ଅର୍ଗସ ବ୍ୟୁରୋ : ନେପାଳରେ ଭୟଙ୍କର ବନ୍ୟା ସ୍ଥିତି । ଦୁଃଖକୁ ଦ୍ବିଗୁଣିତ କରିଛି ଭୂସ୍ଖଳନ । ବନ୍ୟାରେ ଏଯାଏ ୧୧୨ ଜଣଙ୍କ ଜୀବନ ଗଲାଣି । ଭୂସ୍ଖଳନ ଯୋଗୁ ଶହ ଶହ ନିଖୋଜ ଅଛନ୍ତି । ପ୍ରବଳ ବର୍ଷା ଯୋଗୁ ପାହାଡ଼ିଆ ଅଞ୍ଚଳରେ ଭୂସ୍ଖଳନ ଜାରି ରହିଛି । ଅନେକ ସ୍ଥାନରେ ନଦୀ ଗୁଡ଼ିକର ଜଳସ୍ତର ବିପଦ ସଙ୍କେତ ଉପରେ ପ୍ରବାହିତ ହେଉଛି ।
ଅଧିକ ପଢନ୍ତୁ : ନେପାଳରେ ବଡ଼ ବିମାନ ଦୁର୍ଘଟଣା: ୧୯ ମୃତ !
ଉଦ୍ଧାରକାରୀ ଟିମ୍ ପକ୍ଷରୁ ରେସ୍କ୍ୟୁ ଅପରେସନକୁ ଜୋରଦାର କରାଯାଇଛି । କିଛି ସ୍ଥାନରେ ବର୍ଷା ଯୋଗୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହେଉଛି । ନେପାଳରେ ପ୍ରଳୟକାରୀ ବନ୍ୟା ଯୋଗୁ ବିହାରର କିଛି ଜିଲ୍ଲାକୁ ଆଲର୍ଟ କରାଯାଇଛି । ବିହାରରେ ଏବେ ବି ବର୍ଷା ଜାରି ରହିଛି ।
ମାଲକାନଗିରି: ବିଜେଡି ଶାସନରେ ଆଦିବାସୀ ଅଧ୍ୟୁଷିତ ଅଞ୍ଚଳରେ ସାଂଘାତିକ କେଳେଙ୍କାରୀ । ମାଲକାନଗିରି ମୋଟୁରେ ପ୍ରାୟ 100 ଏକର ଜଙ୍ଗଲ ଜମି ଜବରଦଖଲ ଅଭିଯୋଗ । ସଂରକ୍ଷିତ ଜଙ୍ଗଲକୁ ବେଆଇନ କବଜା କରି ବଡ଼ ବଡ଼ ଅଟ୍ଟାଳିକା ନିର୍ମାଣ ହୋଇଛି । ମତ୍ସ୍ୟ ବିଭାଗ ସହାୟତାରେ ଖୋଳାଯାଇଛି ବଡ଼ ବଡ଼ ପୋଖରୀ । ଜଙ୍ଗଲ ଜମିରେ ନରେଗା ଯୋଜନାରେ ତିଆରି ହୋଇଛି ରାସ୍ତା । ଅଭିଯୋଗ, ପୂର୍ବ ବିଜେଡି ଶାସନ ସମୟରେ ମାଲକାନଗିରି ମୋଟୁରେ ହୋଇଛି ଏ ସାଂଘାତିକ କେଳେଙ୍କାରୀ ।
