800 earthquakes

ରାଜ୍ୟରେ ପୂର୍ବ ବିଜେଡି ସରକାର ନିର୍ବାଚନ ବୈତରଣୀ ପାର ହେବାକୁ ଲକ୍ଷ୍ମୀବସ ଯୋଜନା କରିଥିଲେ ।  ବସ ଚାଲିବା ପରେ ଲୋକଙ୍କ ସୁବିଧା ହେଲା ସେଥିରେ କୌଣସି ଦ୍ଵିମତ ନାହିଁ । ହେଲେ ସେହି ଯୋଜନାରେ କେମିତି କୋଟି କୋଟି ଖାଇଛନ୍ତି ବିଜେଡି ନେତା ତାହାର ଏବେ ଗୁମର ଖୋଲୁଛି । ଅନୁଗୁଳ ଜିଲ୍ଲା ଛେଣ୍ତିପଦା ବ୍ଲକରେ ୩୪ଟି ପଞ୍ଚାୟତ ଥିବା ବେଳେ ସବୁ ପଞ୍ଚାୟତକୁ ସଂଯୋଗ କରିବାକୁ ୩ଟି ବସ୍ ଚଳାଚଳ ପାଇଁ ରୋଡ ମ୍ୟାଫ୍ ପ୍ରସ୍ତୁତ ହେଲା, ବସ ବି ଚାଲିଲା । ହେଲେ ଅନେକ ପଞ୍ଚାୟତକୁ ଯୋଜନା ଆରମ୍ଭ ଠାରୁ ଆଜି ପର୍ଯ୍ୟନ୍ତ ବସ୍ ଗଡି ନଥିବା ଜଣାପଡିଛି  । ଛେଣ୍ତିପଦା ବ୍ଲକରେ ୫୮ ଟି ବସଷ୍ଟାଣ୍ଡ ନିର୍ମାଣ ହେବାକୁ ଥିବା ବେଳେ ସନ୍ତରାବନ୍ଧ , ତେଣ୍ଟୁଲୋଇ ଓ ଗଡମଣ୍ତଳରେ ପୁରୁଣା ବସଷ୍ଟାଣ୍ଡରେ କେବଳ କଲର ଓ ବୋର୍ଡ ଲଗାଇ ଟଙ୍କା ଆତ୍ମସାତ କରିଛନ୍ତି ଠିକାଦାର ।

ବସଷ୍ଟାଣ୍ଡ ତିଆରି ହେବାର ୬ ମାସ ହୋଇନି କାନ୍ଥ ଫାଟି ଆଁ କଲାଣି । କାରଣ ଇଏ ନୂଆ ବସଷ୍ଟାଣ୍ଡ ନୁହେଁ ବରଂ ପୁରୁଣା ବସଷ୍ଟାଣ୍ଡରେ କେବଳ ରଙ୍ଗ ମାରିଦିଆଯାଇଛି । ବାହାଳସାହି , କଣଲୋଇ ,ଉଗୀ ଓ ତୁକୁଡା ବସଷ୍ଟାଣ୍ଡ ନିର୍ମାଣ ୬ମାସ ନପୁରୁଣୁ ଫାଟିବା ସହ ଟାଇଲ୍ସ ଛାଡିଗଲାଣି । ଆଜି ବି କେନ୍ଦୁପଶି ,  ବଡବେରଣା ,ବରପଦା ହାଟ ,ବାଗଡିଆ ଓ ନୂଆଁଗା ବସଷ୍ଟାଣ୍ଡ ଅଧାରେ ପଡିରହିଛି । ଉଗୀ ଗାଁରେ ବସଷ୍ଟାଣ୍ଡ ନିର୍ମାଣ ହୋଇଛି ସତ ହେଲେ ଗାଁକୁ ଗୋଟିଏ ଦିନ ବସ ଯାଇନାହିଁ । ବର୍ତ୍ତମାନ ୨୧ ବସଷ୍ଟାଣ୍ଡ ନିର୍ମାଣ ସରିଥିବା ବେଳେ ସେଥିରେ ୩ଟି ପୁରୁଣା ବସଷ୍ଟାଣ୍ଡ ରହିଛି ।  ୫ଟି ନିର୍ମାଣଧିନ ଅବସ୍ଥାରେ...ତେଣୁ ଦୁର୍ନୀତି କେମିତି ହୋଇଛି ତାହା କାହାକୁ ଅଛପା ନାହିଁ ।

