how-to-eat-banana-for-maximum-health-benefits-from-controlling-blood-pressure-to-weight-loss

ଦେଶକୁ ଅଧିକ ଡଲାର ଆସିଲେ ଟଙ୍କା ମୂଲ୍ୟ ଉନ୍ନତ ସ୍ଥିତିରେ ରହିଥାଏ । ହେଲେ ଡଲାର ଅଭାବ ଦେଖାଦେଲେ ତାହା ଟଙ୍କାକୁ ଆହୁରି ଦୁର୍ବଳ କରିପକାଏ । ଗତ 9 ଦିନ ମଧ୍ୟରେ ବୈଦେଶିକ ପୋର୍ଟଫୋଲିଓ ନିବେଶକମାନେ ଭାରତୀୟ ଷ୍ଟକ ବଜାରରୁ 55 ହଜାର କୋଟି ଟଙ୍କା ପ୍ରତ୍ୟାହାର କରିଛନ୍ତି । ଦୈନିକ ସେମାନେ 100 କୋଟି ଡଲାର ଲେଖାଏଁ ପ୍ରତ୍ୟାହର କରିଛନ୍ତି । ଫଳରେ ଦେଶରୁ ଡଲାର କମ ହେବାରେ ଲାଗିଛି । ଏବଂ ଟଙ୍କା ଉପରେ ଚାପ ସୃଷ୍ଟି କରୁଛି ।   
 

୧୯୫୬ ମସିହାରେ କଟକର ଚୌଧୁରୀ ବଜାର ପୂଜା କମିଟି ପ୍ରଥମତଃ ପ୍ରାୟ ୪ କ୍ଵିଣ୍ଟାଲ୍ ଚାନ୍ଦିରେ ପ୍ରଥମ ଚାନ୍ଦିମେଢ଼ କରାଯାଇଥିଲା । ସମୟକ୍ରମେ ମା’ଙ୍କୁ ଲାଗି କରାଯାଇଥିଲା ସୁନା ଅଳଙ୍କାର। ଆଉ ଏବେ ପ୍ରାୟ ୪୦ କେଜି ଅଳଙ୍କାରରେ ସଜେଇ ହୋଇଛି ମାଆଙ୍କ ମୁଣ୍ମୟୀ ପ୍ରତିମା ଓ ମେଢ । କମିଟି କହିଛି ଆଗାମୀ ଦିନରେ ମେଢ ସଂପୂର୍ଣ୍ଣ ଭାବରେ ସୁନାରେ ତିଆରି ହେବ ।

ମିଳିଥିବା ସୂଚନା ଅନୁସାରେ,  କଟକରେ ଗତବର୍ଷ ଅପେକ୍ଷା ଏ ବର୍ଷ ପ୍ରାୟ ୩୦ ପ୍ରତିଶତ ବଢ଼ିଛି ପୂଜା ବଜେଟ୍ । ଗତଥର ସହରରେ ୩୨ଟି ସୁନା ଓ ଚାନ୍ଦିମେଢ଼ ଥିଲା । ଏଥର ଏହା ୩୪ରେ ପହଞ୍ଚିଛି । ଏ ବର୍ଷ ତୁଳସୀପୁର ଏବଂ ରାମଗଡ଼ କନିକା ଛକ କମିଟି ସାମିଲ ହୋଇଥିବାରୁ ସହରରେ ମୋଟ୍ ୧୭୬ଟି ମେଢ଼ କରାଯାଇଛି । ଗତବର୍ଷ ପ୍ରାୟ ୨୫୦ କୋଟି ଟଙ୍କା ଖର୍ଚ୍ଚ ହୋଇଥିବା ବେଳେ ଏଥର ପହଞ୍ଚିଛି ପ୍ରାୟ ୩୨୫ କୋଟିରେ । ପାଖାପାଖି ୭୫ କୋଟି ଟଙ୍କାର ଅଧିକ ବଜେଜ୍‌ ହୋଇଛି ଏସନ । 

କଟକରେ ମେଢ଼କୁ ଗୁରୁତ୍ଵ ଦିଆଯାଉଥିବା ବେଳେ ଭୁବନେଶ୍ଵରରେ ତୋରଣକୁ ପ୍ରାଧାନ୍ୟ । ଅର୍ଥାତ୍‌ ରାଜଧାନୀରେ ମେଢ଼ ଅପେକ୍ଷା ତୋରଣ ଉପରେ ପ୍ରତିବର୍ଷ ଭଳି ଏଥର ବି ଫୋକସ୍ କରାଯାଇଛି । ନୟାପଲ୍ଲୀ, ପଳାଶୁଣୀ, ରସୁଲଗଡ଼, ସହୀଦନଗର, ଷ୍ଟେସନ ବଜାର, ବଡ଼ବଡ଼, ଝାରପଡ଼ା , ବମିଖାଲ ଓ ବରମୁଣ୍ଡା । ଯୁଆଡ଼େ ଦେଖିବେ ସିଆଡେ ଆକାଶ ଛୁଆଁ ତୋରଣ । କେବଳ ସହିଦନଗର ପୂଜା କମିଟି ଏଥର କୋଟିଏ ଟଙ୍କା ଅଟକଳ କରିଥିବାବେଳେ ତୋରଣରେ ହିଁ ୪୦ରୁ ୪୫ ଲକ୍ଷ ଟଙ୍କା ଖର୍ଚ୍ଚ କରିସାରିଛି । ସେହିପରି ପୁରୁଣା ଷ୍ଟେସନ ବଜାର ପୂଜା କମିଟିର ବଜେଟ୍ ରହିଛି ୮୦ ଲକ୍ଷ । ଏଭଳି ଭାବେ ଭୁବନେଶ୍ବରରେ ମୋଟ୍ ୧୮୭ଟି ମେଢ଼ କରାଯାଇଥିବାବେଳେ ତାହାରି ଭିତରେ ରହିଛି ୬ଟି ସୁନା ଚାନ୍ଦି ମେଢ଼ । ପୂର୍ବବର୍ଷ ଅପେକ୍ଷା ଏଥର ରାଜଧାନୀରେ ପୂଜା ବଜେଟ୍ ୨୫ ପ୍ରତିଶତ ବଢ଼ି ପ୍ରାୟ ସାଢ଼େ ୩ ଶହ କୋଟିରେ ପହଞ୍ଚିଛି ।

ମୋଟ୍‌ ଉପରେ, ପୂଜାକୁ ନେଇ ଏବେ କଟକ-ଭୁବନେଶ୍ଵରର ସତେ ଯେମିତି ପ୍ରତିଯୋଗିତା ଲାଗିଛି । ସଂଧ୍ୟା ନଇଁଲେ ଭକ୍ତଙ୍କର ବି ପ୍ରବଳ ଭିଡ଼ ଦେଖିବାକୁ ମିଳୁଛି । ଏ ବର୍ଷ ଅପେକ୍ଷା ପରବର୍ଷ ପୂଜା ବଜେଟ୍‌ କେତେ ଅଧିକ ରହୁଛି ତାହା ସମୟ କହିବ ।
 

ନବରଙ୍ଗପୁର ଜିଲ୍ଲାରେ ଜମିକୁ ଉଠା ଜଳ ସେଚନରେ ଜଳ ସଂଯୋଗ ପାଇଁ ଦୁଇଟି ଗ୍ରୁପରେ ଅନ ଲାଇନରେ ହୋଇଥିଲା ଫର୍ମଫିଲପ। ସେ ମଧ୍ୟରୁ ଭାରଣ୍ଡିପରାର ପlଞ୍ଚ ଜଣ ଚାଷୀଙ୍କ ଜମିରେ ବୋରୱେଲ ଖୋଳା ଯାଇଥିଲା। ଅନ୍ୟମାନଙ୍କ ମଧ୍ୟରୁ ଜଣଙ୍କର ରିଜେକ୍ଟ ହୋଇ ଥିବା ବେଳେ ଅନ୍ୟଚାରି ଜଣଙ୍କ ଖୋଲା ଯାଇ ନ ଥିବା କହିଛନ୍ତି ଚାଷୀ । ସେହିପରି ଭରଣ୍ଡୀପରାର ଅନ୍ୟ ଏକ ଚାଷୀ ଗ୍ରୁପର ଚାରିଜଣ ୨୦୨୦ ମସିହାରେ ଡିପ ବୋରୱେଲ ପାଇଁ ଆବେଦନ କରିଥିଲେ । ମାତ୍ର ଆଜି ମଧ୍ୟ ବୋରୱେଲ ଖୋଳା ଯାଇନି।

2020ବର୍ଷରେ ବୋରୱେଲ ପାଇ ଉପକୃତ ହେଉଥିବା ଚାଷୀ ମାନେ ମଧ୍ୟ ନିଜ ଜମିରେ ପାଣି ନ ପାଇ ଫସଲ ପୋଡି ଯାଉ ଥିବାକୁ ନେଇ ଅଭିଯୋଗ କରୁଛନ୍ତି l ଜମିରେ ଖୁଣ୍ଟ ପୋତି ତାର ମଧ୍ୟ ଟାଣିଦିଆଯାଇଛି, ଟ୍ରାନ୍ସଫର୍ମେର ଵି ଲଗାଯାଇଛି କିନ୍ତୁ ଆଜି ଯାଏଁ ବିଦ୍ୟୁତ ସଂଯୋଗ ହୋଇ ନାହିଁ।  ଏପଟେ ଚାଷୀ ମାନେ ଧାନ ଫସଲ କରିଥିବା ବେଳେ ଅଣବୃଷ୍ଟି ପାଲଟିଛି ଚିନ୍ତାର କାରଣ। ସରକାରଙ୍କ ଉଠା ଜଳ ସେଚନ ବିଭାଜନ ଦ୍ଵାରା ଗଭୀର ନଳକୂପ ଯୋଜନାରେ ଉପକୃତ ହେବା ପାଇଁ ଅଶାରଖିଥିବା ଚାଷୀ ଆବେଦନ କରିବାର ବର୍ଷ ବର୍ଷ ପରେ ମଧ୍ୟ ଗଭୀର ନଳକୂପ ଖୋଳା ହେଇ ପାରୁନି। ଏପେଟେ ଯେଉଁମାନଙ୍କୁ ଯୋଜନାରେ ସାମିଲ କରାଯାଇଛି ସେମାମନେ ମଧ୍ୟ ପାଣି ପାଇବାରୁ ବଞ୍ଚିତ ।

ଅଧିକ ପଢ଼ନ୍ତୁ ଓଡିଶା ଖବର: