ଶୀତଦିନେ କମଳାର ଉପକାରିତା

ଅର୍ଗସ୍ ବ୍ୟୁରୋ : ଶୀତଦିନରେ ସବୁଠାରୁ ଜରୁରୀ ଭିଟାମିନ୍ ପାଇଁ , କମଳା ଖାଇବା ବହୁତ୍ ଲାଭଦାୟକ । ଏହି ଦିନରେ ରୋଗବେମାରୀ ଠାରୁ ନିଜକୁ ରକ୍ଷା କରିବା ପାଇଁ , ଖାଦ୍ୟପେୟରେ ବିଶେଷ ଧ୍ୟାନ ଦେବାକୁ ପଡିଥାଏ । ଏହି ଦିନରେ ସାମାନ୍ୟ ଅସାବଧାନତା ହେଲେ ଥଣ୍ଡା,କାଶ ଭଳି ଅନେକ ସମସ୍ୟାର ସମ୍ମୁଖୀନ ହେବାକୁ ପଡିଥାଏ । କମଳାରେ ପ୍ରଚୁର ଭିଟାମିନ୍ ‘ସି’ ମିଳିଥାଏ । ଇମ୍ୟୁନିଟି ବଢାଇବାରେ ଏହା ସାହାଯ୍ୟ କରିଥାଏ । ଏହା ସହିତ ଓଜନ ହ୍ରାସ କରିବାରେ ମଧ୍ୟ ଏହା ବହୁତ୍ ଉପକାରୀ । କାରଣ ଏଥିରେ କ୍ୟାଲୋରୀର ମାତ୍ରା ବହୁତ୍ କମ୍ ହୋଇଥାଏ । ଏହି ଦିନରେ ପ୍ରତିଦିନ କମଳା ଜୁସ୍ ସେବନ କରିବା ଦ୍ୱାରା, ଅନେକ ରୋଗ ସମସ୍ୟାରୁ ଏହା ମୁକ୍ତି ଦେଇଥାଏ ।

କମଳାରେ ଏମିନୋ ଏସିଡ୍‌, ଫାଇବର,କ୍ୟାଲିୟମ୍‌, ଆୟୋଡିନ୍‌,ସୋଡିୟମ୍‌, ମିନେରାଲ୍ସ,ଭିଟାମିନ୍ ଏ , ସି ଓ ବି ଭଳି ଅନେକ ତତ୍ୱ ଭରପୁର ରହିଥାଏ । ଏହା କେବଳ ଇମ୍ୟୁନିଟି ପାୱାର ବଢାଇବାରେ ସାହାଯ୍ୟ କରେ ତା ନୁହେଁ, ବରଂ ଏହା ଅନେକ ସମସ୍ୟାରୁ ରକ୍ଷା କରିବାରେ ସାହାଯ୍ୟ କରେ । ତେବେ ଆସନ୍ତୁ ଜାଣିବା କମଳା ଖାଇବା ଦ୍ୱାରା କେଉଁ ସବୁ ସମସ୍ୟାରୁ ଏହା ମୁକ୍ତି ଦେଇଥାଏ ।

-ଏଥିରେ ଅନେକ ପ୍ରକାରର ସ୍ୱାସ୍ଥ୍ୟ-ବର୍ଦ୍ଧକ ଏଣ୍ଟି ଅକ୍ସିଡାଣ୍ଟ ରହିଥାଏ । ଯାହା ସ୍ୱାସ୍ଥ୍ୟ ପାଇଁ ବହୁତ୍ ଲାଭଦାୟକ ହୋଇଥାଏ ।

 -ଏଥିରେ ଏମିତି ଅନେକ ଗୁଣ ରହିଛି ଯାହା ବ୍ଲଡ୍ ପ୍ରେସର୍‌କୁ ନର୍ମାଲ୍ ରଖିବାରେ ସାହାଯ୍ୟ କରେ । ଏହା ପ୍ରତିଦିନ ସେବନ କରିବା ଦ୍ୱାରା , ବ୍ଲଡ୍ ପ୍ରେସରର ସମସ୍ୟା ଦେଖାଦେବାର ଆଶଙ୍କା କମ୍ ହୋଇଥାଏ । ସ୍ୱାସ୍ଥ୍ୟ ବିଶେଷଜ୍ଞ ମାନେ ମଧ୍ୟ ଏହି ସମସ୍ୟା ସମ୍ମୁଖୀନ କରୁଥିବା ବ୍ୟକ୍ତିବିଶେଷଙ୍କୁ , ଏହା ସେବନ କରିବାକୁ ପରାମର୍ଶ ଦେଇଥାନ୍ତି ।

- ଶିତ ଦିନରେ ଛୋଟ ପିଲାଙ୍କ ଠାରୁ ଆରମ୍ଭ କରି ବଡ ଲୋକଙ୍କ ପର୍ଯ୍ୟସ୍ତଙ୍କ ସମସ୍ତଙ୍କ କ୍ଷେତ୍ରରେ ସାଧାରଣତଃ ଥଣ୍ଡା,କାଶ,ନାକ ବନ୍ଦ ଭଳି ସମସ୍ୟା ଦେଖା ଦେଇଥାଏ । ଏହା ସହିତ କମ୍‌ଜୋର ଇମ୍ୟୁନ ସିଷ୍ଟମ୍ କେତେକ ସଂକ୍ରମଣର କାରଣ ମଧ୍ୟ ହୋଇଥାଏ । ଏସବୁ ସମସ୍ୟା ପାଇଁ କମଳାର ବ୍ୟବହାର ଅଧିକ ଲାଭଦାୟକ ହୋଇଥାଏ ।

-ଅଧିକ ଓଜନ ବଢୁଥିବା ଲୋକଙ୍କ କ୍ଷେତ୍ରରେ ଓଜନ ବଢିବା ସହିତ, ଆହୁରି ଅନେକ ପ୍ରକାରର ସମସ୍ୟା ଦେଖା ଦେଇଥାଏ । କମଳାର ବ୍ୟବହାର ଓଜନ କଣ୍ଟୋ କରିବାରେ ମଧ୍ୟ ସାହାଯ୍ୟ କରେ । ସକାଳ ଜଳଖିଆରେ ଏକ ଗ୍ଲାସ୍ କମଳା ଜୁସ୍ ପିଇବା ଦ୍ୱାରା ଅନେକ ଲାଭ ମିଳିଥାଏ ।

-ଏଥିରେ ଥିବା ଭିଟାମିନ୍ ‘ସି’ ତ୍ୱଚାକୁ ସୁସ୍ଥ ଓ ସୁନ୍ଦର ରଖିବାରେ ଯାହାଯ୍ୟ କରେ । ତ୍ୱାଚାକୁ କ୍ଷତି ପହଂଚାଇବାରୁ ଏହା ରକ୍ଷା କରିଥାଏ ।

- ପ୍ରତିଦିନ କମଳା ଜୁସରେ ଲେମ୍ବୁ ରସ ମିଶାଇ ପିଇବା ଦ୍ୱାରା ଇମ୍ୟୁନ ସିଷ୍ଟମ୍‌କୁ ଏହା ମଜ୍‌ବୁତ୍ ରଖିଥାଏ ।