ଅର୍ଗସ ବ୍ୟୁରୋ: ପାକିସ୍ତାନ ଏବେ ଶ୍ରୀଲଙ୍କା ପରିସ୍ଥିତି ଭୋଗୁଛି । ଗୋଟିଏ ପଟେ ପାକିସ୍ତାନରେ କାଙ୍ଗାଳ ପରିସ୍ଥିତି ହୋଇଥିବାବେଳେ ଲୋକେ ଖାଇବାକୁ ପାଉ ନାହାନ୍ତି। ଖାଇବା ସାମଗ୍ରୀ ୪ଗୁଣା ଅଧିକ ଦରରେ ବିକ୍ରୀ ହେଉଛି। ଏବେ ପୁଣି ପାକିସ୍ତାନରେ ଆଉ ଏକ ସଙ୍କଟ ଦେଖାଦେଇଛି। ଘୋର ଆର୍ଥିକ ସଙ୍କଟ ଦେଇ ଗତି କରୁଥିବାବେଳେ ଏବେ ଏଠାରେ ବିଦ୍ୟୁତ୍ ସଙ୍କଟ ଦେଖାଦେଉଛି । ବିଦ୍ୟୁତ ଉତ୍ପାଦନ ହ୍ରାସ ପାଇଥିବାରୁ ଇସଲମାବାଦ, କରାଚୀ ସହ ୨୨ ଜିଲ୍ଲାରେ ବିଦ୍ୟୁତ୍ ଶକ୍ତି ନପହଞ୍ଚିବାରୁ ଏସବୁ ଜିଲ୍ଲା ଘୋର ଅନ୍ଧାର ଭିତରେ ରହିଛି।
ତଙ୍ଗହାଲି ଓ ଆର୍ଥିକ ସଙ୍କଟ ଦେଇ ଗତି କରୁଥିବା ପାକିସ୍ତାନରେ ଲୋକଙ୍କ ସମସ୍ୟା ଦିନକୁ ଦିନ ଉତ୍କଟ ହେବାରେ ଲାଗିଛି । ସୋମବାର ପାକିସ୍ତାନରେ ମାସ୍ ପାୱାର କଟ୍ ହୋଇଥିବାରୁ ଇସଲମାବାଦ୍ , କରାଚି ସହ ୨୨ଟି ଜିଲ୍ଲାରେ ଅନ୍ଧାର ଘଟିଛି। ଏନେଇ ଦେଶର ଶକ୍ତି ମନ୍ତ୍ରଣାଳୟ ମଧ୍ୟ ସ୍ପଷ୍ଟୋକ୍ତି ଦେଇଛି । ତେବେ ବିଦ୍ୟୁତ ବିଭାଗର ଜଣେ ମୁଖ୍ୟ ଅଧିକାରୀ ବିଦ୍ୟୁତ ମେଣ୍ଟେନାନ୍ସ କାମ ଚାଲୁଥିବାରୁ ଏପରି ଘଟିଥିବା ସେ ଟ୍ବିଟ କରି ପ୍ରକାଶ କରିଛନ୍ତି।
ବିଦେଶ ଖବର ଆହୁରି ପଢନ୍ତୁ ।