ନିଛାଟିଆ ଜଙ୍ଗଲ, ତା ଭିତରେ ଦୀର୍ଘ ମାଟି ରାସ୍ତା। ଆଉ ଶେଷରେ ତାରବାଡ଼ ଘେରା ଏ ଅଞ୍ଚଳ। ବଡ଼ ବଡ଼ ଅଟ୍ଟାଳିକା, ଗୋଦାମ ଘର। ବଡ଼ ବଡ଼ ପୋଖରୀ। ବିଦ୍ୟୁତ୍ ଟ୍ରାନ୍ସଫର୍ମର ବସିଛି । ପୁଣି ଭିତରେ ଥୁଆ ଯାଇଛି ଜେସିବି ମେସିନ୍ ଆଉ ଟ୍ରାକ୍ଟର। ଇଏ ଆଦିବାସୀ ଅଧ୍ୟୁଷିତ ମାଲକାନଗିରି ଜିଲ୍ଲା ମୋଟୁ ଅଞ୍ଚଳ। 326 ନମ୍ବର ଜାତୀୟ ରାଜପଥରୁ ମାତ୍ର ଦୁଇ ତିନି କିଲୋମିଟର ଦୂରରେ ଜଙ୍ଗଲ ଭିତରେ ସାବେରୀ ନଦୀ କୂଳରେ ହୋଇଛି ନିର୍ମାଣ। ଯାହାର ନାଁ ଇସଲାମ ନଗର । ଆସିଛି ସାଂଘାତିକ ଅଭିଯୋଗ, ଜଣେ ବ୍ୟକ୍ତି ପ୍ରାୟ ପ୍ରାୟ 100 ଏକର ଜଙ୍ଗଲ ଜମି ବେଆଇନ ଜବରଦଖଲ କରି କରିଛନ୍ତି ବେଆଇନ ନିର୍ମାଣ।
ଅଭିଯୋଗ, ପୂର୍ବ ବିଜେଡି ଶାସନ ସମୟରେ ମାଲକାନଗିରି ମୋଟୁରେ ହୋଇଛି ଏ ସାଂଘାତିକ କେଳେଙ୍କାରୀ। ଜବରଦଖଲ ହୋଇଥିବା ଏ ଜମିକୁ ସଂଯୋଗ ହୋଇଥିବା ଏ ରାସ୍ତା ନରେଗା ଯୋଜନାରେ ନିର୍ମାଣ ହୋଇଛି। ପୋଖରୀ ଖୋଳା ପାଇଁ ମତ୍ସ୍ୟ ବିଭାଗ ଯୋଗାଇ ଦେଇଛି ଆର୍ଥିକ ସହାୟତା। ସରକାରୀ ଉଠାଜଳସେଚନ ପ୍ରକଳ୍ପ ବି କରାଯାଇଛି । ସବୁଠାରୁ ବଡ଼ କଥା ହେଲା ତହସିଲଦାରଙ୍କଠାରୁ ନେଇ ସ୍ଥାନୀୟ ରେଞ୍ଜର ଜଙ୍ଗଲ ଜମି ଜବରଦଖଲ ବାବଦରେ ସ୍ଥାନୀୟ ସରକାରୀ ଅଧିକାରୀଙ୍କୁ ସବୁ ଜଣା। କିନ୍ତୁ କଥାରେ ନାହିଁ ତାଳମେଳ । ତହସିଲଦାର ଏହାକୁ ସଂରକ୍ଷିତ ଜଙ୍ଗଲ କହୁଥିବାବେଳେ, ରେଞ୍ଜର କହିଛନ୍ତି ରାଜସ୍ବ ଜଙ୍ଗଲ। ଅନ୍ୟପଟେ ଜବରଦଖଲ ଉଚ୍ଛେଦ ନେଇ ପରସ୍ପର ଉପରକୁ ଦୋଷ ଠେଲୁଛନ୍ତି। ପ୍ରଶ୍ନ ହେଲା ଜଙ୍ଗଲ ଜମି ଜବରଦଖଲ ପଛରେ ରହିଛି କାହାର ସମ୍ପୃକ୍ତି ? କାହା ସହଯୋଗ ଓ ସୁରକ୍ଷାରେ ହୋଇଛି ଏମିତି କାରନାମା ? ଜବରଦଖଲ ଜମିରେ ସରକାରୀ ପ୍ରକଳ୍ପ ହେଲା କେମିତି ? କେଳେଙ୍କାରୀ ପଛରେ ରହିଛି କି ସ୍ଥାନୀୟ ବିଜେଡି ନେତାଙ୍କର ହାତ ? ସରକାରୀ ଜମିରୁ ଜବରଦଖଲ ଉଚ୍ଛେଦ ପାଇଁ ରାଜ୍ୟ ସରକାର ନିର୍ଦ୍ଦେଶ ଦେବା ସତ୍ବେ ସବୁ ଜାଣି କାହିଁକି ଚୁପ୍ ବସିଛି ମାଲକାନଗିରି ।
