ନୂଆଦିଲ୍ଲୀ : ସାଉଥ ସୁପରଷ୍ଟାରରୁ ରାଜନେତା ହୋଇଥିବା ବିଜୟକାନ୍ତଙ୍କ ସ୍ବାସ୍ଥ୍ୟବସ୍ଥା ଗୁରତ୍ବର ହୋଇଛି । ନିକଟରେ ତାଙ୍କର ନିଶ୍ବାସ ନେବାରେ ଅସୁବିଧା ହେବାରୁ ତାଙ୍କୁ ଚେନ୍ନାଇର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ଖବର ଅନୁଯାୟୀ, ରାତିରେ ଘରେ ଶୋଇଥିବା ସମୟରେ ଭୋର ସେଢେ ୩ଟା ସମୟରେ ତାଙ୍କର ନିଶ୍ବାସ ନେବାରେ ଅସୁବିଧା ହୋଇଥିଲା । ଏହାପରେ ତାଙ୍କ ପରିବାର ଲୋକେ ତୁରନ୍ତ ତାଙ୍କୁ ଚେନ୍ନାଇର ଏକ ଘରୋଇ ହସ୍ପିଟାଲରେ ଭର୍ତ୍ତି କରିଥିଲେ ।
ଅନେକ ଦିନ ଧରି ବିଭିନ୍ନ ରୋଗରେ ପିଡିତ ଅଛନ୍ତି ବିଜୟକାନ୍ତ । ଏହି କାରଣରୁ ସେ ନିଶ୍ବାସ ନେବାରେ କଷ୍ଟ ଅନୁଭବ କରୁଥିବା ଜଣାପଡିଛି ।
ସୂଚନାଯେଗ୍ୟ : ଗତ ଡିସେମ୍ବର ମାସରେ ବିଜୟକାନ୍ତ କରୋନା ସଂକ୍ରମିତ ହୋଇଥିଲେ । କରୋନା ସଂକ୍ରମିତ ହେବା ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହାପରେ ତାଙ୍କ ପତ୍ନୀ ମଧ୍ୟ କରୋନା ପଜିଟିଭ୍ ହୋଇଥିଲେ । ଏହାପରେ ଦୁହେଁ ହସ୍ପିଟାଲରେ ରହି ଚିକିସ୍ବିତ ହୋଇଥିଲେ । ଅନେକ ଦିନ ଧରି ଦୁହେଁ ଚିକିସ୍ବିତ ହେବାପରେ, ଡିସଚାର୍ଜ ହୋଇ ଘରକୁ ଫେରିଥିଲେ ।
ଅର୍ଗସ ବ୍ୟୁରୋ : ଗତ କାଲିଠାରୁ ଆରମ୍ଭ ହୋଇଛି ବିଶ୍ବ ଟେଷ୍ଟ ଚାମ୍ପିୟନସିପର ଫାଇନାଲ । ଇଂଲଣ୍ଡର ଓଭାଲ ମୈଦାନରେ ମୁହାଁମୁହିଁ ହୋଇଛନ୍ତି ଭାରତ- ଅଷ୍ଟ୍ରେଲିଆ । ଏହି ଫାଇନାଲ ମ୍ୟାଚ୍ରେ ଟିମ ଇଣ୍ଡିଆର ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା । କିଙ୍ଗଷ୍ଟନ୍ ଓଭାଲ୍ରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଆରମ୍ଭ ହୋଇଥିବା ଡବ୍ଲୁଟିସି ଦ୍ବିତୀୟ ସଂସ୍କରଣର ଫାଇନାଲ୍ରେ ହେଡ୍ ଓ ଷ୍ଟିଭ୍ ସ୍ମିଥ୍ଙ୍କ ମଧ୍ୟରେ ଦ୍ବିଶତକୀୟ ଭାଗୀଦାରି ହୋଇଛି । ଯାହାଫଳରେ ପ୍ରଥମ ଦିନର ଷ୍ଟମ୍ପ୍ସ ଅପସାରଣ ବେଳକୁ ଅଷ୍ଟ୍ରେଲିଆ ୩ ୱିକେଟ୍ ବିନିମୟରେ ୩୨୭ ରନ୍ ସଂଗ୍ରହ କରି ଦୃଢ଼ ସ୍ଥିତିରେ ରହିଛି । ସ୍ମିଥ୍ ୯୫* ରନ କରିଥିବା ବେଳେ ହେଡ୍ ୧୪୬* ରନ୍ କରି ଅପରାଜିତ ଅଛନ୍ତି । ଡବ୍ଲୁଟିସି ଫାଇନାଲ୍ରେ ମଧ୍ୟ ପ୍ରଥମ ଥର ଶତକୀୟ ଭାଗୀଦାରି ହୋଇପାରିଛି।
ଅଧିକ ପଢନ୍ତୁ : ପ୍ରଥମେ ଟସ୍ ଜିତି ବୋଲିଂ ନିଷ୍ପତ୍ତି ନେଲା ଟିମ ଇଣ୍ଡିଆ
ଭାରତୀୟ ଅଧିନାୟକ ରୋହିତ ଶର୍ମା ପ୍ରଥମେ ଟସ୍ ଜିତି ବୋଲିଂ କରିବାକୁ ନିଷ୍ପତି ନେଇଥିଲା । ୪ ଦ୍ରୁତ ବୋଲର ମହମ୍ମଦ ସାମି, ମହମ୍ମଦ ସିରାଜ, ଶାର୍ଦୁଳ ଠାକୁର ଓ ଉମେଶ ଯାଦବ ବୋଲିଂ ଆରମ୍ଭ କରିଥିଲେ । ଘାସୁଆ ପିଚ୍ରୁ ପ୍ରାରମ୍ଭିକ ଫାଇଦା ଉଠାଇ ସିରାଜ ଚତୁର୍ଥ ଓଭରରେ ଉସ୍ମାନ ଖୱାଜାଙ୍କୁ ଖାତା ଖୋଲିବା ପୂର୍ବରୁ ଆଉଟ୍ କରିଥିଲେ ।
ଡେଭିଡ୍ ୱାର୍ଣ୍ଣର ଓ ମାର୍ନସ ଲବୁସାନ୍ ରକ୍ଷଣାତ୍ମକ ଖେଳୁଥିଲେ ବି ଦଳୀୟ ରନ୍ ୭୧ ହୋଇଥିଲା ବେଳେ ୱାର୍ଣ୍ଣରଙ୍କୁ ଶାର୍ଦୁଳ ଆଉଟ କରି ଦ୍ବିତୀୟ ସଫଳତା ଦେଇଥିଲେ । ୱାର୍ଣ୍ଣରଙ୍କୁ ଆଉଟ୍ କରିବାରେ କେଏସ୍ ଭରତଙ୍କ ଡାଇଭ୍ କ୍ୟାଚ୍କୁ ଦର୍ଶକମାନେ ପ୍ରଶଂସା କରିଥିଲେ। ୫ ରନ୍ ବ୍ୟବଧାନରେ ଲବୁସାନ୍ଙ୍କୁ ସାମି ପ୍ରଥମ ଶିକାର କରିଥିଲେ । କିନ୍ତୁ ଏହାପରଠୁ ପିଚ୍ରେ ସ୍ମିଥ୍ ଓ ମଧ୍ୟାହ୍ନ ଭୋଜନ ପରେ ବ୍ୟାଟିଂ ଆସିଥିବା ହେଡ୍ ଭାରତୀୟ ବୋଲରଙ୍କୁ ପ୍ରବଳ ଖଟାଇଥିଲେ ।
