ଅର୍ଗସ ବ୍ୟୁରୋ: ବଲିଉଡ୍ରେ ଏଣ୍ଟ୍ରି କରିବେ ୨୦୨୧ ମସିହା ବ୍ରହ୍ମାଣ୍ଡ ସୁନ୍ଦରୀ ହରନାଜ ସନ୍ଧୁ । ଚର୍ଚ୍ଚାରେ ରହିଛି ଟାଇଗର ଶ୍ରଫ୍ଙ୍କ ଫିଲ୍ମ ‘ବାଗି-୪’ । ଫିଲ୍ମମେକର ନିକଟରେ ସୋନମ ବାଜୱା ଓ ସଞ୍ଜୟ ଦତ୍ତଙ୍କ ଏଣ୍ଟ୍ରି ବିଷୟରେ ସ୍ପଷ୍ଟ କରିଥିଲେ । ‘ବାଗି’ର ପ୍ରଥମ ଭାଗ ୨୦୧୬ ମସିହାରେ ରିଲିଜ୍ ହୋଇଥିଲା । ଏଥିରେ ଟାଇଗର ଶ୍ରଫ୍ ଓ ଶ୍ରଦ୍ଧା କପୁର ମୁଖ୍ୟ ଭୂମିକାରେ ଅଭିନୟ କରିଥିଲେ । ବକ୍ସ ଅଫିସ୍ରେ ଏହା ଭଲ ବ୍ୟବସାୟ କରିଥିଲା । ଫିଲ୍ମର ୨ୟ ଭାଗ ୨୦୧୮ ଓ ୩ୟ ଭାଗ ୨୦୨୦ରେ ମୁକ୍ତିଲାଭ କରିଥିଲା । ୫ ବର୍ଷ ପରେ ୨୦୨୫, ସେପ୍ଟେମ୍ବର ୫ ତାରିଖରେ ‘ବାଗି୪’ ସିନେମାଘରକୁ ଆସିବ । ଏଥିରେ ଜିମି ଶେରଗିଲ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ବାଗି ୟୁନିଭର୍ସରେ ହରନାଜଙ୍କ ଏଣ୍ଟ୍ରି ଘୋଷଣା ପରଠୁ ତାଙ୍କ ବଲିଉଡ୍ ଡେବ୍ୟୁ ଖବରର ଶିରୋନାମା ହୋଇଛି । ଇଣ୍ଟର୍ନେଟ୍ରେ ଏବେ ସେ ଟ୍ରେଣ୍ଡ୍ କରୁଛନ୍ତି ।ଏବେ ନିର୍ମାତା ସୋସିଆଲ ମିଡିଆରେ ଏକ ପୋଷ୍ଟ୍ ସେୟାର କରି ହରନାଜଙ୍କ ଏଣ୍ଟ୍ରିରେ ମୋହର ମାରିଛନ୍ତି ।
ପୋଷ୍ଟ୍ରେ କ୍ୟାପ୍ସନ ରହିଛି ‘ମିସ୍ ୟୁନିଭର୍ସରୁ ବାଗି ୟୁନିଭର୍ସରେ ହରନାଜ କୌରଙ୍କୁ ସ୍ୱାଗତ ।’ ଫିଲ୍ମ ଟିମ୍ ହରନାଜଙ୍କ ନାଁ ଦେଇଛନ୍ତି ରିବେଲ ଲେଡି । ହରନାଜ ଏହା ପୂର୍ବରୁ ୨୦୨୨ରେ ମୁକ୍ତିପ୍ରାପ୍ତ ପଞ୍ଜାବୀ ଫିଲ୍ମ ‘ବାଈ ଜୀ କୁଟୁଙ୍ଗେ’ ଓ ୨୦୨୩ରେ ମୁକ୍ତିପ୍ରାପ୍ତ ‘ୟାରାଂ ଦିୟାଂ ପୌ ବାରାଂ’ରେ ନଜର ଆସିଥିଲେ। ସାଜିଦ ନାଦିଆଦୱାଲାଙ୍କ ପ୍ରଯୋଜନାରେ ନିର୍ମାଣାଧୀନ ‘ବାଗି୪’ର ପୋଷ୍ଟର୍ ଦର୍ଶକଙ୍କ ଧ୍ୟାନ ଆକର୍ଷଣ କରିଛି । ପ୍ରଥମ ପୋଷ୍ଟର୍ ଗତ ନଭେମ୍ବର ୧୮ ତାରିଖରେ ରିଲିଜ୍ ହୋଇଥିଲା । ଏଥିରେ ଟାଇଗର ଶ୍ରଫ୍ଙ୍କ ଭୟଙ୍କର ଲୁକ୍ ଦେଖିବାକୁ ମିଳିଥିଲା ।
ଅଧିକ ପଢ଼ନ୍ତୁ ମନୋରଞ୍ଜନ ଖବର:
