ଅର୍ଗସ ବ୍ୟୁରୋ: ଶରୀର ପାଇଁ ଲାଭଦାୟକ ହୋଇଥାଏ ଭିଟାମିନ ପି। ଅନ୍ୟ ଭିଟାମିନ୍ ଏ, ବି, ସି, ଡି, ଇ ଏବଂ କେ ପରି ଏହା ମଧ୍ୟ ଲାଭଦାୟକ। ତେବେ ଆପଣ ଆଗରୁ ଭିଟାମିନ ପି ବିଷୟରେ ଜାଣିଛନ୍ତି କି ? ଯଦି ଜାଣିନାହାନ୍ତି ତେବେ ଶୁଣିରଖନ୍ତୁ ଭିଟାମିନ ପି ବିଷୟରେ କିଛି ଅଜଣା କଥା। ତେବେ ଆପଣ ଆଗରୁ ଭିଟାମିନ ପି ବିଷୟରେ ଜାଣିଛନ୍ତି କି ? ଯଦି ଜାଣିନାହାନ୍ତି ତେବେ ଶୁଣିରଖନ୍ତୁ ଭିଟାମିନ ପି ବିଷୟରେ କିଛି ଅଜଣା କଥା।ବିଭିନ୍ନ ଫଳ, ପନିପରିବା ଏବଂ ପତ୍ର ଯୁକ୍ତ ଖାଦ୍ୟ ପଦାର୍ଥରେ ରୁଟିନ, ହେସପେରିଡିନ ଏବଂ କ୍ୱେରେସିଟିନ୍ ପରି ବାୟୋଫ୍ଲୋନାଏଏଡ୍ ମିଳିଥାଏ। ଏହା ଶରୀରକୁ ଅପାର ଲାଭ ଯୋଗାଇଥାଏ ବୋଲି ବିଶ୍ୱାସ କରାଯାଏ। ଶରୀରକୁ ରୋଗର ବିପଦରୁ ରକ୍ଷା କରିବା ପାଇଁ ଅନେକ ପୁଷ୍ଟିକର ଖାଦ୍ୟ ଆବଶ୍ୟକ। ଅତ୍ୟାବଶ୍ୟକ ଭିଟାମିନ୍ ଏବଂ ମିନେରାଲ୍ସ ପାଇବା ପାଇଁ ଲୋକମାନେ ବିଭିନ୍ନ ଫଳ ଏବଂ ପନିପରିବା ଖାଆନ୍ତି। ବାୟୋଫ୍ଲାଭୋନାଏଡରେ ଆଣ୍ଟିଅକ୍ସିଡାଣ୍ଟ ଗୁଣ ମିଳିଥାଏ।
ଉନ୍ନତ ସ୍ୱାସ୍ଥ୍ୟ ବଜାୟ ରଖିବା ପାଇଁ ଆଣ୍ଟିଅକ୍ସିଡାଣ୍ଟ କାମ କରେ। ଏଗୁଡିକ ମଧୁମେହ, ହୃଦ ରୋଗ ଏବଂ କର୍କଟ ଭଳି ଗୁରୁତର ରୋଗର ଆଶଙ୍କା ହ୍ରାସ କରିପାରେ। କେତେକ ବାୟୋଫ୍ଲୋନାଏଏଡ୍ର ମଧ୍ୟ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି। ବାୟୋଫ୍ଲାଭୋନାଏଡରେ ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ଏବଂ ଶରୀରକୁ ସଂକ୍ରମଣ ଏବଂ ଗୁରୁତର ରୋଗରୁ ରକ୍ଷା କରିବାରେ ମଧ୍ୟ ସାହାଯ୍ୟ କରିଥାଏ।
ଅଧିକ ପଢ଼ନ୍ତୁ ଜୀବନ ଶୈଳୀ ଖବର:
ଅର୍ଗସ ବ୍ୟୁରୋ: ୧୯୩୮ ମସିହାର ଏଇ ଘଟଣାଟି ଫିଜି ଏବଂ ଅଷ୍ଟ୍ରେଲିଆରୁ ୨୦୦ରୁ ଅଧିକ ଅଷ୍ଟ୍ରେଲିଆ ଲଙ୍ଗଫିସ ମାଛ ଯୁକ୍ତରାଷ୍ଟ୍ର ଆମେରିକାକୁ ପଠାଯାଇଥିଲା। ସେତେବେଳେ ଆମେରିକାର ବିଭିନ୍ନ ପ୍ରାନ୍ତରେ ଏହି ମାଛର ଆଦର ଥିବାରୁ ଧନୀ, ଶିଳ୍ପପତିମାନେ ସେମାନଙ୍କ ଆକ୍ବାରିୟମରେ ଲଙ୍ଗଫିସ ମାଛ ରଖୁଥିଲେ।
