।

ଦେବଗଡ ସହ ମୋର ସମ୍ପର୍କ ବହୁତ ପୁରୁଣା । ଦେବଗଡ଼ ମୋତେ ସବୁବେଳେ ଅପେକ୍ଷା ଠାରୁ ଅଧିକ ଆଶୀର୍ବାଦ ଦେଇଛି । ସର୍ବଦା ମୋତେ ମାର୍ଗଦର୍ଶନ ଦେଇ ଆସିଥିବାରୁ ମୁଁ ଜିଲ୍ଲାର ସମସ୍ତ ଜନସାଧାରଣଙ୍କ ପାଖରେ ଋଣୀ । ଦେବଗଡ଼ ଗଣେଶ ପୂଜା ବହୁତ ପୁରୁଣା । ବିଗତ ୭୫ ବର୍ଷ ପୂର୍ବରୁ ସ୍ଥାନୀୟ ଅଞ୍ଚଳର କିଛି ବ୍ୟବସାୟୀ ବନ୍ଧୁମାନଙ୍କ ଦ୍ୱାରା ଆରମ୍ଭ ହୋଇଥିବା ଗଣେଶ ପୂଜା ଆଜି ସ୍ଥାନୀୟ ଲୋକକଳା, ସଂସ୍କୃତି ଓ ପରମ୍ପରାର ପ୍ରଚାର ପ୍ରସାର ଦିଗରେ ବଡ ମାଧ୍ୟମ ହୋଇଛି । ଦୀର୍ଘ ବର୍ଷ ଧରି ଏହି ପରମ୍ପରାକୁ ଜାରୀ ରଖିଥିବାରୁ ମୁଁ ସମସ୍ତ ପୂଜା କମିଟିର ବନ୍ଧୁ ମାନଙ୍କୁ ଧନ୍ୟବାଦ ଜଣାଉଛି ବୋଲି କହିଛନ୍ତି ଧର୍ମେନ୍ଦ୍ର ।