ଅଭିଯୋଗ ଅନୁସାରେ,  ଆବାସ ଯୋଜନାରେ ଲୋକଙ୍କୁ ମିଳୁଛି ଲକ୍ଷେ ୬୦ ହଜାର ଟଙ୍କା । ହେଲେ ଲକ୍ଷ୍ମୀବସ ଷ୍ଟାଣ୍ଡର କାନ୍ଥ ପାଇଁ ମିଳିଥିଲା ୫ ଲକ୍ଷ ୨୦ ହଜାର । ଥରେ ଅନୁମାନ କରନ୍ତୁ ଯେଉଁଠି ଲକ୍ଷେ ୬୦ ହଜାରରେ ଘର ହେଉଛି ସେଇଠି ୫ ଲକ୍ଷ ୨୦ ହଜାର ଟଙ୍କାରେ କାନ୍ଥ କେମିତି ହୋଇପାରୁନି ? ଏମିତିକି କାନ୍ଥ ପାଇଁ ଟଙ୍କା ଦେଇ ଦୁର୍ନୀତି କରିବା ଅପେକ୍ଷା ସେହି ଟଙ୍କା ଲୋକଙ୍କୁ ଦେଲେ ହିତାଧିକାରୀ ଲାଭବାନ ହେବେ ବୋଲି ଲୋକେ କହୁଛନ୍ତି ।
 

ଖାଲି ରାସ୍ତା କହିଁକି ଗାଁରେ ପାଣି ସମସ୍ୟା ମଧ୍ୟ ଉତ୍କଟତର। ଗାଁରେ ଚାରୋଟି ନଳକୂପ ଅଛି ସତ ମାତ୍ର ସେଥିରୁ ଦୁଇଟି ମାତ୍ର ନଳକୂପରୁ ପାଣି ବ୍ୟାବହାର ହେଉଛି। ଅନ୍ୟ ଦୁଇଟିରୁ ନାଲି ପାଣି ବାହାରୁଛି। ଯେଉଁ ପାଣି ବ୍ୟବହାର କରି ଗାରୋର କିଡନୀ ରୋଗ ବ୍ୟପୁଥିବା ଅଭିଯୋଗ ହୋଇଛି। ସେଭଳି ପ୍ରାଥମିକ ଶିକ୍ଷା ପାଇଁ ଗାଁରେ ଥିବା ବିଦ୍ୟାଳୟର ଖେଳ ପଡିଆ ପାଇଁ ଥିବା ୨ଏକର ୨୫ ଡେଶ୍ମିଲ ଜାଗା ଖେଳ ପଡ଼ିଆ ବଦଳରେ ଜଣେ ବ୍ୟକ୍ତିଗତ ଭାବରେ ଘର ତିଆରି କରି ନିଜ ଗାଡି ରଖୁଥିବା ଅଭିଯୋଗ ହୋଇଛି। ଗାଁର ସମସ୍ୟ ଅନେକ। ଏହାର ସମାଧାନ ପାଇଁ ପ୍ରତିଶ୍ରୁତି ବି ଅନେକ ମିଳିଛି ମାତ୍ର ସଵୁ ପାଲଟିଛି ପ୍ରତାରଣା । ତେବେ ଦେଖିବାକୁ ବାକି ରହିଲା ଏହି ଖବର ପ୍ରସାରଣ ପରେ ସ୍ଥାନୀୟ ପ୍ରଶାସନ ବା ସରକାର ଏହି ଗରିବ ଆଦିବାସୀଙ୍କ ପ୍ରତି କଣ ପଦକ୍ଷେପ ଗ୍ରହଣ କରୁଛନ୍ତି ।

ଅଧିକ ପଢ଼ନ୍ତୁ ଓଡିଶା ଖବର:

