ଋଷର ରାଷ୍ଟ୍ରପତି ଭ୍ଲାଦିମିର ପୁଟିନ ଋଷିଆର ସେଣ୍ଟ ପିଟର୍ସବର୍ଗର କୋଷ୍ଟାଣ୍ଟିନୋଭସ୍କି ପ୍ୟାଲେସରେ ଭାରତର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ସହ ଗୁରୁତ୍ଵପୂର୍ଣ୍ଣ ବୈଠକ କରିଛନ୍ତି । ବୈଠକରେ ପୁଟିନ କହିଛନ୍ତି, ଏହି ସମୟରେ ଋଷର ରାଷ୍ଟ୍ରପତି କହିଛନ୍ତି ଯେ, ଆମେ କାଜାନରେ ପ୍ରଧାନମନ୍ତ୍ରୀ ମୋଦୀଙ୍କୁ ଅପେକ୍ଷା କରିଛୁ । ଅକ୍ଟୋବର ୨୨ ରେ କାଜାନରେ ଏକ ଦ୍ୱିପାକ୍ଷିକ ବୈଠକ ଆୟୋଜନ କରିବାକୁ ମୁଁ ପ୍ରସ୍ତାବ ଦେଇଛି । ତେଣୁ ଅପେକ୍ଷା କରିଛୁ କେବେ ମୋଦି ଆସିବେ ଏବଂ ଦ୍ଵିପାକ୍ଷିକ ଆଲୋଚନା ହେବ ।
ବ୍ରିକ୍ସ ସମ୍ମିଳନୀକୁ ନେଇ ଏବେ ପୁରା ବିଶ୍ଵରେ ଚର୍ଚ୍ଚା । କାରଣ ପ୍ରତିବର୍ଷ ହେଉଥିବା ଏହି ଗୁରୁତ୍ଵପୂର୍ଣ୍ଣ ବୈଠକରେ ଅନେକ ନିଷ୍ପତ୍ତି ନିଆଯାଇଥାଏ । ହେଲେ ବୈଠକ ପୂର୍ବରୁ ଡୋଭାଲ ଓ ପୁଟିନଙ୍କ ଆଲୋଚନା ବେଶ ଚର୍ଚ୍ଚା ସାଉଁଟିଛି । କାରଣ ଏହି ବୈଠକରେ ମୋଦିଙ୍କୁ ଗୁରୁତ୍ଵ ଦେବା ସହିତ ବାରମ୍ବାର ଆଲୋଚନା ପାଇଁ ନିବେଦନ ବି କରିଥିଲେ । ଏହି ସମୟରେ ଅଜିତ ଡୋଭାଲ ପ୍ରଧାନମନ୍ତ୍ରୀଙ୍କ ତରଫରୁ କୃତଜ୍ଞତା ବି ଜଣାଇଛନ୍ତି । NSA ଡୋଭାଲ ବ୍ୟକ୍ତିଗତ ଭାବରେ ସାକ୍ଷାତ କରିବାର ବିରଳ ସୁଯୋଗ ପାଇଥିବାରୁ ଋଷର ରାଷ୍ଟ୍ରପତିଙ୍କୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି ଯେ ଟେଲିଫୋନ୍ ବାର୍ତ୍ତାଳାପ ସମୟରେ ପ୍ରଧାନମନ୍ତ୍ରୀ ଯେପରି କହିଥିଲେ, ସେ ୟୁକ୍ରେନ ଗସ୍ତ ଏବଂ ଜେଲେନସ୍କିଙ୍କ ସହ ତାଙ୍କର ସାକ୍ଷାତ ବିଷୟରେ କହିବାକୁ ପ୍ରସ୍ତୁତ ଅଛନ୍ତି ।
ମୋଟ୍ ଉପରେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନେଇ ପୁରା ବିଶ୍ଵରେ ଚର୍ଚ୍ଚା ଜୋର ଧରିଛି । ଏହାରି ଭିତରେ ମୋଦି-ପୁଟିନ ୱାନ ଟୁ ୱାନ ଆଲୋଚନା ହେବ । ସମୟ କହିବ ଉଭୟ ନେତା କେଉଁ ବିଷୟରେ କରୁଛନ୍ତି ଆଲୋଚନା ।
