ଅର୍ଗସ ବ୍ୟୁରୋ: କରୋନା ପରେ ଚୀନରେ ପୁଣି ବ୍ୟାପିଲାଣି ନୂଆ ଭୂତାଣୁ । କିଡନୀ ଓ ଲିଭରକୁ ଅକାମୀ କରୁଛି ଏହି ଭୂତାଣୁ । ଚୀନର ଶାନଡୋଙ୍ଗ ଓ ହେନାନ ସହରରେ ମାଡ଼ି ଚାଲିଛି ଲାଙ୍ଗ୍ୟା ହେନିପାଭାଇରସ୍ ନାମକ ଭୂତାଣୁ । ବର୍ତ୍ତମାନ ପର୍ୟ୍ୟନ୍ତ ଏଥିରେ ୩୫ ଜଣ ସଂକ୍ରମିତ ହୋଇ ସାରିଲେଣି । ଏନେଇ ତାଇୱାନ ସେଣ୍ଟର ଫର୍ ଡିଜଜ୍ କଣ୍ଟ୍ରୋଲ ପକ୍ଷରୁ ସୂଚନା ଦିଆ ଯାଇଛି । ସଂକ୍ରମଣର ଆଶଙ୍କା ଥିବାରୁ ତାଇୱାନ ଭୂତାଣୁ ଚିହ୍ନଟ ପାଇଁ ନ୍ୟୁକ୍ଲିଡ ଏସିଡ଼ ଟେଷ୍ଟ ଆରମ୍ଭ କରିଛି । ତେବେ ଏହି ଭାଇରସ ଯକୃତ ଓ କିଡନୀକୁ ଅଧିକ ପ୍ରଭାବିତ କରୁଥିବା ସୂଚନା ମିଳିଛି । ଏପରିକି ଏହା ଯକୃତ ଓ କିଡନୀକୁ ସଂପୂର୍ଣ୍ଣ ଭାବେ କବଳିତ କରି ଅକାମୀ କରି ଦେଉଛି ।
ଲାଙ୍ଗ୍ୟା ଭୂତାଣୁ ପ୍ରାଣୀଙ୍କଠାରୁ ମଣିଷକୁ ସଂକ୍ରମିତ ହୋଇଥାଏ । ସର୍ଭେ ଅନୁଯାୟୀ ବର୍ତ୍ତମାନ ପର୍ୟ୍ୟନ୍ତ ୨ ପ୍ରତିଶତ ଛେଳି, ୫ ପ୍ରତିଶତ କୁକୁର ଓ ଅନ୍ୟ ପ୍ରାଣୀମାନେ ମଧ୍ୟ ଏଥିରେ ଆକ୍ରାନ୍ତ ହୋଇଛନ୍ତି । କିନ୍ତୁ ବର୍ତ୍ତମାନ ପର୍ୟ୍ନ୍ତ ଏହା ମଣିଷରୁ ମଣିଷ ପାଖକୁ ସଂକ୍ରମିତ ହେବାର କିଛି ପ୍ରମାଣ ମିଳି ପାରିନାହିଁ ।
ଜର, ହାଲିଆ ଲାଗିବା, ଭୋକ କମିଯିବା, ବାନ୍ତି, ମୁଣ୍ତବିନ୍ଧା, ମାଂସପେଶୀରେ ଯନ୍ତ୍ରଣା ଆଦି ଏହି ଭୂତାଣୁ ସଂକ୍ରମଣର ପ୍ରାଥମିକ ଲକ୍ଷଣ । ଏହା ସହ ଲାଙ୍ଗ୍ୟା ଭାଇରସ ରକ୍ତରୁ ଶ୍ବେତ ରକ୍ତ କଣିକା ଓ ପ୍ଲେଟଲେଟ ହ୍ରାସ ମଧ୍ୟ କରୁଛି ।
ବିଦେଶ ଖବର ଆହୁରି ପଢନ୍ତୁ ।
