ଆଜିଠୁ ରମଜାନର ପବିତ୍ର ମାସ ଆରମ୍ଭ, ପିଏମ ମୋଦି ଜଣାଇଲେ ଶୁଭେଚ୍ଛା

ଆଜିଠୁ ରମଜାନର ପବିତ୍ର ମାସ ଆରମ୍ଭ, ପିଏମ ମୋଦି ଜଣାଇଲେ ଶୁଭେଚ୍ଛା

by Manini Pattanayak

ନୂଆଦିଲ୍ଲୀ: ସାରା ଦେଶରେ ଆଜିଠୁ ରମଜାନର ପବିତ୍ର ମାସ ଆରମ୍ଭ ହୋଇଛି । ଏହିଥର ରମଜାନର ପର୍ବ ଏପରି ଏକ ସମୟରେ ପଡିଛି ଯେଉଁ ସମୟରେ କି ଲୋକମାନେ କୋରୋନା ଯୋଗୁଁ ନିଜ ନିଜ ଘରେ ଲକ୍‌ଡାଉନ୍‌ ହୋଇ ରହିଛନ୍ତି । ତେବେ ଏହି ପବିତ୍ର ମାସ ପାଇଁ କେନ୍ଦ୍ର ଏବଂ ସମସ୍ତ ରାଜ୍ୟ ସରକାର ସ୍ୱତନ୍ତ୍ର ପ୍ରସ୍ତୁତି କରିଛନ୍ତି ।

ଲୋକମାନଙ୍କୁ ଘରେ ରହି ନମାଜ ପାଠ କରିବାକୁ କହିଛନ୍ତି ।ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରମଜାନ୍‌ର ମାସ ଆରମ୍ଭ ହେବା ନେଇ ଟୁଇଟ୍‌ ମାଧ୍ୟମରେ ଶୁଭେଚ୍ଛା ଜଣାଇଛନ୍ତି । ମୋଦି ଟୁଇଟ୍‌ରେ କହିଛନ୍ତି ଯେ ରମଜାନ୍‌ ମାସ ଆରମ୍ଭ ଅବସରରେ ସମସ୍ତଙ୍କୁ ଶୁଭେଚ୍ଛା ସହ ସମସ୍ତଙ୍କ ସୁରକ୍ଷା, କଲ୍ୟାଣ ଓ ସମୃଦ୍ଧର ପାର୍ଥନା କରୁଛି ବୋଲି ମୋଦି ଉଲ୍ଲେଖ କରିଛନ୍ତି ।

ଏଥିସହିତ ରାହୁଲ ଗାନ୍ଧି ମଧ୍ୟ ରମଜାନ ମାସର ଆରମ୍ଭ ନେଇ ଶାନ୍ତି ଓ ଉତ୍ତମ ସ୍ୱାସ୍ଥ୍ୟର କାମନା କରି ଶୁଭେଚ୍ଛା ଜଣାଇଛନ୍ତି । କୋରୋନାର ଆତଙ୍କ ମଧ୍ୟରେ ମୁସଲମାନମାନଙ୍କର ରମଜାନର ପବିତ୍ର ମାସ ଆଜିଠୁ ଆରମ୍ଭ ହୋଇଛି । ଶୁକ୍ରବାର ଦିନ ଚାନ୍ଦ ଦେଖାଯିବା ପରେ ରମଜନାର ଘୋଷଣା କରାଯାଇଥିଲା ।

ପାରାଦ୍ୱୀପ: ଦୁଇ ଦିନିଆ ମିଳିତ ସମରାଭ୍ୟାସ ‘ସାଗର କବଚ-୨’

by Banajyotshna Ray

Two-Day joint Coastal Security Exercise 'Sagar Kavach-2' begins in Paradeep Port

ଅର୍ଗସ ବ୍ୟୁରୋ: ପାରାଦୀପ ସମୁଦ୍ରରେ ଚାଲିଛି ଦୁଇ ଦିନିଆ ମିଳିତ ସମରାଭ୍ୟାସ ‘ସାଗର କବଚ-୨’ । ଉପକୂଳକୁ ସୁରକ୍ଷା ଦେବା ପାଇଁ ଓଡ଼ିଶା ଓ ପଶ୍ଚିମବଙ୍ଗର ବିଭିନ୍ନ ବିଭାଗ ଏଥିରେ ସାମିଲ ହୋଇଛନ୍ତି । ଆଜି ଏହାର ଅନ୍ତିମ ଦିବସ । ୨୬/୧୧ ମୁମ୍ବାଇ ଆକ୍ରମଣ ପରେ ଜଳପଥରେ ଆତଙ୍କୀ ଆକ୍ରମଣକୁ ପ୍ରତିହତ କରିବା ପାଇଁ ପ୍ରତି ବର୍ଷ ଦୁଇ ଥର ଏହି ସମରାଭ୍ୟାସ କରାଯାଉଛି । ଏଥିରେ ଗୁଇନ୍ଦା, ମେରାଇନ ପୋଲିସ, କୋଷ୍ଟ ଗାର୍ଡ, ନାଭାଲ, ବନ ବିଭାଗ, ମତ୍ସ୍ୟ ବିଭାଗ ଭଳି ୧୮ରୁ ଅଧିକ ବିଭାଗ ସାମିଲ ରହିଛନ୍ତି ।

