ତ୍ୱଚା ଏବଂ କେଶରେ ଏପରି ଭାବେ କରନ୍ତୁ ଆଳୁ ରସର ବ୍ୟବହାର, ଆଉ ଯିବାକୁ ପଡିବନି ପାର୍ଲର

by Banajyotshna Ray

ଆଳୁ ହେଉଛି ଏକ ଏଭଳି ପରିବା ଯାହା ଆମର ସମସ୍ତ ତରକାରୀରେ ବ୍ୟବହାର ହୋଇଥାଏ । କିନ୍ତୁ କଣ ଆପଣମାନେ ଜାଣିଛନ୍ତି କି ଏହି ପରିବାଟି ଆପଣଙ୍କ ସ୍କିନ୍‌ ଏବଂ କେଶ ପାଇଁ ବହୁତ ଉପଯୋଗୀ ହୋଇଥାଏ । ଯେପରି ବ୍ରଣ, ଡାର୍କ ସର୍କଲ ପରି ଦାଗ ସବୁ ଲିଭାଇଦିଏ । ଆସନ୍ତୁ ଜାଣିବା ଆଳୁ ରସ ଦ୍ୱାରା କେଶ ଏବଂ ସ୍କିନ୍‌ ପାଇଁ କିପରି ଭାବେ ବ୍ୟବହାର କରିବେ...

ବ୍ରଣ ଦୂର କରିବା ପାଇଁ ଏକ ପାତ୍ରରେ ଆଳୁର ରସରେ ଲେମ୍ୱୁ ରସ ଏବଂ ଅଳ୍ପ ମୁଲତାନି ମାଟି ମିଶାନ୍ତୁ । ତିଆରି ହୋଇଥିବା ପେଷ୍ଟକୁ ଚେହେରାରେ ଲଗାନ୍ତୁ । ଧ୍ୟାନ ରଖିବେ ଏହି ପ୍ୟାକୁ ଲଗାଇବା ପୂର୍ବରୁ ତ୍ୱଚାର ସଫା କରିବା ଭୁଲିବେନି । ଆପଣ ଯଦି ଚାହୁଁଛନ୍ତି ଗୋଲାପ ଜଳରେ ଚେହେରାକୁ ପୂର୍ବରୁ ସଫା କରିପାରିବେ । ଫେସ ପ୍ୟାକକୁ ଚେହେରାରେ ୧୫ରୁ ୨୦ ମିନିଟକୁ ନେଇ ଲଗାଇ ରଖିବେ । ଏହାପରେ ହାତକୁ ଓଦା କରିଏହାକୁ ସ୍କ୍ରବ କରିବା ଭଳି ସଫା କରିବେ । ସପ୍ତାହରେ ୩ରୁ ୪ ଥର ଏହି ପ୍ୟାକକୁ ବ୍ୟବହାର କରନ୍ତୁ ଏବଂ ଏହାର ପ୍ରଭାବ ପରଖନ୍ତୁ ।

ସୁନ୍ଦର ଚେହେରାକୁ ଦାଗ ବିଗାଡି ଦିଏ । ଏହାପାଇଁ ଆଳୁ ରସକୁ ତୁଳାରେ ବୁଡାଇ ଆଖି ଉପରେ ୧୦ରୁ ୧୫ ମିନିଟ ରଖନ୍ତୁ । ଆପଣ ଯଦି ଚାହାନ୍ତି ଆଳୁକୁ କାଟି ତାକୁ ପ୍ସାଇସ କରି ଆଖି ଉପରେ ରଖି ପାରିବେ ।ଏହାଦ୍ୱାରା ଆଖି ତଳେ ଥିବା ଦାଗ ସବୁ ଦୂର ହୋଇଯିବ ।

କେଶ ଝଡିବା ଏବଂ ଡ୍ୟାଣ୍ଡ୍ରଫ ପରି ସମସ୍ୟାକୁ ଦୂର କରିବା ପାଇଁ ଆଳୁ ରସ ବହୁତ ଭଲ କାମ କରିଥାଏ । ଏହାପାଇଁ ଆପଣଙ୍କୁ ଆଳୁ ରସରେ ଏଲୋବେରା ଜେଲ ଏବଂ ଏକ ଚାମଚ ମହୁ ମିସାଇ ପେଷ୍ଟ ତିଆରି କରନ୍ତୁ ।ସପ୍ତାହରେ ଗୋଟେଥର ଏହି ପେଷ୍ଟକୁ ଏକ ଘଣ୍ଟା ପାଇଁ କେଶରେ ମସାଜ କରି ଲଗାନ୍ତୁ । ଏହାପରେ କେଶକୁ ସଫା ପାଣିରେ ଦୋଇ ଦିଅନ୍ତୁ । ଏହାର ପର ଦିନ କେଶକୁ ସ୍ୟାମ୍ପୁ କରି ଧୋଇ ଦିଅନ୍ତୁ ।

