ରିଲିଜ୍ ହୋଇଯାଇଛି ସଙ୍ଗ୍‌ ‘Oh Sanam ’

ବିଜେଡିର ପୂର୍ବତନ ଉପସଭାପତି ତଥା ଖଣ୍ଡପଡ଼ାର ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କୁ ନେଇ ଚର୍ଚ୍ଚା ସବୁବେଳେ ଲାଗିରୁହେ । କେତେବେଳେ ସରକାରଙ୍କୁ ସମାଲୋଚନା କରିବା ହେଉ କି ସରକାରଙ୍କ ଦୋଷଦୁର୍ବଳତାକୁ ବାହାରକୁ ଆଣିବା ହେଉ...ତାଙ୍କର ଗୋଟିଏ ମନ୍ତବ୍ୟ ରାଜନୀତିରେ ସୃଷ୍ଟି କରେ ଝଡ଼ । ହେଲେ ଦଳରୁ ବିଦା ହେବା ପରେ ଗୋଟିଏ ପ୍ରକାର ଅଦୃଶ୍ୟ ହୋଇଯାଇଥିଲେ ସୌମ୍ୟ । ଏମିତିକି ମିଡିଆ ସାମ୍ନାକୁ ବି ଆସୁନଥିଲେ । ହେଲେ ଛାତ୍ର ନିର୍ବାଚନକୁ ନେଇ ସେ ଯେଉଁ ପ୍ରତିକ୍ରିୟା ରଖିଛନ୍ତି ତାହାକୁ ନେଇ ବଢିଲାଣି ଚର୍ଚ୍ଚା ।

ଛାତ୍ର ସଂସଦ ନିର୍ବାଚନ ବନ୍ଦ ନେଇ ରାଜ୍ୟ ସରକାରଙ୍କ ନିଷ୍ପତ୍ତିକୁ ବୋଧହୁଏ ସିଏ ଗ୍ରହଣ କରିପାରିନାହାନ୍ତି । ସେଇଥିଲାଗି ତ ସୌମ୍ୟ କହିଛନ୍ତି, ଛାତ୍ର ସଂସଦ ନିର୍ବାଚନ ହେଉ । ନିର୍ବାଚନ ହେଲେ ଅନେକ ପ୍ରତିଭା ସାମ୍ନାକୁ ଆସିବେ । ତେବେ ସୌମ୍ୟଙ୍କର ଏହି ମନ୍ତବ୍ୟକୁ ନେଇ ଏବେ ସୃଷ୍ଟି ହେଲାଣି ଚର୍ଚ୍ଚା । ଗୁରୁତ୍ଵପୂର୍ଣ୍ଣ କଥା ହେଲା ଅନେକ ଦିନ ବ୍ୟବଧାନ ପରେ ମିଡିଆ ସାମ୍ନାକୁ ଆସିଲେ ସୌମ୍ୟ । ଖାଲି ଆସିଲେ ତାହା ନୁହେଁ ବରଂ ନିର୍ବାଚନକୁ ନେଇ ସେ ଯାହା କହିଲେ ତାହା ନିଶ୍ଚୟ ବିଚାର ଯୋଗ୍ୟ ।
 

ରାଜସ୍ଥାନରେ ପୁଟିଲା ପଦ୍ମ, କଂଗ୍ରେସଠୁ ମୁଖ୍ୟମନ୍ତ୍ରୀ ଚୌକି ନେଇ ଆସିଲା ବିଜେପି । କୁହାଯାଉଛି କି ରାଜସ୍ଥାନରେ ପାଇଲଟ୍‌ ଓ ଗେହଲଟ୍‌ଙ୍କ ତୁ ତୁ ମେଁ ମେଁ ପାଇଁ ପରାଜୟର ସ୍ଵାଦ ଚାଖିଲା କଂଗ୍ରେସ । ଆଉ ସଠିକ୍‌ ଗୋଟି ଚଳାଇବାରୁ ପୁଣି ଥରେ ଶାସନ କ୍ଷମତାକୁ ଫେରିଲା ବିଜେପି । ନିର୍ବାଚନ ରେଜଲ୍ଟ ପ୍ରକାଶ ପାଇବା ପରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ଅଶୋକ ଗେହଲଟ୍‌ । ତେବେ କେଉଁ କେଉଁ ଫ୍ୟାକ୍ଟର ବିଜେପି ଜିତିବାରେ ସହାୟକ ହେଲା ତାହାକୁ ନେଇ ଏବେ ବଢିଲାଣି ଚର୍ଚ୍ଚା ।

ଜାରି ରହିଲା ରିୱାଜ୍, ବଦଳିଗଲା ରାଜ୍ ।  କଂଗ୍ରେସକୁ ଫେଲ୍ କରି ପୁଣି ବିଜେପିକୁ ପଗଡ଼ି ପିନ୍ଧାଇଲା ରାଜସ୍ଥାନ । ୨୦୦ ଆସନ ବିଶିଷ୍ଟ ରାଜସ୍ଥାନ ବିଜେପିର ବୃହତ ବିଜୟ ପରେ ପଦ୍ମ ଶିବିରରେ ଦେଖାଯାଇଛି ଅଭୂତପୂର୍ବ ଖୁସି । ଗୀତ ବାଜିଥିଲା, ବାଜା ବାଜିଥିଲା...ପ୍ରବଳ ନାଚିଥିଲେ ନେତା ଓ କର୍ମୀ । ହେଲେ ସମସ୍ତଙ୍କର ଏବେ ଗୋଟିଏ କଥା କେମିତି ଜିତିଲା ବିଜେପି ?