ଅର୍ଗସ ବ୍ୟୁରୋ : କଟକ ସ୍ଥାନୀୟ ଖାନନଗର ଶ୍ରୀ ଶ୍ରୀ ପୁରୁଷୋତମ ଜୀଉ ମନ୍ଦିରରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଗତ ୧୫ ସେପ୍ଟେମ୍ବର ଶୁକ୍ରବାର ପୁରୀ ଶ୍ରୀମନ୍ଦିରରେ ମହାପ୍ରଭୁଙ୍କ ନୀତି ୭ ଘଣ୍ଟା ବିଳମ୍ବ ତଥା ସକାଳର ସୂର୍ଯ୍ୟପୂଜା ସଂଧ୍ୟାରେ ସଂପନ୍ନ ହେବା ଘଟଣା ଏବଂ ଶ୍ରୀମନ୍ଦିରର ଶାଢୀ ବନ୍ଧା ଗ୍ରହବିପ୍ର ବ୍ରାହ୍ମଣ ସେବାୟତଙ୍କ ପ୍ରତି ହୋଇଥିବା ଅପାମାନକୁ ତୀବ୍ର ନିନ୍ଦା କରିଛି ରାଷ୍ଟ୍ରୀୟ ସୂଯ୍ୟାଂଶୀ ବ୍ରାହ୍ମଣ ସଂଗଠନ (ଆରଏସବିଏସ) । କିଛି ମୁଷ୍ଟମେୟ କୁସଂସ୍କାରୀଙ୍କ ପାଇଁ ଏପରି ଅଘଟଣ ହୋଇଛି । ଶ୍ରୀମନ୍ଦିର କାହାରି ବ୍ୟକ୍ତିଗତ ସଂପତ୍ତି ନୁହେଁ । ଏହି ଘଟଣା କୋଟି କୋଟି ଶ୍ରଦ୍ଧାଳୁଙ୍କ ମନରେ ଆଘାତ ଦେଇଛି ।
ଅଧିକ ପଢନ୍ତୁ ଓଡ଼ିଶା ଖବର
ଏହାକୁ ତୀବ୍ର ନିନ୍ଦା କରି ରାଷ୍ଟ୍ରୀୟ ସୂଯ୍ୟାଂଶୀ ବ୍ରାହ୍ମଣ ସଂଗଠନର ରାଷ୍ଟ୍ରୀୟ ପ୍ରବକ୍ତା ପଣ୍ଡିତ ପରମାନନ୍ଦ ଜ୍ୟୋତିଷୀ କହିଛିନ୍ତି ଯେ ଶ୍ରୀମନ୍ତିରରେ ଗ୍ରହବିପ୍ର ବ୍ରାହ୍ମଣ ସେବାୟତ ପୁରୁଷ ପୁରୁଷ ଧରି ଶ୍ରୀରଜୀଉଙ୍କ ଶାଢୀ ବନ୍ଧା ବ୍ରାହ୍ମଣ ସେବାୟତ ଭାବେ କାର୍ଯ୍ୟ କରି ଆସୁଛନ୍ତି । ସେହିପରି ସଂହାରୀ ପୁଷ୍ପାଳକ ହେଉଛନ୍ତି ମହାପ୍ରଭୁଙ୍କ ଶାଢୀ ବନ୍ଧା ବ୍ରାହ୍ମଣ ସେବାୟତ । ଉଭୟ ବ୍ରାହ୍ମଣ ସେବାୟତ ହେଇଥିଲାବେଳେ ଶଙ୍ଖମିତ୍ର ସଂହାରୀ ମହାପ୍ରଭୁଙ୍କ ଶାଢୀ ବନ୍ଧା ଗ୍ରହବିପ୍ର ବ୍ରାହ୍ମଣ ସେବାୟତ ଶରତ ମହାପାତ୍ରଙ୍କ କନ୍ୟାଙ୍କୁ ବିବାହ କରିବାରେ ଅସୁବିଧା ରହିଲା କେଉଁଠି ବୋଲି ପାଲଟା ପ୍ରଶ୍ନ କରିଛନ୍ତି ଆରଏସବିଏସର ରାଷ୍ଟ୍ରୀୟ ପ୍ରବକ୍ତା ।
ଉଭୟଙ୍କ ବିବାହ ବୈଦିକ ରୀତିରେ ସଂପନ୍ନ ହୋଇଥିଲା । ଏହା ଶାସ୍ତ୍ର ସିଦ୍ଧ ଓ ନୀତି ସିଦ୍ଧ । ଏହି ବିବାହକୁ ଅନ୍ୟ ଜାତି କହି ବିଭ୍ରାନ୍ତ କରାଯାଉଛି । ଏଥିଯୋଗୁଁ ପ୍ରଭୁଙ୍କ ନୀତିକାନ୍ତି ବନ୍ଦ ହେବା ଘଟଣା ଶ୍ରଦ୍ଧାଳୁଙ୍କ ପ୍ରତି କୁଠାରଘାତ ବୋଲି କହିଛନ୍ତି ଆରଏସବିଏସର ସଂପାଦକ ଡା. ଋଞ୍ଜିତ ଆଚାର୍ଯ୍ୟ । ଗ୍ରହବିପ୍ର ହେଉଛନ୍ତି ବ୍ରାହ୍ମଣ । ଏହା ଶ୍ରମନ୍ଦିରର ସତ୍ତ୍ୱ ଲିପିରେ ଉଲ୍ଲେଖ ରହିଛି । ଗ୍ରହବିପ୍ର ଅନ୍ୟ ଜାତିର ନୁହଁନ୍ତି । ସମସ୍ତ ଶାସ୍ତ୍ରରେ ଏହାର ପ୍ରମାଣ ରହିଛି । ବେଦବ୍ୟାସ ବଚନ କହେ ଅଗ୍ନିହୋତ୍ରୀ, ତଥା ବେଦୀ ଦୈବଜ୍ଞଃ ଶ୍ରୋତ୍ରୀୟଃ ଦ୍ୱୀଜାଃ । ଏଣୁ ଗ୍ରହବିପ୍ର ବ୍ରାହ୍ମଣ ଅଟନ୍ତି । ଏହା ନିଃସନ୍ଦେହ ବୋଲି କ଼ହିଛନ୍ତି ଆରଏସବିଏସର ସଭାପତି ପଣ୍ଡିତ ବିଜୟ ପାଟ୍ଟଯୋଶୀ । ଅନ୍ୟମାନଙ୍କ ମଧ୍ୟରେ କୋଷାଧ୍ୟକ୍ଷ ପଣ୍ଡିତ ସନ୍ତୋଷ କୁମାର ନାୟକ, ବାସ୍ତୁବିତ ଶିବ ପ୍ରସାଦ ନାୟକ, ପ୍ରମୁଖ ଉପସ୍ଥିତ ଥିଲେ ।
ଅର୍ଗସ ବ୍ୟୁରୋ : ବିଜେପିରେ ମିଶିଲେ ପୁର୍ବତନ ସାଂସଦ ଅର୍କକେଶରୀ. କଳାହାଣ୍ଡିର ପୂର୍ବତନ ବିଜେଡି ସାଂସଦ ଅର୍କ କେଶରୀ ଦେଓ ବିଜେପିରେ ସାମିଲ ହୋଇଛନ୍ତି . ଏଥିସହ ତାଙ୍କ ପତ୍ନୀ ମାଳବୀକା ଦେବୀ ମଧ୍ୟ ବିଜେପିରେ ସାମିଲ ହୋଇଛନ୍ତି. ରାଜଧାନୀ ଭୁବନେଶ୍ୱରରେ ଆୟୋଜିତ ଏକ ମିଶ୍ରଣ ପର୍ବରେ ଅର୍କ ଓ ମାଳବିକା ବିଜେପିରେ ଯୋଗଦାନ କରିଥିବା ଜଣାପଡ଼ିଛି । ୨୦୧୪ ଲୋକସଭା ନିର୍ବାଚନରେ ଅର୍କ କଳାହାଣ୍ଡି ନିର୍ବାଚନ ମଣ୍ଡଳୀରୁ ସାଂସଦ ଭାବେ ନିର୍ବାଚିତ ହୋଇଥିଲେ.