ପ୍ରାଣୀବିଶେଷଜ୍ଞଙ୍କ କହିବା ଅନୁସାରେ ଏଭଳି ପ୍ରଜାତି ମାଛଙ୍କ ହାରାହାରି ଆୟୁ ୨୦-୩୫ବର୍ଷ ହେଲେ ଆମେରିକାରେ ଥିବା ଏକ ଲଙ୍ଗଫିସ ୧୦୧ ବର୍ଷରୁ ଅଧିକ ସମୟ ଜୀବିତ ରହିଲାଣି। ବିଶ୍ବର ସର୍ବପୁରାତନ ଆକ୍ବାରିୟମ ଫିସ ଭାବେ ପରିଚିତ ଏଇ ମାଛର ନାମ ମିଥୁସେଲା। ସେ ଏବେ କାଲିଫର୍ଣ୍ଣିଆର ଷ୍ଟିନହାର୍ଟ ସ୍ଥିତ ଆକ୍ବାରିୟମରେ ଅଛି। ମିଥୁସେଲାର ବୟସ ବିଷୟରେ ଆକ୍ବାରିୟମରେ କେହି ସମ୍ପୂର୍ଣ୍ଣ ଭାବେ ନିଶ୍ଚିତ ହୋଇନାହାନ୍ତି। ମାଛର ଯତ୍ନ ନେଉଥିବା କର୍ମଚାରୀମାନେ ବି କହିଛନ୍ତି ମିଥୁସେଲା କେବେ ବି ମନ୍ଥର ଗତିରେ ଗୋାଟିଏ ସ୍ଥାନରେ ରହେନି। ସବୁବେଳେ ଚଳଚଞ୍ଚଳ ହୋଇ ଆକ୍ବାରିୟମରେ ଘୂରିବୁଲୁଥାଏ।
ଗବେଷକ ଦଳ ମିଥୁସେଲାର ଡିଏନଏକୁ ଅନ୍ୟ ପ୍ରଜାତିର ଅଷ୍ଟ୍ରେଲୀୟ ଲଙ୍ଗଫିସଙ୍କ ସହ ତୁଳନା କରୁଛନ୍ତି। ଫଳାଫଳରୁ ସୂଚିତ ହେଉଛି ଯେ, ତା' ବୟସ ବୋଧହୁଏ୯୨ ବର୍ଷ, କିନ୍ତୁ ଏହି ପ୍ରକାର ପରୀକ୍ଷଣରେ କିଛି ଅନିଶ୍ଚିତତା ରହିଥାଇପାରେ। ମିଥୁସେଲା ଆମେରିକା ଆସିବା ସମୟର କାଗଜପତ୍ର ଅନୁସାରେ ତାକୁ ୧୦୧ ବର୍ଷ ହେଲାଣି। ପୂର୍ଣ୍ଣ ଅଧ୍ୟୟନ ଏହି ବର୍ଷ ଶେଷରେ ପ୍ରକାଶ ପାଇବ ବୋଲି କହିଛନ୍ତି ଗବେଷକ।
ଅଧିକ ପଢ଼ନ୍ତୁ ବିଦେଶ ଖବର
ଅର୍ଗସ ବ୍ୟୁରୋ: ବିଜେପି ଏମ୍ପି ମେନକା ଗାନ୍ଧିଙ୍କର ଏକ ଭିଡ଼ିଓ ଭାଇରାଲ ହୋଇଛି, ଯେଉଁଥିରେ ସେ ଅନ୍ତର୍ଜାତୀୟ କୃଷ୍ଣ ଭାବନା ସଂଘ (ଇସ୍କନ)କୁ ଏକ ବଡ଼ ଠକ ଏବଂ ଏହା ନିଜ ଗୋଶାଳାରୁ କଂସେଇମାନଙ୍କୁ ଗାଈ ବିକ୍ରି କରୁଛି ବୋଲି କହୁଥିବା ଶୁଣିବାକୁ ମିଳୁଛି। ପୂର୍ବତନ କେନ୍ଦ୍ରମନ୍ତ୍ରୀ ତଥା ପ୍ରାଣୀ ଅଧିକାର କାର୍ଯ୍ୟକର୍ତ୍ତା କହିଛନ୍ତି ଯେ, ଇସ୍କନ ଅନେକ ଗୋଶାଳା ପ୍ରତିଷ୍ଠା କରିଛି ଏବଂ ସେଥିପାଇଁ ବିପୁଳ ଜମି ଆକାରରେ ସରକାରଙ୍କଠାରୁ ଅନେକ ସୁବିଧା ପାଉଛି। କିନ୍ତୁ ଗାଈମାନଙ୍କର ଉପଯୁକ୍ତ ଯତ୍ନ ନେଉନାହିଁ।
