ଉତ୍ତରାଖଣ୍ଡରେ କୋରୋନା ନେଲା ପ୍ରଥମ ମୁଣ୍ଡ

ଅର୍ଗସ ବ୍ୟୁରୋ: ଉତ୍ତରାଖଣ୍ଡରେ କୋରୋନା ସଂକ୍ରମିତ ମହିଳାଙ୍କ ମୃତ୍ୟୁ ଘଟିଛି । ରାଜ୍ୟରେ ଏହି 56 ବର୍ଷିୟ  ମହିଳାଙ୍କ କୋରୋନା ସଂକ୍ରମଣର ପ୍ରଥମ ମୃତ୍ୟୁ ମାମଲା ସାମନକୁ ଆସିଛି । ମହିଳାଙ୍କ ମୃତ୍ୟୁ ପରେ  ଏମସ୍ ପ୍ରଶାସନ ସହିତ ଉତ୍ତରାଖଣ୍ଡର ସ୍ୱାସ୍ଥ୍ୟ ବିଭାଗରେ ଆତଙ୍କ ଖେଳିଯାଇଛି । ଉକ୍ତ ମହିଳା ଏମ୍ସ ଋଷିକେଶରେ ଭର୍ତ୍ତି ଥିଲେ ।  ତିନି ଦିନ ପୂର୍ବରୁ  ମହିଳାଙ୍କ ନିକଟରେ କୋରୋନା ସଂକ୍ରମଣ ହେବାର ଚିହ୍ନଟ କରାଯାଇଥିଲା ।

ମହିଳା ଜଣଙ୍କ ନୈନିତାଲର ଲାଲଙ୍କୁଆର ବାସିନ୍ଦା ଥିଲେ । ସେ ଏମ୍ସର ନ୍ୟୁରୋ ଓ୍ୱାର୍ଡରେ ଭର୍ତ୍ତି ଥିଲେ । ତେବେ ସେ ବ୍ରେନ୍‌ ଷ୍ଟ୍ରୋକରେ ପିଡିତ ଥିଲେ । କୋରୋନା ଜନିତ ମହିଳାଙ୍କ ମୃତ୍ୟୁ ଖବର ଏମ୍ସର ନିର୍ଦ୍ଦେଶକ  ରବିକାନ୍ତ ଦେଇଛନ୍ତି । ଏଠି କହି ରଖୁଛୁ ଯେ ପ୍ରଦେଶରେ 57 ଜଣ କୋରୋନା ସଂକ୍ରମିତ ହୋଇଥିବା ବେଳେ 36 ସୁସ୍ଥ ହୋଇ ଘରକୁ ଫେରିଛନ୍ତି ।