ଏହାସହ ଆଳୁ ରସ ଶରୀରକୁ ସଫା ରଖିଥାଏ । ଆଳୁ ରସରେ କଞ୍ଚା କ୍ଷୀର ମିସାଇ ତୁଳା ଦ୍ୱାରା ଶରୀରରେ ସପ୍ତାହକୁ ଗୋଟେ ଥର ଲଗାନ୍ତୁ । କିଛି ଦିନରେ ଆପଣଙ୍କୁ ଏହାର ପ୍ରଭାବ ନଜର ଆସିବ । ଆପଣଙ୍କ ଶରୀରରେ ଏକ ଅଲଗା ପ୍ରକାରର ଚମକ ଆସିବ ।

ଅନୁଭବଙ୍କୁ ବଡ଼ ଝଟକା, ଛାଡ଼ପତ୍ର ଆବେଦନ ଖାରଜ୍ କଲେ ଫ୍ୟାମିଲି କୋର୍ଟ

by Jitendra Dash

Cuttack Family Court rejects Anubhav Mohanty’s divorce plea

ଅର୍ଗସ ବ୍ୟୁରୋ : ଅନୁଭବଙ୍କ ଡିଭୋର୍ସ ପାର୍ଟି ପ୍ଲାନିଂକୁ ଝଟକା । ୩ ବର୍ଷର ଆଇନଗତ ଲଢେଇ, ବିଜେଡି ସାଂସଦଙ୍କ ସୋସିଆଲ ମିଡିଆରେ ବାରମ୍ବାର ପୋଷ୍ଟ, ବିଭିନ୍ନ ସଭାରେ ବର୍ଷାଙ୍କ ଉଦ୍ଦେଶ୍ୟରେ ଆକ୍ଷେପ ଆଉ ଶେଷରେ ବିଜେଡି ସାଂସଦଙ୍କୁ ଲାଗିଛି କୋର୍ଟଙ୍କ ବଡ଼ ଝଟକା । କଟକ ପରିବାର ଅଦାଲତ ଅନୁଭବଙ୍କ ଡିଭୋର୍ସ ପିଟିସନକୁ ଖାରଜ କରିଛନ୍ତି । ଏଥିସହିତ ବର୍ଷାଙ୍କ ସେକସନ୍ ୯ ପିଟିସନ୍ ବି ଖାରଜ ହୋଇଛି ।

ଅଧିକ ପଢନ୍ତୁ : କଟକ ପରିବାର ଅଦାଲତରେ ଶେଷ ହେଲା ମାମଲା

୨୦୨୦ରେ କୋଭିଡ୍ ସମୟରେ ଚର୍ଚ୍ଚାକୁ ଆସିଥିଲେ ସେଲିବ୍ରିଟି କପଲ୍ । ଦିଲ୍ଲୀର କୋର୍ଟରେ ବିଜେଡି ସାଂସଦ ଅନୁଭବ ମହାନ୍ତି ଦାଖଲ କରିଥିଲେ ଡିଭୋର୍ସ ପିଟିସନ୍ । ମାମଲାକୁ ଦିଲ୍ଲୀକୁ କଟକ ଟ୍ରାନସଫର ପାଇଁ ଆବେଦନ କରିଥିଲେ ବର୍ଷା । ସୁପ୍ରିମକୋର୍ଟଙ୍କ ରାୟ ଯାଇଥିଲା ବର୍ଷାଙ୍କ ସପକ୍ଷରେ । ଅନୁଭବ ବିଭିନ୍ନ ସମୟରେ ବର୍ଷାଙ୍କୁ ନିର୍ଯାତନା ଦେଉଥିବା ହୋଇଥିଲା ଅଭିଯୋଗ ।

ଅନୁଭବ ଓ ତାଙ୍କ ଦୁଇ ସହଯୋଗୀଙ୍କ ନାଁରେ ୪୯୮ଏ, ୫୦୬, ୩୪୧ ରେ ମାମଲା ବି ରୁଜ୍ଜୁ ହୋଇଥିଲା । ହେଲେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲା । ଏହାଭିତରେ ବିଭିନ୍ନ ସମୟରେ ଅନୁଭବ ସୋସିଆଲ ମିଡିଆରେ ଭିଡିଓ ପୋଷ୍ଟ କରି ଟ୍ରୋଲ୍ ହୋଇଥିଲେ । ତେବେ ଅନୁଭବ ଜାଣିଥିଲେ କି କୋର୍ଟରେ ହାରିବେ, ତାଙ୍କ ଅଭିଯୋଗର ନାହିଁ ସତ୍ୟତା, ସେଥିପାଇଁ ବିଜେଡି ସାଂସଦ କରୁଥିଲେ କି ମିଛ ନାଟକ, କାରଣ ବର୍ଷା କେବେ ବି ଅନୁଭବଙ୍କୁ ନେଇ ମିଡିଆରେ କି ସୋସିଆଲ ମିଡିଆରେ କିଛି କହିନଥିଲେ ।