କୋଲକତା ଆର ଜି କର ମେଡିକାଲ କଲେଜ୍‌ରେ ଡାକ୍ତରଙ୍କୁ ଦୁଷ୍କର୍ମ ଓ ପରେ ହତ୍ୟା ହୋଇଥିଲା । ମାମଲା ଜଣାପଡିବା ପରେ ପ୍ରଥମେ ମାମଲା ଚପାଇ ଦେବାକୁ ଚେଷ୍ଟା କରାଯାଇଥିଲା । ଏମିତିକି ହତ୍ୟାକୁ ଆତ୍ମହତ୍ୟାର ରୂପ ବି ଦିଆଯାଇଥିଲା । ହେଲେ ପରିବାର ଲୋକେ ଏହାକୁ ମାନିନଥିଲେ ବରଂ ଆତ୍ମହତ୍ୟା ନୁହେଁ ବରଂ ହତ୍ୟା ହୋଇଥିବା କହିଥିଲେ । ପରବର୍ତ୍ତୀ ସମୟରେ ପୁରା ଘଟଣାରେ ସଂଜୟ ହିଁ ଦାୟୀ ବୋଲି ଜଣାଯାଇଥିଲା । ପୋଲିସ ତାକୁ ବାନ୍ଧିଥିଲା । ଏବେ ସେ ଜେଲରେ । ଏହାରି ଭିତରେ ମାସେ ପୂରିଲାଣି । କିନ୍ତୁ ଡାକ୍ତରମାନେ ଆନ୍ଦୋଳନରୁ ଉଠୁନାହାନ୍ତି । ସେପଟେ ଦିଦିଙ୍କ ସହ ବୈଠକ ବିଫଳ ହେବା ପରେ ଆନ୍ଦୋଳନରତ ଡାକ୍ତର ଦର୍ଶାଇଛନ୍ତି ଯେ ଆନ୍ଦୋଳନ ଆରମ୍ଭ ହେବାପରଠାରୁ ଆନୁଷ୍ଠାନିକ ବିପଦ, ହିଂସା ଏବଂ ଭଙ୍ଗାରୁଜା ବଢ଼ିଛି । ଏଭଳି ଏକ ଗୁରୁତ୍ବପୂର୍ଣ୍ଣ ସମୟରେ ଆପଣଙ୍କ ହସ୍ତକ୍ଷେପ ଆମକୁ ଅନ୍ଧକାର କବଳରୁ ବାହାରିଯିବାର ବାଟ ଦେଖାଇବ ବୋଲି ରାଷ୍ଟ୍ରପତିଙ୍କୁ ଲେଖାଯାଇଥିବା ଚିଠିରେ ଦର୍ଶାଯାଇଛି ।

ସୂଚନା ଅନୁସାରେ, ବୈଠକର ଲାଇଭ୍‌ ଟେଲିକାଷ୍ଟ୍‌ ପାଇଁ  ଡାକ୍ତରମାନେ ଦାବି କରିଥିବା ବେଳେ ପଶ୍ଚିମବଙ୍ଗ ସରକାର ଏଥିରେ ରାଜି ହେଉନାହାନ୍ତି । ତେଣୁ ମମତା ବାନାର୍ଜୀ ୨ ଘଣ୍ଟାରୁ ଅଧିକ ସମୟ ବୈଠକ ପାଇଁ ଅପେକ୍ଷା କରିଥିଲେ ମଧ୍ୟ ଆନ୍ଦୋଳନରତ ଡାକ୍ତର ଆସିନଥିଲେ । ଏହାପରେ ମମତା ଏକ ସାମ୍ବାଦିକ ସମ୍ମିଳନୀ କରି କହିଥିଲେ ଯେ ସେ ତାଙ୍କ ପଦବି ପାଇଁ ଚିନ୍ତିତ ନୁହଁନ୍ତି ଏବଂ ଇସ୍ତଫା ଦେବାପାଇଁ ମଧ୍ୟ ପ୍ରସ୍ତୁତ ଅଛନ୍ତି । ଏପଟେ, ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସାମାଜିକ ବହିଷ୍କାର କରିଛନ୍ତି ରାଜ୍ୟପାଳ ସିଭି ଆନନ୍ଦ ବୋଷ । ରାଜ୍ୟପାଳ କହିଛନ୍ତି, ସେ ମୁଖ୍ୟମନ୍ତ୍ରୀ ମମତାଙ୍କ ସହ ଆଉ କୌଣସି ସଭା ମଞ୍ଚରେ ଏକାଠି ବସିବେନି।  ଏହି ଘଟଣାକୁ ନେଇ ଆରମ୍ଭ ହୋଇଥିବା ଆନ୍ଦୋଳନ ଥମିବା ନାଁ ଧରୁନି। ସ୍ୱାସ୍ଥ୍ୟ ଭବନ ଆଗରେ ଆନ୍ଦୋଳନ ଜାରି ରଖିଛନ୍ତି ଜୁନିଅର ଡାକ୍ତର।  ପୀଡ଼ିତାଙ୍କୁ ନ୍ୟାୟ ନମିଳିବା ଯାଏ ଆନ୍ଦୋଳନ ଜାରି ରହିବ ବୋଲି ଡାକ୍ତର ମାନେ ଚେତାବନୀ ଦେଇଛନ୍ତି । ଏଥିସହ ସ୍ବାସ୍ଥ୍ୟ ଭବନ ଆଗରେ ଡାକ୍ତରମାନେ ଆରମ୍ଭ କରିଛନ୍ତି ଅଭୟା କ୍ଲିନିକ।