ମେନକା କହିଛନ୍ତି ଯେ, ସେ ନିକଟରେ ଇସ୍କନର ଆନ୍ଧ୍ରପ୍ରଦେଶସ୍ଥିତ ଅନନ୍ତପୁର ଗୋଶାଳାକୁ ଯାଇଥିଲେ। କିନ୍ତୁ ଗୋଟିଏ ବି ଗାଈ ସେଠାରେ ଭଲ ଅବସ୍ଥାରେ ଥିବା ଦେଖିବାକୁ ପାଇ ନ ଥିଲେ। ଗୋଶାଳାରେ ଗୋଟିଏ ବି ବାଛୁରି ନ ଥିଲେ, ତା’ ମାନେ ସବୁ ବାଛୁରିଙ୍କୁ ବିକ୍ରି କରିଦିଆଯାଇଛି ବୋଲି ସେ ଅଭିଯୋଗ କରିଛନ୍ତି। ଇସ୍କନ କଂସେଇଙ୍କୁ ଯେତିକି ଗାଈ ବିକୁଛି, ଅନ୍ୟ କେହି ସେପରି କରୁ ନାହାନ୍ତି। ଅଥଚ ରାସ୍ତାରେ ସେମାନେ ‘ହରେ ରାମ ହରେ କୃଷ୍ଣ’ ଗାଇ ଗାଇ ବୁଲୁଛନ୍ତି ଏବଂ ସେମାନଙ୍କ ସାରା ଜୀବନ କ୍ଷୀର ଉପରେ ନିର୍ଭରଶୀଳ ବୋଲି ସେମାନେ କହିଚାଲିଛନ୍ତି ବୋଲି ମେନକା କହିଥିଲେ।
ଅନ୍ୟପକ୍ଷରେ ଇସ୍କନ ପକ୍ଷରୁ ପୂର୍ବତନ କେନ୍ଦ୍ରମନ୍ତ୍ରୀଙ୍କ ଏପରି ବିବୃତିରେ ଆଶ୍ଚର୍ଯ୍ୟ ପ୍ରକଟ କରାଯାଇଛି। ଏଭଳି ଅଭିଯୋଗ ଭିତ୍ତିହୀନ ଓ ମିଥ୍ୟା ବୋଲି ସେମାନେ କହିଛନ୍ତି। ଇସ୍କନର ଜାତୀୟ ମୁଖପାତ୍ର ଯୁଧିଷ୍ଠିର ଗୋବିନ୍ଦ ଦାସ ଏକ ବିବୃତିରେ କହିଛନ୍ତି, ସାରା ବିଶ୍ବର ଅନେକ ସ୍ଥାନରେ ଗୋସୁରକ୍ଷାର ଅଗ୍ରଦୂତ ସାଜିଛି ଇସ୍କନ, ଯେଉଁଠି ଗୋମାଂସ ଏକ ଖାଦ୍ୟ ଭାବରେ ପ୍ରଚଳିତ। ଅନେକ ପରିତ୍ୟକ୍ତ ଓ ଆହତ ଗୋରୁଙ୍କୁ ଆଣି ଇସ୍କନରେ ନିଜ ଗୋଶାଳାରେ ରଖି ଯତ୍ନ ନେଇଥାଏ। କଂସେଇଖାନାକୁ ଯାଉଥିବା ଗୋରୁଙ୍କୁ ବି ଉଦ୍ଧାର କରି ଇସ୍କନ ନିଜ ଗୋଶାଳାରେ ଆଣି ରଖିଥାଏ। ତେଣୁ ମେନକା ଗାନ୍ଧିଙ୍କ ଅଭିଯୋଗ ସେମାନଙ୍କୁ ବିସ୍ମିତ କରିଛି ବୋଲି ଦାସ କହିଛନ୍ତି। ସେ ମେନକା ଗାନ୍ଧିଙ୍କଠାରୁ ତାଙ୍କ ବିବୃତିର ସତ୍ୟତାର ପ୍ରମାଣ ଦାବି କରିଛନ୍ତି। ସେ କହିଛନ୍ତି ଯେ ମେନକା ଗାନ୍ଧି କେବେ ବି ଅନନ୍ତପୁର ଗୋଶାଳା ପରିଦର୍ଶନ କରିନାହାନ୍ତି । ସେ ତାଙ୍କ ଅଭିଯୋଗର ଯେ କୌଣସି ପ୍ରମାଣ ଦେଖାନ୍ତୁ ବୋଲି ଇସ୍କନ ପିଆର୍ଓ ଦାବି କରିଛନ୍ତି।
