ଅର୍ଗସ ବ୍ୟୁରୋ: ଭାରତୀୟ ବଂଶୋଦ୍ଭବ ନିକି ହାଲେ (୫୧) ଆମେରିକା ରାଷ୍ଟ୍ରପତି ନିର୍ବାଚନରେ ରିପବ୍ଲିକାନ ପାର୍ଟିର ପ୍ରାର୍ଥୀ ହେବାକୁ ଚାହୁଁଛନ୍ତି। ସେ ପ୍ରାର୍ଥୀ ହେବା ପାଇଁ ପ୍ରାଥମିକ ନିର୍ବାଚନ ଲଢ଼ିବେ। ନିକି ପୂର୍ବରୁ ସାଉଥ କ୍ୟାରୋଲିନାର ଗଭର୍ଣ୍ଣର ଥିଲେ। ରାଷ୍ଟ୍ରପତି ଥିବା ସମୟରେ ଡୋନାଲ୍ଡ ଟ୍ରମ୍ପ ତାଙ୍କୁ ଜାତିସଂଘ (ୟୁଏନ୍)ରେ ଆମେରିକାର ଆମ୍ବାସାଡର ବନାଇଥିଲେ। ସେ ସମୟରେ ବିରୋଧୀ ଡେମୋକ୍ରାଟ୍ସ ନିକିଙ୍କ କାର୍ଯ୍ୟକୁ ଖୁବ୍ ପ୍ରଶଂସା କରିଥିଲେ। ୨୦୨୪ ରାଷ୍ଟ୍ରପତି ନିର୍ବାଚନ ପାଇଁ ଅଫିସିଆଲ ପ୍ରାର୍ଥୀ ହେବାକୁ ହେଲେ ନିକିଙ୍କୁ ନିଜର ପୂର୍ବତନ ବସ୍ ଡୋନାଲ୍ଡ ଟ୍ରମ୍ପଙ୍କୁ ନିର୍ବାଚନରେ ପରାଜିତ କରିବାକୁ ପଡ଼ିବ।
ରିପୋର୍ଟ ଅନୁଯାୟୀ, ନିକି ରିପବ୍ଲିକାନ ପାର୍ଟିରୁ ପ୍ରାର୍ଥପତ୍ର ହାସଲ କରିବପାଇଁ ଫେବୃୟାରୀ ୧୫ରେ ରଣନୀତି ଘୋଷଣା କରିବେ। ରିପବ୍ଲିକାନ ପାର୍ଟିର ପ୍ରାଥମିକ ନିର୍ବାଚନ ତାଳିକାରେ ସାଉଥ କାରୋଲିନା ତୃତୀୟ ସ୍ଥାନରେ ରହିଛି। ଅର୍ଥାତ ଏହାପୂର୍ବରୁ ୨ଟି ରାଜ୍ୟରୁ ପ୍ରାର୍ଥୀ ଚୟନ କରାଯିବ। ନିକିଙ୍କ ପୂର୍ବରୁ କେବଳ ଟ୍ରମ୍ପ ନିର୍ବାଚନ ଲଢ଼ିବେ ବୋଲି ଘୋଷଣା କରିସାରିଛନ୍ତି।
ବିଦେଶ ଖବର ଆହୁରି ପଢନ୍ତୁ ।