ଅଧିକ ପଢନ୍ତୁ ଓଡ଼ିଶା ଖବର
ପୁରୀ: ସମାଧାନ ହେଇପାରୁନି ଶ୍ରୀମନ୍ଦିର ସିଂହଦ୍ବାରର ଦଶାବତାର ମୂର୍ତ୍ତି ବିବାଦ । ସିଂହଦ୍ବାର ଗୁମୁଟରେ ବୁଦ୍ଧଙ୍କ ମୂର୍ତ୍ତି ସ୍ଥାପିତ ହେବ ନା ଜଗନ୍ନାଥଙ୍କର ସେ ନେଇ ରହିଛି ଦ୍ବିମତ । ୨୦୧୨ରେ ସିଂହଦ୍ବାର ମରାମତି ବେଳେ ଚୁନରେ ତିଆରି ଦଶାବତାର ମୂର୍ତ୍ତିକୁ କାଢ଼ି ନେଇଥିଲା ASI । ଭାଙ୍ଗିଥିବା ଚୁନ ମୂର୍ତ୍ତି ବଦଳରେ ପଥର ମୂର୍ତ୍ତି ଲଗାଇବାକୁ ନିଷ୍ପତ୍ତି ହୋଇଥିଲା । ୧୨ ବର୍ଷ ହେଲାଣି ମୂର୍ତ୍ତି କାରିଗରଙ୍କୁ ତାଙ୍କ ପାରିଶ୍ରମିକ 35 ହଜାର ଟଙ୍କା ମିଳିନାହିଁ, କିମ୍ବା ମୂର୍ତ୍ତିଗୁଡ଼ିକୁ ଶ୍ରୀମନ୍ଦିର ମୁଖଶାଳାରେ ସ୍ଥାପିତ କରାଯାଉନାହିଁ। ଫଳରେ ଶ୍ରୀମନ୍ଦିର ମୁଖଶାଳା ଶ୍ରୀହୀନ ହୋଇଛି ।
ସମାଧାନ ହେଇପାରୁନି ଶ୍ରୀମନ୍ଦିର ସିଂହଦ୍ବାରର ଦଶାବତାର ମୂର୍ତ୍ତି ବିବାଦ । ସିଂହଦ୍ବାର ଗୁମୁଟରେ ବୁଦ୍ଧଙ୍କ ମୂର୍ତ୍ତି ସ୍ଥାପିତ ହେବ ନା ଜଗନ୍ନାଥଙ୍କର ସେ ନେଇ ରହିଛି ଦ୍ବିମତ । ୨୦୧୨ରେ ସିଂହଦ୍ବାର ମରାମତି ବେଳେ ଚୁନରେ ତିଆରି ଦଶାବତାର ମୂର୍ତ୍ତିକୁ କାଢ଼ି ନେଇଥିଲା ASI । ଭାଙ୍ଗିଥିବା ଚୁନ ମୂର୍ତ୍ତି ବଦଳରେ ପଥର ମୂର୍ତ୍ତି ଲଗାଇବାକୁ ନିଷ୍ପତ୍ତି ହୋଇଥିଲା। ବୀର ହରେକୃଷ୍ଣପୁରର ଦକ୍ଷିଣସାହିରେ ଥିବା ନିର୍ମାଣ ଅନୁଷ୍ଠାନରେ ମୂର୍ତ୍ତି ତିଆରି ହେଲା। କିନ୍ତୁ ବିବାଦ ଯୋଗୁଁ ଶିଳ୍ପୀଙ୍କ ଦୁଆରେ ଖରା ବର୍ଷାରେ ପଡ଼ିରହିଛି ମୂର୍ତ୍ତି । ୧୨ ବର୍ଷ ହେଲାଣି ମୂର୍ତ୍ତି କାରିଗରଙ୍କୁ ତାଙ୍କ ପାରିଶ୍ରମିକ 35 ହଜାର ଟଙ୍କା ମିଳିନାହିଁ, କିମ୍ବା ମୂର୍ତ୍ତିଗୁଡ଼ିକୁ ଶ୍ରୀମନ୍ଦିର ମୁଖଶାଳାରେ ସ୍ଥାପିତ କରାଯାଉନାହିଁ। ଫଳରେ ଶ୍ରୀମନ୍ଦିର ମୁଖଶାଳା ଶ୍ରୀହୀନ ହୋଇଛି।
