ବେକାବୁ କୋରୋନା: ଦେଶରେ ସଂକ୍ରମିତଙ୍କ ସଂଖ୍ୟା ୧୦୦୦କୁ ବୃଦ୍ଧି, ୨୪ ମୃତ

ନୂଆଦିଲ୍ଲୀ: ସାରା ବିଶ୍ୱରେ ବେକାବୁ ହେବାରେ ଲାଗିଛି ମହାମାରୀ କୋରୋନା । ଦେଶରେ ଦ୍ରୁତ ଗତିରେ ବୃଦ୍ଧିପାଇବାରେ  ଲାଗିଛି କୋରୋନା  ଭୂତାଣୁ । ସଂକ୍ରମିତଙ୍କ  ସଂଖ୍ୟା ଏବେ 1000କୁ  ବୃଦ୍ଧି  ପାଇଛି । ସେହିପରି  ଏହି ରୋଗରେ 24 ଜଣଙ୍କ ମୃତ୍ୟୁ ହୋଇସାରିଛି । ଏହାର କବଳରେ ଜଣେ ବିଏସଏଫ ଅଫିସର  ମଧ୍ୟ କୋରୋନା ପଜେଟିଭ୍‌ ଥିବା ସାମ୍ନାକୁ ଆସଛି । ମଧ୍ୟପ୍ରଦେଶର ଟନକପୁରରେ  ମୁତୟନ ଥିବା ବିଏସଏଫ ଅଫିସରଙ୍କ  କୋରୋନା ପଜେଟିଭ୍‌  ଚିହ୍ନଟ କରାଯାଇଛି । ସୂଚନାମୁତାବକ ଏହି ଅଫିସରଙ୍କ ସ୍ତ୍ରୀ  15 ଦିନ ପୂର୍ବରୁ ବ୍ରିଟେନ୍‌ରୁ ଫେରିଥିଲେ । ତେବେ ଏହି  ଅଫିସର   15 ରୁ 19 ମାର୍ଚ୍ଚ  ମଧ୍ୟରେ ଏଡିଜି, ଆଇଜି କ୍ୟାଡରର ଅଧିକାରୀମାନଙ୍କ ସହ  ବୈଠକ ମଧ୍ୟ  କରିସାରିଛନ୍ତି ।  ଏବେ   ସମସ୍ତ  ଅଫିସରଙ୍କୁ କ୍ୱାରେଣ୍ଟାଇନ୍‌ କରାଯାଇଛି ।

ତେବେ ସାରା ବିଶ୍ୱରେ ଏକ ଆତଙ୍କ ସୃଷ୍ଟି କରିଥିବା  ମହାମାରୀ କୋରୋନାରେ  ସବୁଠାରୁ ଅଧିକ  କ୍ଷତିଗ୍ରସ୍ତ ହୋଇଛି  ଇଟାଲି । ଇଟାଲୀରେ  10 ହଜାର କୋରୋନା ରୋଗୀଙ୍କ ମୃତ୍ୟୁ ହୋଇସାରିଛି ।  28 ମାର୍ଚ୍ଚରେ  ଇଟାଲୀରେ 889 ଜଣଙ୍କ ମୃତ୍ୟୁ ହୋଇଛି । ସେହି ପରି ପାକିସ୍ତାନରେ ଏପର୍ଯ୍ୟନ୍ତ ପାଖାପାଖି 12 ହଜାର  କୋରୋନା  ସଂକ୍ରମିତ ମାମଲା ସାମ୍ନାକୁ ଆସିଛି  ।