ଅଧିକ ପଢନ୍ତୁ ଓଡିଶା ଖବର
ତେବେ ଆସନ୍ତା ବର୍ଷ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଥିବା ବେଳେ ଏନେଇ ରାଜ୍ୟର ପ୍ରମୁଖ ରାଜନୈତିକ ଦଳଗୁଡିକ ନିଜ ନିଜର ପ୍ରସ୍ତୁତି ପ୍ରକ୍ରିୟା ଆରମ୍ଭ କରିଦେଇଛନ୍ତି. ଏନେଇ ବିଭିନ୍ନ ଦଳର ରାଜ୍ୟ ସଂଗଠନ ସ୍ତରରେ ନୂଆ ନେତାଙ୍କୁ ଦାୟିତ୍ବ ପ୍ରଦାନ କରାଯାଉଛି. ଏ ଭିତରେ ରାଜନୈତିକ ଦଳର ପ୍ରମୁଖ ନେତା ଅର୍କ କେଶରୀ ଦେଓ ବିଜେପିରେ ସାମିଲ ହୋଇଛନ୍ତି.
ଅର୍ଗସ ବ୍ୟୁରୋ : ହକ୍ ଦାବିରେ ଲୋୟର ପିଏମଜିରେ ହଲ୍ଲାବୋଲ୍ । ଆନ୍ଦୋଳନରେ ରାଜ୍ୟର ହଜାର ହଜାର ପାଚିକା ସହାୟିକା । ସରକାରୀ ଚାକିରୀ ମାନ୍ୟତା ସାଙ୍ଗକୁ, ବେତନ ବୃଦ୍ଧି ଓ ପେନସନ ଲାଗୁ କରିବାକୁ ଦାବି । ଦୀର୍ଘ ବର୍ଷ ଧରି ରାଜ୍ୟର ସରକାରୀ ସ୍କୁଲ ଗୁଡିକରେ ହଜାର ହଜାର ପାଚିକା ସହାୟିକା ମାନେ ମଧ୍ୟାହ୍ନ ଭୋଜନର ଦାୟିତ୍ୱ ତୁଲାଇ ଆସୁଛନ୍ତି ।
ଅଧିକ ପଢନ୍ତୁ ଓଡ଼ିଶା ଖବର
ତେବେ ମାସିକ ମାତ୍ର ୧୪୦୦ ଟଙ୍କା ପାରିଶ୍ରମିକ ମିଳୁଥିବା ବେଳେ ଏହା ସମୁଦ୍ରକୁ ଶଙ୍ଖେ ସଦୃଶ ହୋଇଛି । ବାରମ୍ବାର ପ୍ରଶାସନ ନିକଟରେ ଦାବି ହେଉଥିଲେ ମଧ୍ୟ କେହି ଏଥିପ୍ରତି କର୍ଣ୍ଣପାତ କରୁନାହାନ୍ତି । ଯାହାକୁ ନେଇ ଆଜି ବିଧାନସଭା ସମ୍ମୁଖ ଲୋୟର ପିଏମଜିରେ ପାଚିକା ମହାସଂଘ ପକ୍ଷରୁ ଜୋରଦାର ବିକ୍ଷୋଭ ଓ ଆନ୍ଦୋଳନ କରାଯାଇଛି । ସରକାର ଦାବି ନଶୁଣିଲେ ଅହରାତ୍ର ଧାରଣା ଜାରି ରହିବ ବୋଲି ସଂଘ ପକ୍ଷରୁ ଚେତାବନୀ ଦିଆଯାଇଛି ।