ସିଂହଦ୍ୱାର ଗୁମୁଟର ଦଶାବତାର ପଟିରେ ସ୍ଥାନ ପାଇବ କାହା ପ୍ରତିମୂର୍ତ୍ତି । ନବମ ଅବତାରରେ ବୁଦ୍ଧ ରହିବେ ନା ଜଗନ୍ନାଥ । ଏହାକୁ ନେଇ ଜୋର ଧରିଛି ଶାସ୍ତ୍ରୀୟ ବିବାଦ । ଚୂନ ମୂର୍ତ୍ତିରେ ନବମ ସ୍ଥାନରେ ବୁଦ୍ଧଙ୍କ ସ୍ଥାନରେ ଶ୍ରୀଜଗନ୍ନାଥ ରହିବାକୁ ଗୋଟିଏ ଗୋଷ୍ଠୀର ଗବେଷକ ବିରୋଧ କରିଆସୁଛନ୍ତି । ଶ୍ରୀଜଗନ୍ନାଥ ଅବତାର ନୁହଁନ୍ତି । ସେ ଅବତାରୀ। ଶ୍ରୀଜଗନ୍ନାଥଙ୍କୁ ଅବତାରରେ ସାମିଲ କରାଯିବାର କୈଣସି ମହତ୍ୱ ରହିବ ନାହିଁ ବୋଲି ଯୁକ୍ତି ବାଢ଼ିଛି ଗୋଟିଏ ଗୋଷ୍ଠୀ । ଏନେଇ ଗୋଟିଏ ଗୋଷ୍ଠୀ ହାଇକୋର୍ଟଙ୍କ ଦ୍ବାରସ୍ଥ ହୋଇଥିବାରୁ ବିବାଦ ତୁଟି ପାରୁନି ।
ଦୀର୍ଘ ୧୨ ବର୍ଷ ଧରି ତୁଟି ନଥିବା ବିବାଦ କେବେ ତୁଟିବ । କଣ ରହିବ ଶ୍ରୀମନ୍ଦିର ପ୍ରଶାସନର ପରବର୍ତ୍ତୀ ପଦକ୍ଷେପ । କେବେ ଫେରିବ ଶ୍ରୀମନ୍ଦିର ମୁଖଶାଳାର ଶ୍ରୀ । ତାକୁ ଅପେକ୍ଷା।
ଅଧିକ ପଢନ୍ତୁ ଓଡ଼ିଶା ଖବର
ନୂଆପଡ଼ା: ନୂଆପଡ଼ା ଜିଲ୍ଲାର ବିଭିନ୍ ସରକାରୀ ବିଦ୍ୟାଳୟକୁ ମିଳିଛି ଟେବୁଲ୍, ବହି ର୍ୟାକ୍, ପଙ୍ଖା ଓ ଦରି ଭଳି ବହୁ ଉପକରଣ। କେନ୍ଦ୍ର ସରକାରଙ୍କ FLN ଯୋଜନାରେ ଏହି ଉପକରଣ ଜିଲ୍ଲାର ସମସ୍ତ ସ୍କୁଲକୁ ଯୋଗାଇବା ପାଇଁ ମଞ୍ଜୁର ହୋଇଥିଲା ସାଢେ ୪ କୋଟି ଟଙ୍କା। ହେଲେ ନିମ୍ନ ମାନର ଉପକରଣ ଯୋଗାଇ କୋଟି କୋଟି ଟଙ୍କା ହଡପ କରାଯାଇଥିବା ନେଇ ହୋଇଛି ଅଭିଯୋଗ। ନୂଆପଡ଼ା ଜିଲ୍ଲାର ବିଭିନ୍ ସରକାରୀ ବିଦ୍ୟାଳୟକୁ ମିଳିଛି ଟେବୁଲ୍, ବହି ର୍ୟାକ୍, ପଙ୍ଖା ଓ ଦରି ଭଳି ବହୁ ଉପକରଣ। କେନ୍ଦ୍ର ସରକାରଙ୍କ FLN