ସୂଚନାଅନୁଯାୟୀ, ଟଙ୍କା ଲୋଭରେ ସୁଶାନ୍ତଙ୍କୁ ଡ୍ରଗ୍ସ ଯୋଗାଉଥିଲେ ଋଷିକେଶ । ସୁଶାନ୍ତଙ୍କ ଷ୍ଟାଫ୍ ମେମ୍ବର ଦୀପେଶ୍ ସାୱନ୍ତ ଏନ୍ସିବି ଜେରା ସମୟରେ ଋଷିକେଶଙ୍କ ନାଁ ନେବା ପରେ, ଋଷିକେଶଙ୍କ ନାଁ ସାମ୍ନାକୁ ଆସିଥିଲା ।
ଗତବର୍ଷ ସେପ୍ଟେମ୍ବର ମାସରେ ଋଷିକେଶଙ୍କ ଘରେ ଏନ୍ସିବି ରେଡ କରିଥିଲା । ଏନ୍ସିବି ର ତନାଘନା ପରେ ସେ କୋର୍ଟରେ ଜାମିନ୍ ପାଇଁ ଆଗୁଆ ଆବେଦନ୍ କରିଥିଲେ । କିନ୍ତୁ କୌଣସି ଫଳାଫଳ ମିଳି ନଥିଲା ।
ସୁଶାନ୍ତଙ୍କ ଡ୍ରିମ ପୋଜେକ୍ଟର ଆସିଷ୍ଟାଣ୍ଟ ଡାଇରେକ୍ଟର ହେଉଛନ୍ତି ଋଷିକେଶ । ତାଙ୍କ ଘରେ ଛାନଭିନ୍ ସମୟରେ ତାଙ୍କ ଘରୁ ଏକ ଲାପଟପ୍ ଜବଦ ହୋଇଛି । ତେବେ ଗତକାଲି ସେ ଚେମ୍ବୁରୁ ସ୍ଥିତ ବାସଭବନରେ ଥିବା ସମୟରେ ଏନ୍ସିବି ଅଧିକାରୀ ପହଞ୍ଚି ଜେରା ପାଇଁ ତାଙ୍କୁ ଏନ୍ସିବି ଅଫିସ ଆଣିଥିଲେ । ଏହାପରେ ଦୀର୍ଘ ୮ ଘଂଟାରୁ ଅଧିକ ସମୟ ପଚରାଉଚୁରା କରିବା ପରେ ତାଙ୍କୁ ଗିରଫ କରିଥିଲା ।
