ଅର୍ଗସ ବ୍ୟୁରୋ : କିଛିଦିନର ଶିଥିଳତା ପରେ ଆଫଗାନିସ୍ତାନର ରାଜଧାନୀ କାବୁଲରେ ପୁଣି ଆତଙ୍କ । ଦେଶର ବୈଦେଶିକ ବ୍ୟାପାର ମନ୍ତ୍ରାଳୟ ଠାରୁ ମାତ୍ର କିଛି ଦୂରରେ ଆତ୍ମଘାତୀ ବିସ୍ଫୋରଣ ଫଳରେ ୬ ଜଣ ସାଧାରଣ ଲୋକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ଆକ୍ରମଣରେ ୧୫ରୁ ଉର୍ଦ୍ଧ୍ବ ଗୁରୁତର ଭାବେ ଆହତ ହୋଇଛନ୍ତି । ଗୁରୁତରଙ୍କୁ ଉଦ୍ଧାର କରାଯାଇ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି । ବିସ୍ଫୋରଣ ନେଇ ଆଫଗାନିସ୍ତାନର ଆଭ୍ୟନ୍ତରୀଣ ମନ୍ତ୍ରଣାଳୟ ପକ୍ଷରୁ ସୂଚନା ଜାରି କରାଯାଇଥିବା ବେଳେ ଘଟଣା ପଛରେ କେଉଁ ସଂଗଠନର ହାତ ଅଛି ସେ ନେଇ ଜଣାପଡିନି ।
ଅଧିକ ପଢନ୍ତୁ : ଆତଙ୍କବାଦୀ ଆକ୍ରମଣର ପ୍ରମୁଖ କେନ୍ଦ୍ର ଭାବେ ମୁଣ୍ଡ ଟେକୁଛି ଆଫଗାନିସ୍ତାନ
ଆଫଗାନିସ୍ତାନ ସରକାର କହିଛନ୍ତି ଯେ ଆକ୍ରମଣକାରୀକୁ ଆଫଗାନିସ୍ତାନ ସେନା ଚିହ୍ନଟ କରିଛି । ସେମାନଙ୍କ ପାଖରେ ଥିବା ବିସ୍ଫୋରକ ବିସ୍ଫୋରଣ ହୋଇ ୬ ଜଣ ସାଧାରଣ ନାଗରିକଙ୍କ ମୃତ୍ୟୁ ଘଟିଥିଲା ଏବଂ ଅନେକ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା କରାଯାଉଛି । ଏହି ବିସ୍ଫୋରଣ ପାଇଁ କୌଣସି ଆତଙ୍କବାଦୀ ସଂଗଠନ ନିଜକୁ ଦାୟୀ କରିନାହାନ୍ତି । କିନ୍ତୁ ୨୦୨୧ ଅଗଷ୍ଟ ମଧ୍ୟଭାଗରେ ତାଲିବାନ ଆଫଗାନିସ୍ତାନକୁ ଦଖଲ କରିବା ପରେ ଆଇଏସ ଆତଙ୍କବାଦୀ ସଂଗଠନର ଆଞ୍ଚଳିକ ସହଯୋଗୀ ସଂଗଠନ ଆଫଗାନିସ୍ତାନରେ ବାରମ୍ବାର ଆକ୍ରମଣ କରିଚାଲିଛି ।
ଜଗତସିଂହପୁର: ଜଗତସିଂହପୁରରେ କାଳବୈଶାଖିର ତାଣ୍ଡବ। ବଜ୍ରାଘାତରେ ଚାଲିଗଲା ଦୁଇ ଜୀବନ। ଗତକାଲି ଅପରାହ୍ନରେ କାଳ ବୈଶାଖି ତାଣ୍ଡବ ରଚିଥିଲା।
ଜଗତସିଂହପୁର ନାଲିବର ସାମଲ ସାହିର ନାରାୟଣ ଦାସ ବିଲକୁ ଛେଳି ଗାଈ ଚରାଇବାକୁ ଯାଇଥିବା ବେଳେ ବଜ୍ରାଘାତର ଶିକାର ହୋଇଥିଲେ। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା। ସେପଟେ ତଇଦୁଲ ପାଇକ ନାମକ ଯୁବକ ଗଛମୂଳରେ ଛିଡା ହୋଇଥିବା ବେଳେ ବଜ୍ରାଘାତରେ ପ୍ରାଣ ହରାଇଛନ୍ତି।
ଅଧିକ ପଢନ୍ତୁ ଓଡ଼ିଶା ଖବର