ଯୋଜନାରେ ଏହି ଉପକରଣ ଜିଲ୍ଲାର ସମସ୍ତ ସ୍କୁଲକୁ ଯୋଗାଇବା ପାଇଁ ମଞ୍ଜୁର ହୋଇଥିଲା ସାଢେ ୪ କୋଟି ଟଙ୍କା। ହେଲେ ନିମ୍ନ ମାନର ଉପକରଣ ଯୋଗାଇ କୋଟି କୋଟି ଟଙ୍କା ହଡପ କରାଯାଇଥିବା ନେଇ ହୋଇଛି ଅଭିଯୋଗ। ଉପକରଣ ଯୋଗାଇବା ଦାୟିତ୍ବରେ ଥିବା ଇଞ୍ଜିନିୟର ବାସୁଦେବ ପଣ୍ଡାଙ୍କ ବିରୋଧରେ ଅଭିଯୋଗ ଆଣିଛନ୍ତି ବିଭିନ୍ନ ସାମାଜିକ ସଂଗଠନ। ହେଲେ ଜିଲ୍ଲା ପ୍ରଶାସନର ଏନେଇ ଉଦାସୀନତ କ୍ଷୁବ୍ଧ କରିଛି ସାମାଜିକ କର୍ମୀଙ୍କୁ। ଅଭିଯୋଗର ତଦନ୍ତ ସହ ଯନ୍ତ୍ରୀ ବାସୁଦେବ ପଣ୍ଡାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଛି ଗରିବ ସେନା ଓ ଆଦିବାସୀ କଲ୍ୟାଣ ମହାସଂଘ।
ଗୁରୁତ୍ବପୂର୍ଣ୍ଣ କଥା ହେଉଛି ବାସୁଦେବ ପଣ୍ଡା ନିଜେ ଯନ୍ତ୍ରୀ, ତାଙ୍କ ଆକାଉଣ୍ଟକୁ ଯାଉଛି ଅର୍ଥ, ତଦାରଖ ଦାୟିତ୍ବ ବି ତାଙ୍କର। ଶିକ୍ଷା ବିଭାଗରେ ଏଭଳି ବିଚିତ୍ର ବ୍ୟବସ୍ଥାକୁ ନେଇ ଉଠିଛି ପ୍ରଶ୍ନ। ପ୍ରଶାସନ ଜାଣିଶୁଣି ବାସୁଦେବଙ୍କୁ ଘଣ୍ଟ ଘୋଡ଼ାଉଥିବା ହୋଇଛି ଅଭିଯୋଗ। ତେବେ ଜିଲ୍ଲାପାଳ କହିଛନ୍ତି ଏକ କମିଟି ଗଠନ କରାଯାଇ ଅଭିଯୋଗ କରାଯିବ ତଦନ୍ତ। ବିଦ୍ୟାଳୟ ଶିକ୍ଷାରେ ଗୁଣାତ୍ମକ ମାନ ବୃଦ୍ଧି ସହ ଶିକ୍ଷା ଭିତ୍ତିଭୂମିକୁ ମଜଭୁତ କରିବାକୁ କେନ୍ଦ୍ର ସରକାର କରିଛନ୍ତି FLN ଯୋଜନା। ଏଥିପାଇଁ ପ୍ରତ୍ୟେକ ଜିଲ୍ଲାକୁ କୋଟି କୋଟି ଟଙ୍କାର ଅନୁଦାନ ଆସୁଛି। ହେଲେ ଦୁର୍ନୀତିଖୋର ସରକାରୀ ଅଧିକାରୀଙ୍କ ଯୋଗୁଁ ଅର୍ଥ ହେଉଛି ବାଟମାରଣା। ଏବେ ଅପେକ୍ଷା ଜିଲ୍ଲାପାଳଙ୍କ ଦ୍ବାରା ଗଠିତ କମିଟି କଣ ଦେଉଛି ରିପୋର୍ଟ ଆଉ ଜିଲ୍ଲାପାଳ କଣ ନେବେ କାର୍ଯ୍ୟାନୁଷ୍ଠାନ ?
ଅଧିକ ପଢନ୍ତୁ ଓଡ଼ିଶା ଖବର