ଉପକୂଳବର୍ତ୍ତୀ ୪୮୦ କିଲୋମିଟର ସମୁଦ୍ର ବେଳାଭୂମିରେ ଚାଲିଛି ସମରାଭ୍ୟାସ । ଏଥିରେ ଦୁଇଟି ଟିମ୍‌ ଗଠନ ହୋଇଛି । ଯାହାର ନାଁ ରହିଛି ରେଡ୍‌ ଟିମ୍‌ ଓ ବ୍ଲୁ ଟିମ୍‌ । ରେଡ୍‌ ଟିମ୍‌ ମାରଣାସ୍ତ୍ର ସହ ଉପକୂଳରେ ପ୍ରବେଶ ପାଇଁ ଉଦ୍ୟମ କରିବେ ଏବଂ ଏମାନଙ୍କୁ ପ୍ରତିହତ କରିବେ ବ୍ଲୁ ଟିମ୍‌ । କାଲିଠୁ ଆରମ୍ଭ ହୋଇଥିବା ଏହି ସମରାଭ୍ୟାସର ଆଜି ହେଉଛି ଶେଷ ଦିନ ।

ଅଧିକ ପଢ଼ନ୍ତୁ ଓଡିଶା ଖବର:

୧୪ ଦିନ ପରେ ଚନ୍ଦ୍ରପୃଷ୍ଠରେ ଆଜି ହେବାକୁ ଯାଉଛି ସକାଳ

by Banajyotshna Ray

Chandrayaan-3: Sunrise on Shiv Shakti point today

ଅର୍ଗସ ବ୍ୟୁରୋ: 14 ଦିନ ପରେ ଚନ୍ଦ୍ରପୃଷ୍ଠରେ ଆଜି ହେବାକୁ ଯାଉଛି ସକାଳ । ଶିବ ଶକ୍ତି ପଏଣ୍ଟରେ ଆସିବାକୁ ଥିବା ସୂର୍ଯ୍ୟୋଦୟକୁ ନେଇ ଭାରତୀୟ ବୈଜ୍ଞାନିକଙ୍କ ମନରେ ନୂଆ ଆଶାର ସଞ୍ଚାର। ଏହି ନୂଆ ସକାଳ ସହ ସ୍ଲିପ ମୋଡରୁ ଉଠିବେ ଲ୍ୟାଣ୍ଡର ବିକ୍ରମ ଓ ରୋଭର ପ୍ରଜ୍ଞାନ। ପୁଣି ଥରେ ଲ୍ୟାଣ୍ଡର ଓ ବିକ୍ରମ କେମିତି କାମ କରିବେ ସେ ନେଇ ଉଦ୍ୟମ କରିବ ଇସ୍ରୋ । ବିକ୍ରମ ଲାଣ୍ଡରର ରିସିଭର୍ ଅନ୍ ଥିଲେ ମଧ୍ୟ ପ୍ରବଳ ଥଣ୍ଡା ଓ ଅନ୍ଧାର ଯୋଗୁଁ ଏହାର ସବୁ ଯନ୍ତ୍ରାଂଶ ବନ୍ଦ ରହିଛି । ସୂର୍ଯ୍ୟଙ୍କଠାରୁ ଶକ୍ତି ଆହରଣ କରି ପୁଣି ବିକ୍ରମ ଓ ପ୍ରଜ୍ଞାନ ସକ୍ରିୟ ହେବେ ବୋଲି ଆଶା କରାଯାଉଛି ।

ଯଦି କୌଣସି କାରଣରୁ ଏହା ସମ୍ଭବ ନ ହୁଏ, ତେବେ ବିକ୍ରମ ଓ ପ୍ରଜ୍ଞାନ ସବୁଦିନ ପାଇଁ ଚନ୍ଦ୍ରପୃଷ୍ଠରେ ଭାରତର ‘ମହାକାଶ ଦୂତ’ ଭାବେ ପଡି ରହିବେ ବୋଲି ଇସ୍ରୋ ପକ୍ଷରୁ କୁହାଯାଇଛି। ଏହି ୧୪ ଦିନ ଚନ୍ଦ୍ରର ଦକ୍ଷିଣ ମେରୁରେ ତାପମାତ୍ରା ମାଇନସ୍ ୨୫୦ ଡିଗ୍ରୀ ଥିବା ବେଳେ ବିକ୍ରମ ଓ ପ୍ରଜ୍ଞାନ ପୁନଃ କାର୍ଯ୍ୟ କରିବା ଏତେଟା ସହଜ ନୁହେଁ । ତେବେ ଯଦି ଇସ୍ରୋ ଲ୍ୟାଣ୍ଡର ଓ ରୋଭରକୁ ସକ୍ରିୟ କରିବାରେ ସଫଳ ହୁଏ ତେବେ ଏହା ଭାରତ ପାଇଁ ବଡ଼ ସଫଳତା ହେବ ।

ଅଧିକ ପଢ଼ନ୍ତୁ ଦେଶ ଖବର:

ଆଜି ବିଧାନସଭା ମୌସୁମୀ ଅଧିବେଶନର ପ୍ରଥମ ଦିନ

by Banajyotshna Ray

Today is the first day of the monsoon session of the Assembly

ଅର୍ଗସ ବ୍ୟୁରୋ: ଆଜି ବିଧାନସଭା ମୌସୁମୀ ଅଧିବେଶନର ପ୍ରଥମ ଦିନ। ବାଚସ୍ପତି ଦାୟିତ୍ବ ନେବା ପରେ ସର୍ବଦଳୀୟ ବୈଠକ ଡାକିବେ ବାଚସ୍ପତି ପ୍ରମିଳା ମଲ୍ଲିକ । ଅଧିବେଶନର ପ୍ରଥମ ଦିନ ୧୧ଟାରୁ ଆରମ୍ଭ ହେବ ଗୃହ କାର୍ଯ୍ୟ । ଦିବଙ୍ଗତ ନେତାଙ୍କ ଉଦ୍ଦେଶ୍ୟରେ ଶୋକପ୍ରସ୍ତାବ ଆଗତ ପରେ ପ୍ରଥମାର୍ଦ୍ଧ ମୁଲତବୀ ରହିବ । ଅପରାହ୍ନ ୫ଟାରେ ଗୃହରେ ଅତିରିକ୍ତ ବଜେଟ ଉପସ୍ଥାପନ କରିବେ ଅର୍ଥମନ୍ତ୍ରୀ ବିକ୍ରମ କେଶରୀ ଆରୁଖ । ଅତିରିକ୍ତ ବଜେଟ୍ ର ଆକାର ପ୍ରାୟ ୨୨ହଜାର କୋଟି ବୋଲି ଜଣାପଡ଼ିଛି । ଏହା ବ୍ୟତିତ ଆପାର୍ଟମେଣ୍ଟ ଅଧ୍ୟାଦେଶ, ଡ୍ରିମ୍ ସ ୟୁନଭରସିଟି ବିଲ୍, ପାଣି ପଞ୍ଚାୟତ ବିଲ୍, ଓବିସି କମିଶନ ଅଧ୍ୟାଦେଶ ଗୃହରେ ଆଗତ ହେବ ।

ବିଧାନସଭା ପାଇଁ ତ୍ରି ସ୍ତରୀୟ ସୁରକ୍ଷା ବ୍ୟବସ୍ଥା କରିଛି କମିସନରେଟ ପୋଲିସ । ୩୦ ପ୍ଲାଟୁନ ପୋଲିସ ଫୋସ ଓ ୧୨୫ ଅଫିସର ସୁରକ୍ଷା ପାଇଁ ମୁତୟନ କରାଯିବେ । ସେପଟେ ବିଧାନସଭା ରଣନୀତି ପ୍ରସ୍ତୁତ ପାଇଁ ଆଜି ବସିବ ତିନି ଦଳର ବିଧାୟକ ଦଳ ବୈଠକ । ଶାସକ ଦଳକୁ ଘେରିବାକୁ ଉଭୟ ବିଜେପି ଓ କଂଗ୍ରେସ ପ୍ରସଙ୍ଗର ଲମ୍ବା ତାଲିକା ପ୍ରସ୍ତୁତ କରୁଥିବା ବେଳେ ଶାସକ ଦଳ ବି କାଉଣ୍ଟର ପ୍ଲାନ ପ୍ରସ୍ତୁତ କରିବାକୁ ଯୋଜନା କରିଛି ।