ଢେଙ୍କାନାଳ : ଢେଙ୍କାନାଳ ଜିଲ୍ଲା କାମାକ୍ଷାନଗର ଅଂଚଳରେ କାଳବୈଶାଖୀର ମହତାଣ୍ଡବ ଦେଖିବାକୁ ମିଳିଛି । ଭାଙ୍ଗି ଦେଇଛି ଅନେକ ଘର ସହିତ ଲକ୍ଷାଧିକ ଟଙ୍କାର ଫାର୍ମ ହାଉସ । ଏଥିସହିତ ଗୋଟିଏ ନିରୀହ ଜୀବନ ମଧ୍ୟ ଅକାଳରେ ଚାଲି ଯାଇଛି । ମୃତକ ଜଣଙ୍କ କାମାକ୍ଷାନଗର ଥାନା ବାଲିଗୋରଡ଼ ପଂଚାୟତ ଅନ୍ତର୍ଗତ ନୂଆପାଣି ଗାଁର ଅଚ୍ୟୁତ ଦିଆଣି । ଅଚ୍ୟୁତ ବଜ୍ରାଘାତର ଶିକାର ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି । ସେହିପରି ନୂଆପାଣି ଗାଁର ପ୍ରକାଶ ସାମଲଙ୍କର ଫାର୍ମ ହାଉସଟି ଭାଙ୍ଗି ସମ୍ପୂର୍ଣ୍ଣ ଚୁନମାର ହୋଇଯାଇଛି ।
ଫଳରେ ଲକ୍ଷ ଲକ୍ଷ ଟଙ୍କାର କ୍ଷୟକ୍ଷତି ହୋଇଛି । ସେହିପରି ମହାବିରୋଡ଼ ଥାନା ଡୋଲିଆ -ସମାକୁଦ ରାସ୍ତାରେ ଏକ ବଡ଼ ଗଛ ଇଲେକ୍ଟ୍ରିକ ଖୁଣ୍ଟି ଉପରେ ଖସି ପଡିବା ଯୋଗୁଁ କଙ୍କଡାହାଡ଼-କେଉଁଝର ଯାତାୟାତ ଠପ ହୋଇଯାଇଛି । ଏଥିସହିତ ପ୍ରାୟ ୬ ଘଣ୍ଟା ଧରି ବିଦ୍ୟୁତ ସରବରାହ ବନ୍ଦ ରହିବା ସହ ପ୍ରାୟ ୨ ଘଣ୍ଟା ଧରି ଯାତ୍ରୀବାହୀ ବସ୍ ଅଟକି ରହିଥିଲା । ସେପଟେ ବଜ୍ରାଘାତରେ ଜଣେ ଚାଷୀଙ୍କର ମୃତ୍ୟୁକୁ ନେଇ ନୂଆପାଣି ଗାଁରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି । ଘଟଣା ସ୍ଥଳରେ କାମାକ୍ଷାନଗର ପୋଲିସ ଓ ରାଜସ୍ୱ ନିରୀକ୍ଷକ ପହଞ୍ଚି ତଦନ୍ତ ଜାରି ରଖିଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ବଲାଙ୍ଗିର: ଗୋଚର ଜମି ଯବର ଦଖଲ କୁ ନେଇ ଦୁଇ ଗ୍ରାମ ମଧ୍ୟରେ ଗୋଷ୍ଠୀ ସଂଘର୍ଷ । ବଲାଙ୍ଗିର ଜିଲ୍ଲା ପୁଇଁନ୍ତଳା ଥାନା ଅନ୍ତର୍ଗତ ବାହାଲବୁକା ଏବଂ ଗଣ୍ଡବାହାଲ ମଧ୍ୟରେ ସଂଘର୍ଷ ଘଟିଥିବା ମହିଳା ମାନେ ଅଭିଯୋଗ କରିଛନ୍ତି ।
ସୂଚନା ଅନୁସାରେ ବାହାଲବୁକା ଗ୍ରାମରେ ଥିବା ଗୌଚର ଜମିକୁ ଗଣ୍ଡବାହାଲ ଗ୍ରାମର କିଛି ବ୍ୟକ୍ତି ଜେସିବି ଆଣି ଜମି ସାଯିବା ପାଇଁ ପ୍ରୟାସ ଆରମ୍ବ କରିଥିବା ବେଳେ ଏହାକୁ ବାହାଲବୁକା ଗ୍ରାମର ଏସଏଚଜି ମହିଳା ମାନେ ବିରୋଧ କରିଥିଲେ । ଏଥିରେ ଉତକ୍ଷିପ୍ତ ହୋଇ ମହିଳା ମାନଙ୍କୁ ଅଶାଳୀନ ଭାଷାରେ ଗାଳି ଗୁଲଜ କରିବା ସହ ଜଣେ ବୃଦ୍ଧାଙ୍କୁ ଜାତିଆଣ ଆକ୍ଷେପ କରି ମାଡ଼ ମାରିଥିବା ଅଭିଯୋଗ ଆସିଛି ।
ଅଧିକ ପଢନ୍ତୁ ଓଡ଼ିଶା ଖବର