ଅଧିକ ପଢ଼ନ୍ତୁ ଭାରତ ଖବର
ଅର୍ଗସ ବ୍ୟୁରୋ: ଜାମିନ ପାଇବା ସତ୍ତ୍ବେ ଜଣେ କଏଦୀଙ୍କୁ ଅଧିକ ୩ ବର୍ଷ ଜେଲରେ ରହିବାକୁ ପଡ଼ିଥିବାରୁ ରାଜ୍ୟ ସରକାର ସମ୍ପୃକ୍ତ ବ୍ୟକ୍ତିଙ୍କୁ ଏକ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ କରିବାକୁ ଗୁଜରାଟ ହାଇକୋର୍ଟ ଆଦେଶ ଦେଇଛନ୍ତି। ଜେଲ କର୍ତ୍ତୃପକ୍ଷ କୋର୍ଟଙ୍କୁ ଜଣାଇଥିଲେ ଯେ, ୨୦୨୦ରେ ଇମେଲ ମାଧ୍ୟମରେ କୋର୍ଟରୁ ସେମାନଙ୍କ ପାଖକୁ ଯେଉଁ ଜାମିନ ଆଦେଶ ଆସିଥିଲା, ସେହି ଇମେଲର ଆଟାଚମେଣ୍ଟକୁ ଖୋଲିବାରେ ସେମାନେ ବିଫଳ ହୋଇଥିଲେ। ତେଣୁ ସେମାନେ ସମ୍ପୃକ୍ତ ବ୍ୟକ୍ତିଙ୍କୁ ଜାମିନରେ ମୁକ୍ତ କରିପାରି ନ ଥିଲେ। ସେତେବେଳେ କୋଭିଡ୍ ମହାମାରୀ ଚାଲିଥିବାରୁ ଅଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ପାରି ନ ଥିଲା। ଚନ୍ଦନଜୀ ଟାକୋର ନାମକ ସମ୍ପୃକ୍ତ ବ୍ୟକ୍ତିଙ୍କ ବୟସ ବର୍ତ୍ତମାନ ୨୭।
ଏକ ହତ୍ୟା ମାମଲାରେ ତାଙ୍କୁ ଆଜୀବନ ଜେଲଦଣ୍ଡ ହୋଇଥିଲା। ପରେ କୋର୍ଟ ତାଙ୍କ ଦଣ୍ଡାଦେଶକୁ ଖାରଜ କରି ଜାମିନ ପ୍ରଦାନ କରିଥିଲେ। କିନ୍ତୁ ଜାମିନ ପାଇବା ସତ୍ତ୍ବେ ଜେଲ କର୍ତ୍ତୃପକ୍ଷଙ୍କ ଅବହେଳାରୁ ତାଙ୍କୁ ଅଧିକ ତିନିବର୍ଷ ଜେଲରେ ରହିବାକୁ ପଡ଼ିଥିଲା। ଗୁଜରାଟ ହାଇକୋର୍ଟ କହିଲେ ଯେ, ଇମେଲ ଖୋଲିଲାନି ବୋଲି ଜେଲ କର୍ତ୍ତୃପକ୍ଷ ଚୁପ୍ଚାପ୍ ବସିଯିବା ଚରମ ଅବହେଳାର ନିଦର୍ଶନ। ଜେଲ କର୍ତ୍ତୃପକ୍ଷ ରେଜିଷ୍ଟ୍ରି ବା ଦୌରା କୋର୍ଟ ସହ ଏ ବାବଦରେ ଯୋଗଯୋଗ କରିପାରିଥାନ୍ତେ। ଗୁଜରାଟ ସରକାର ୧୪ ଦିନ ଭିତରେ ସମ୍ପୃକ୍ତ ବ୍ୟକ୍ତିଙ୍କୁ ୧ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ କରିବାକୁ କୋର୍ଟ ଆଦେଶ ଦେଇଛନ୍ତି।
ଅଧିକ ପଢ଼ନ୍ତୁ ଭାରତ ଖବର