୦୧. କାମ କଲା ମୋଦିଙ୍କ ଲୋକପ୍ରିୟତା
୦୨. କଂଗ୍ରେସ କଳି, ବଳି ପଡିଲା ମୁଖ୍ୟମନ୍ତ୍ରୀ ଚୌକି
୦୩.  ପ୍ରତିଥର ସରକାର ବଦଳାଇବାର ପରମ୍ପରା
୦୪. ଦୁର୍ନୀତିରେ ବୁଡିଥିଲା କଂଗ୍ରେସ !

ଏହିସବୁ କାରଣ ଲାଗି ରାଜସ୍ଥାନରେ ବିଜେପିର ବାଜିମାତ ହୋଇଛି ବୋଲି ଚର୍ଚ୍ଚା ଜୋର ଧରିଥିବା ବେଳେ ନିଜ ପରାଜୟକୁ ସ୍ଵୀକାର କରିଛି କଂଗ୍ରେସ । ସେପଟେ କିଏ ହେବ ମୁଖ୍ୟମନ୍ତ୍ରୀ ତାହାକୁ ନେଇ ବି ଚର୍ଚ୍ଚା ଜୋର । ହେଲେ ଜାତୀୟ ଗଣମାଧ୍ୟମରେ ମହନ୍ତ ବାଲକନାଥ ମୁଖ୍ୟମନ୍ତ୍ରୀ ହେବେ ବୋଲି ଚର୍ଚ୍ଚା ଜୋର । ତେବେ ସମୟ କହିବ ରାଜସ୍ଥାନରେ କିଏ ପିନ୍ଧିବ ମୁଖ୍ୟମନ୍ତ୍ରୀ ମୁକୁଟ ।

ବିଜେଡି ଫୋକସ୍‌ରେ ୨୪ ସାଧାରଣ ନିର୍ବାଚନ । ଷଷ୍ଠଥର ମୁଖ୍ୟମନ୍ତ୍ରୀ ହେବା ଲକ୍ଷ୍ୟରେ ସୁପ୍ରିମୋ ନବୀନ ପଟ୍ଟନାୟକ । ସେଇଥି ଲାଗି ତ ଏବେଠୁ ସରଗରମ ହେଲାଣି ରାଜନୀତି । ମାଳମାଳ ଯୋଜନା କଲେ, ପିଲାଠୁ ବୁଢା ଲାଭ ପାଇଲେ । ହେଲେ ବି ବିଜେଡିର ଆଉ ସେତେଟା ଲୋକପ୍ରିୟତା ନାହିଁ ବୋଲି ଖୋଦ୍‌ ଜାଣିସାରିଲେଣି ସଭାପତି । ଯାହାକୁ ନେଇ ଟେନସନ୍‌ରେ ଛାମୁଆ ନେତା । ନବୀନଙ୍କୁ ଛାଡିଦେଲେ ଯିଏ ବି ଯିବ ଭୋଟ୍‌ ଆଣିବା ସମ୍ଭବ ହେବନି । ଏକଥା କାହାକୁ ବି ଅଛପା ନାହିଁ । ତେଣୁ ମାଷ୍ଟ୍ରର ଷ୍ଟ୍ରୋକ୍‌ ଦେବା ପାଇଁ ବ୍ଲୁ-ପ୍ରିଣ୍ଟ ପ୍ରସ୍ତୁତ କରୁଛନ୍ତି ନବୀନ ।

ସାଧାରଣ ନିର୍ବାଚନକୁ ଆହୁରି ୪ ମାସ ବାକି ରହିଲାଣି । ରାଜନୈତିକ ସମୀକ୍ଷକଙ୍କ ଆକଳନ ହେଲା, ବିଜେଡି ପାଇଁ ବଡ଼ ସମସ୍ୟା ଟିକେଟ ବଣ୍ଟା । ଦଳୀୟ କନ୍ଦଳ ବି ମୁଖ୍ୟ ମୁଣ୍ଡବିନ୍ଧାର କାରଣ ହୋଇପାରେ । କାରଣ ସାମାନ୍ୟ ଭୁଲ ହେଲେ ଧାମନଗର ପରି ପୂରା ରାଇଜଟା ହାତରୁ ଖସିଯାଇପାରେ । ତେଣୁ କୌଣସି ପରିସ୍ଥିତିରେ ବି ଟିକେଟ୍‌କୁ ନେଇ କେଁ ରଖିବାକୁ ଚାହୁଁନାହାନ୍ତି ନବୀନ । ବୋଧହୁଏ ସେଇଥି ଲାଗି ନିଜେ ଜିଲ୍ଲାୱାରୀ ଗସ୍ତ କରିବା ସହ କାହାକୁ ଟିକେଟ୍‌ ମିଳିଲେ ଦଳ ଜିତିବ ସେହିକଥା ନିଜେ ପରଖିବାକୁ ଚେଷ୍ଟା କରିପାରନ୍ତି ନବୀନ ।

ସେପଟେ ଏହାରି ଭିତରେ ୪ ରାଜ୍ୟର ବିଧାନସଭା ନିର୍ବାଚନ ଶଙ୍ଖ ଦଳକୁ ଆହୁରି ଟେନସନ୍‌ରେ ପକାଇଛି । ବିଜେପିର ଟ୍ରେଣ୍ଡ ଦେଖି ଝାଳନାଳ ହେଲାଣି ବିଜେଡି । ତେବେ ସମୟ  କହିବ ଏଥର କେତେ ଗଡକୁ ସମ୍ଭାଳିପାରୁଛି ବିଜେଡି ।