ଚିଙ୍ଗୁଡି, ଅଦା-ରସୁଣ ପେଷ୍ଟ, ପିଆଜ, ତେଲ, ଲୁଣ, ଧନିଆ, ଶୁଖିଲା ଲଙ୍କା, ହଳଦୀ ପାଉଡର, ଲଙ୍କା ପାଉଡର, ଗରମ ମସଲା, ଜିରା ପାଉଡର, ଧନିଆ ପାଉଡର , ଲେମ୍ବୁ ରସ, ଧନିଆ ପତ୍ର ।
ପ୍ରସ୍ତୁତି ପ୍ରଣାଳୀ-
ପ୍ରଥମେ ଚିଙ୍ଗୁଡିକୁ ଧୋଇ ଏକ ପାତ୍ରରେ ରଖିବେ । ଏହାପରେ ସେଥିରେ ଅଦା-ରସୁଣ ପେଷ୍ଟ, କଟା ପିଆଜ ପକାଇ ଭଲଭାବେ ମିକ୍ସ କରି ୧୦ ରୁ ୧୫ ମିନିଟ ଯାଏଁ ରଖିବେ । ଏହାପରେ ଗ୍ୟାସ୍ରେ ପ୍ୟାନ୍ ବସେଇ ତେଲ ପକାଇବେ । ତେଲ ଗରମ ହେବାପରେ ସେଥିରେ ଗୋଟା ଧନିଆ ଏବଂ ଶୁଖିଲା ଲଙ୍କା ପାଇ ଫୁଟାଇବେ । ଏହାପରେ ସେଥିରେ ଗୋଳାଇ ରଖିଥିବା ଚିଙ୍ଗୁଡି ପକାଇବେ । ତାପରେ ସେଥିରେ ହଳଦୀ ପାଉଡର, ଲଙ୍କା ପାଉଡର, ଗରମ ମସଲା, ଜିରା ପାଉଡର, ଧନିଆ ପାଉଡର ଏବଂ ଆବଶ୍ୟକ ଅନୁଯାୟୀ ଲୁଣ ପକାଇ ଭଲଭାବେ ମିକ୍ସ କରିବେ । ଏହାପରେ ସେଥିରେ ଅଳ୍ପ ପାଣି ମିଶାଇ ଚିଙ୍ଗୁଡିକୁ ସିଝିବା ପାଇଁ ଛାଡିବେ । ଦେଖିବେ ଚିଙ୍ଗୁଡି ସିଝି ଆସିଲେ ସେଥିରେ, ପୁଣି ଅଳ୍ପ ଗରମ ମସଲା,କଟା ଧନିଆ ପତ୍ର,ଲେମ୍ବୁ ରସ ପକାଇ ଗୋଳାଇବେ । ଏହାପରେ ଗ୍ୟାସ୍ ବନ୍ଦ କରି ଏକ ପାତ୍ରକୁ କାଢିବେ । ପ୍ରସ୍ତୁତ ହୋଇଗଲା ଚିଙ୍ଗୁଡି ଚିଙ୍ଗ୍ ଚିଙ୍ଗ୍ । ଏବେ ଗରମ ଗରମ ଏହାର ମଜା ନେଇ ପାରିବେ ।