ଦେଶରେ ଏକକ ନିର୍ବାଚନ ନେଇ ଆଜି ଦିଲ୍ଲୀରେ ବସିବ ବୈଠକ

by Jitendra Dash

ଅର୍ଗସ ବ୍ୟୁରୋ : ଦେଶରେ ଏକକ ନିର୍ବାଚନ ନେଇ ଆଜି ଦିଲ୍ଲୀରେ ବସିବ ବୈଠକ । ଏକକ ନିର୍ବାଚନ ନେଇ ଦେଶର ବର୍ତ୍ତମାନର ଆଇନକୁ ତର୍ଜମା କରିବା ସହ ବିଭିନ୍ନ ଦିଗ ଉପରେ ହେବ ଆଲୋଚନା । ‘ଏକ ଦେଶ, ଏକ ନିର୍ବାଚନ’ ପ୍ରସଙ୍ଗରେ ବିଚାରବିମର୍ଶ ପାଇଁ ଏକ କମିଟି ଗଠନ କରିଛନ୍ତି କେନ୍ଦ୍ର ସରକାର । ଆଜି ଏହି କମିଟିର ପ୍ରଥମ ବୈଠକ ।

ଅଧିକ ପଢନ୍ତୁ ଭାରତ ଖବର

ଏକସଙ୍ଗେ ଲୋକସଭା ଓ ସବୁ ରାଜ୍ୟର ବିଧାନସଭା ନିର୍ବାଚନ ନେଇ ଏହି ବୈଠକରେ ଆଲୋଚନା କରାଯିବ । ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦ ଏହି କମିଟିର ଅଧ୍ୟକ୍ଷ ଅଛନ୍ତି । ଏହି କମିଟି ଏକକ ନିର୍ବାଚନ ଉପରେ ବିଶ୍ଳେଷଣ କରିବା ସହ ସରକାରଙ୍କୁ ପରାମର୍ଶ ଦେବ ।

ଆଜି ପବିତ୍ର ରାଧାଷ୍ଟମୀ, ଶ୍ରୀମନ୍ଦିରରେ ହେବ ସ୍ବତନ୍ତ୍ର ନୀତିକାନ୍ତି

by Jitendra Dash

ଅର୍ଗସ ବ୍ୟୁରୋ : ଆଜି ପବିତ୍ର ରାଧାଷ୍ଟମୀ । ଶ୍ରୀମନ୍ଦିରରେ ହେବ ସ୍ବତନ୍ତ୍ର ନୀତିକାନ୍ତି । ନଗର ପରିକ୍ରମା ସହ ଚାରିଆଶ୍ରମ ବିଜେ କରିବେ ଚକ୍ରରାଜ ସୁଦର୍ଶନ । ଅପରାହ୍ନରେ ସୁଦର୍ଶନ ମହାପ୍ରଭୁ ଶ୍ରୀମନ୍ଦିର ବେଢା ପରିକ୍ରମା କରିବା ପରେ ବାହାରକୁ ତାଙ୍କ ବିମାନ ବାହାରି ନଗର ପରିକ୍ରମା କରିବ । ଏହାପରେ ପନ୍ତି ଭୋଗ ଖାଇ ଗୌଡ଼ବାଡ଼ ସାହିରେ ଥିବା ଜମ୍ବେଶ୍ବର ମହାଦେବ ମନ୍ଦିରକୁ ବିଜେ କରିବେ ।

ଅଧିକ ପଢନ୍ତୁ ଓଡ଼ିଶା ଖବର

ସେଠାରେ ଶୀତଳ ଭୋଗ ଓ ପ୍ରସାଦ ଲାଗି ନିତି ଅନୁଷ୍ଠିତ ହେବ । ଜମ୍ବେଶ୍ବରଙ୍କ ପକ୍ଷରୁ ଜଣେ ପୂଜାପଣ୍ଡା ସାମନ୍ତ ଶ୍ରୀମନ୍ଦିରର ବାର୍ଷିକ ଆୟବ୍ୟୟ ହିସାବ ସୁଦର୍ଶନଙ୍କ ସମୁଖରେ ପଢି ନିତି ସମ୍ପର୍ଣ୍ନ କରିବେ । ସୁଦର୍ଶନ ମହାପ୍ରଭୁ ଜମ୍ବେଶ୍ୱରଙ୍କ ଠାରୁ ଆୟବ୍ୟୟ ହିସାବ ଆଣିବା ପରେ ସେଠାରୁ ଶ୍ରୀମନ୍ଦିର ପ୍ରତ୍ୟାବର୍ତ୍ତନ କରିବେ । ତେବେ ଗତକାଲି ରାତିରେ ଶ୍ରୀମନ୍ଦିରରେ ଅନୁଷ୍ଠିତ ହୋଇଥିଲା କେକେସି ରାକ୍ଷସ ବଧ ନୀତି ।