ଅର୍ଗସ ବ୍ୟୁରୋ: କେରଳ ଛୁଇଁଲା ମୌସୁମୀ ଅର୍ଗସ ବ୍ୟୁରୋ: କେରଳ ଛୁଇଁଲା ମୌସୁମୀ । ମୌସୁମୀ ଆସିବା ପାଇଁ ପାଗ ଅନୁକୂଳ ରହିଥିଲା ବୋଲି କହିଛନ୍ତି ପାଣିପାଗ ବିଜ୍ଞାନୀ । କେରଳ ଛୁଇଁଲା ବୋଲି ଆଇଏମଡି ପକ୍ଷରୁ ସୂଚନା ଦିଆଯାଇଛି। ତେବେ ସପ୍ତାହେ ବିଳମ୍ବରେ ସ୍ଥଳଭାଗ ଛୁଇଁଲା ମୌସୁମୀ। ଲକ୍ଷାଦ୍ବୀପ ଓ କେରଳର ସବୁ ଅଞ୍ଚଳକୁ ଛୁଇଁଲା ମୌସୁମୀ।
ଦକ୍ଷିଣ-ପଶ୍ଚିମକୁ ଗତି କରିବାପାଇଁ ମୌସୁମୀ ବାୟୁ ଅନୁକୂଳ ହୋଇଛି। ସେପଟେ ଆରବ ସାଗରରେ ଭୀଷଣ ବାତ୍ୟାର ରୂପ ନେଇଛି ବାତ୍ୟା ‘ବିପର୍ଯ୍ୟୟ’ । ଆଗାମୀ ୨୪ ଘଣ୍ଟା ମଧ୍ୟରେ ଆହୁରି ଘନୀଭୂତ ହୋଇ ଏକ ଅତି ଭୀଷଣ ବାତ୍ୟାର ରୂପ ନେବା ସମ୍ଭାବନା ରହିଛି। ଓଡ଼ିଶାକୁ ୧୯ ତାରିଖ ପୂର୍ବରୁ ମୌସୁମୀ ଆସିବା ସମ୍ଭାବନା କମ୍ । ବିଳମ୍ବରେ ମୌସୁମୀ ଆସିଥିବାରୁ ନିଅଣ୍ଟିଆ ବର୍ଷା ହୋଇପାରେ।
ଅଧିକ ପଢ଼ନ୍ତୁ ପାଣିପାଗ ଖବର
ଅର୍ଗସ ବ୍ୟୁରୋ: ଆରବିଆଇର ମୁଦ୍ରାନୀତି ଘୋଷଣା। ରେପୋ ରେଟ ରହିଲା ଅପରିବର୍ତ୍ତିତ। ରେପୋ ରେଟ ୬.୫ ପ୍ରତିଶତରେ ଅପରିବର୍ତ୍ତିତ ରହିଛି।
ଆରବିଆଇର ମନିଟାରି ପୋଲିସ କମିଟି ବୈଠକ ପରେ ଗଭର୍ଣ୍ଣର ଶକ୍ତିକାନ୍ତ ଦାସ ଏହା ଘୋଷଣା କରିଛନ୍ତି।
#WATCH | RBI Governor Shaktikanta Das says, "...It is now proposed to expand the scope and reach of e-RUPI vouchers by permitting non-bank prepaid payment instruments issuers to issue e-RUPI vouchers..." pic.twitter.com/kmO4WYx4bw — ANI (@ANI) June 8, 2023
ଏହାସହିତ ୨୦୨୪ ଆର୍ଥିକ ବର୍ଷରେ ଜିଡିପି ଅଭିବୃଦ୍ଧି ହାର ୬.୫ ପ୍ରତିଶତ ରହିବ ବୋଲି ସେ ଆକଳନ କରିଛନ୍ତି। ବର୍ତ୍ତମାନ ବିଦେଶୀ ମୁଦ୍ରା ଭଣ୍ଡାର ସ୍ଥିତି ଠିକ ରହିଛି। ଗତ ବୈଠକରେ ମଧ୍ୟ ଆରବିଆର ସୁଧ ହାର ଅପରିବର୍ତ୍ତିତ ରହିଥିଲା।
ଅଧିକ ପଢ଼ନ୍ତୁ ବାଣିଜ୍ୟ ଖବର
