ଏମଆଇଟିର ଦାବି, ଦେଶରେ ତାତି ବଢିଲେ ଶକ୍ତି ହରାଇବ କୋରୋନା ଭାଇରସ୍‌

ନୂଆଦିଲ୍ଲୀ:  କୋରୋନାକୁ ନେଇ ଆସିଲା ଆସ୍ୱସ୍ତିମୂଳକ ଖବର । ଭାରତରେ  ତାତି ବଢିଲେ କୋରୋନାର  ଶକ୍ତି  ଦୁର୍ବଳ ହେବ । ଏହି  ଦାବି  କରିଛି ଏମଆଇଟି । ଏମଆଇଟି  କହିଛି ଯେ, ସୂର୍ଯ୍ୟଙ୍କ ପ୍ରକୋପ  ଯେତେ ବଢିବ  କୋରୋନାର ପ୍ରକୋପ ମଧ୍ୟ  ସେହିପ୍ରକାରେ ହ୍ରାସ ପାଇବ । କୋରୋନା ଭାଇରସ୍‌ର ପ୍ରତ୍ୟେକ ସ୍ଥିତିକୁ ଅଧ୍ୟୟନ କରୁଥିବା  ଏମଆଇଟି  କହିଛି ଯେ ତାପମାତ୍ରା ବୃଦ୍ଧି ପାଇଲେ କୋରୋନାର ବିପଦ ହଟିଯିବ ବୋଲି ଆଶା କରାଯାଉଛି ।

ଏମଆଇଟିର ରିସର୍ଚ୍ଚ ଅନୁସାରେ  90 ପ୍ରତିଶତ  କୋରୋନା ପ୍ରଭାବିତ ଦେଶରେ ତାପମାତ୍ରାର ପାରା 3ରୁ 17ରୁ ଡିଗ୍ରି ସେଲସିୟସ ମଧ୍ୟରେ ଏବଂ ଆର୍ଦ୍ରତା  4ରୁ 9 ଗ୍ରାମ  ପ୍ରତି କ୍ୟୁବିକ୍‌ ମିଟର ରହୁଛି । ତେବେ ଯେଉଁ ଦେଶରେ ପାରା  17 ଡିଗ୍ରୀ ଉର୍ଦ୍ଧ୍ୱ ଏବଂ ଆର୍ଦ୍ରତା 9 ଗ୍ରାମ  ପ୍ରତି କ୍ୟୁବିକ୍‌ ମିଟର ରୁ ଅଧିକ ରହୁଛି  ସେଠାରେ କୋରୋନା ମାମଲା କେବଳ 6 ପ୍ରତିଶତ  ରେକର୍ଡ କରାଯାଇଛି । ଏହି ପରିସ୍ଥିତିରେ  ଭାରତ ଭଳି ଏକ ଗରମ ଦେଶକୁ ଏମଆଇଟିର ଅଧ୍ୟୟନ ଆସ୍ୱସ୍ତି ପ୍ରଦାନ କରିଛି ।