ଅର୍ଗସ ବ୍ୟୁରୋ: ବଲିଉଡ ଅଭିନେତ୍ରୀ ସନ୍ନି ଲିଓନେ ବଡ଼ ପରଦା ସହିତ ସୋସିଆଲ ମିଡିଆରେ ନିଜର ଜଲଓ୍ବା ଦେଖାଇଛନ୍ତି। ଅଭିନୟ ବ୍ୟତୀତ ସେ ନିଜ ଷ୍ଟାଇଲ ଷ୍ଟେଟମେଣ୍ଟ ପାଇଁ ବେଶ ଜଣାଶୁଣା। ସନ୍ନିଙ୍କ ହଟ ଲୁକ୍ସ କାନ୍ସ ଫେଷ୍ଟିଭାଲରେ ଦେଖିବାକୁ ମିଳିଛି।
ସନ୍ନି ପ୍ରଥମ ଥର କାନ୍ସ ଫିଲ୍ମ ଫେଷ୍ଟିଭାଲରେ ଡେବ୍ୟୁ କରିଛନ୍ତି। ଏବଂ ତାଙ୍କ ରେଡ କାର୍ପେଟର ଅଭିଜ୍ଞତାକୁ ସ୍ବତନ୍ତ୍ର କରିବାପାଇଁ ନିଜ ଷ୍ଟାଇଲ ଷ୍ଟେଟମେଣ୍ଟ ସହିତ ଚର୍ଚ୍ଚାରେ ରହିବାକୁ କୌଣସି ସୁଯୋଗ ହାତଛଡ଼ା କରୁ ନାହାନ୍ତି। ସନ୍ନି କାନ୍ସ ଫିଲ୍ମ ଫେଷ୍ଟିଭାଲରେ ୩ଦିନ ହେବ ପହଞ୍ଚିସାରିଲେଣି। ପ୍ରତିଦିନ ସେ ନିଜ ଲୁକ ଶେୟାର କରି ଚର୍ଚ୍ଚାରେ ରହୁଛନ୍ତି। ସନ୍ନି ପୂର୍ବରୁ ଏକ ସବୁଜ ରଙ୍ଗର ଥାଇ ହାଇ ସ୍ଲିଟ ଗାଉନ ପିନ୍ଧିଥିଲେ। ଅଭିନେତ୍ରୀଙ୍କ ଏହି ଲୁକ ଭାଇରାଲ ହୋଇଛି। ଧଳା ପ୍ୟାଣ୍ଟ ଏବଂ ବ୍ଲାକ କ୍ରପ ଟପରେ ସନ୍ନିଙ୍କ ଦ୍ବିତୀୟ ଲୁକ ଆସିଥିଲା।
ଏହି ଲୁକ ମାଧ୍ୟମରେ ସନ୍ନି ଅନେକ ଚର୍ଚ୍ଚାରେ ଥିବାବେଳେ ଏବେ ତାଙ୍କର ଆଉ ଏକ ଲୁକ ସାମ୍ନାକୁ ଆସିଛି। କାନ୍ସ ଫିଲ୍ମ ଫେଷ୍ଟିଭାଲର ତୃତୀୟ ଦିନରୋ ସନ୍ନି ଏକ ଜୁଲଫର ମିଲାଓ କୁଲ ସୋଲଜର ଡ୍ରେସ ପିନ୍ଧିଥିଲେ। ସେ ହାଇ ହିଲ ପିନ୍ଧିବା ସହ ଅଳ୍ପ ମେକଅପରେ ନିଜ ଲୁକକୁ ପୁରା କରିଛନ୍ତି। ପ୍ରଶଂସକମାନେ ସନ୍ନିଙ୍କ ଫ୍ୟାଶନ ଏବଂ ତାଙ୍କ କାନ୍ସ ଲୁକକୁ ଖୁବ ପସନ୍ଦ କରିଛନ୍ତି। ସେ ଏହି ଫିଲ୍ମ ଫେଷ୍ଟିଭାଲରେ ତାଙ୍କ `କେନେଡି'ର ଜୋରଦାର ପ୍ରଚାର କରୁଛନ୍ତି। ଏହି ଫିଲ୍ମଟି ଏକମାତ୍ର ଭାରତୀୟ ଫିଲ୍ମ , ଯାହାକି କାନ୍ସ ଜୁରୀ ଦ୍ବାରା ମନୋନୀତ ହୋଇଛି।
ଅଧିକ ପଢ଼ନ୍ତୁ ମନୋରଞ୍ଜନ ଖବର
