କୋରୋନା ଭାଇରସ୍‌ ପାଇଁ ଦୋଷୀ ସାବ୍ୟସ୍ତ ହେଲେ ଚୀନ୍‌କୁ ଭୟାବହ ପରିଣାମ ଭୋଗିବାକୁ ପଡିବ: ଟ୍ରମ୍ପ

କୋରୋନା ଭାଇରସ୍‌ ପାଇଁ ଦୋଷୀ ସାବ୍ୟସ୍ତ ହେଲେ ଚୀନ୍‌କୁ ଭୟାବହ ପରିଣାମ ଭୋଗିବାକୁ ପଡିବ: ଟ୍ରମ୍ପ

by Manini Pattanayak

ଅର୍ଗସ ବ୍ୟୁରୋ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୁଣି ଥରେ ଚୀନ୍‌କୁ ଚେତାବନୀ ଦେଇଛନ୍ତି । ଟ୍ରମ୍ପ ଚୀନ୍‌କୁ ଧମକମୂଳକ ଭାବେ କହିଛନ୍ତି ଯଦି କୋରୋନା ଭାଇରସ୍‌ ପାଇଁ ଦୋଷୀ ସାବ୍ୟସ୍ତ ହୁଏ ତେବେ ଏହାର ଭୟାବହ ପରିଣାମ ଚୀନ୍‌କୁ ଭୋଗିବାକୁ ପଡିବ । ଟ୍ରମ୍ପ ହ୍ୱାଇଟ୍‌ ଳହାଉସ୍‌ ରେ ଗଣମାଧ୍ୟମ ସହ ଆଲୋଚନା ବେଳେ ଏହା କହିଛନ୍ତି ।

ଏଥିସହିତ ଆମେରିକାରେ ନିଆଯାଇଥିବା କୋରୋନା ପାଇଁ ସମସ୍ତ ପଦକ୍ଷେପକୁ ତାରିଫ କରିଥିଲେ । ଟ୍ରମ୍ପ କହିଥିଲେ ସ୍ୱାସ୍ଥ୍ୟ କ୍ଷେତ୍ରରେ ଅନ୍ୟ ଦେଶ ତୁଳନାରେ ଆମେରିକା ବହୁତ ଭଲ କାମ କରିଛି । ଗଣମାଧ୍ୟମ ସାମ୍ନାରେ କୋରୋନା ମୁକାବିଲାରେ ନିଜ ଦେଶର ଭୂୟସୀ ପ୍ରଂଶସା କରିଥିଲେ ଟ୍ରମ୍ପ । ଏଠି କହିରଖୁଛୁ ଯେ ଚୀନ୍‌ରୁ ଆସିଥିବା କୋରୋନା ଏବେ ସାରା ବିଶ୍ୱରେ ଆତଙ୍କ ରଚିଛି ଏବଂ ଏହାର ଅଧିକ ପ୍ରଭାବ ଆମେରିକାରେ ପଡିଛି । ଯେଉଁଥିପାଇଁ ବାରମ୍ବାର ଟ୍ରମ୍ପ ଚୀନ୍‌କୁ ଚେତାବନୀ ଦେଇଚାଲିଛନ୍ତି ।

ଅର୍ଗସ ନ୍ୟୁଜରେ ନିଯୁକ୍ତି ସୁଯୋଗ !

ଉଚ୍ଚାଭିଳାଷୀ ପେଷାଦର ଆବଶ୍ୟକ।

ଆବେଦନ କରନ୍ତୁ

ଆଇଡି ବିସ୍ପୋରଣରେ ଦୁଇ ଡିଆରଜି ଯବାନ ଆହତ

by Ritu Das

ଅର୍ଗସ ବ୍ୟୁରୋ: ନିର୍ବାଚନ ପରେ ଗଣତି ଦିନ ଆତଙ୍କ ସୃଷ୍ଟି କରିବାକୁ ଚେଷ୍ଟା କରିଛନ୍ତି ଲାଲ ବହିନୀ। ଦନ୍ତେଓ୍ବାଡା ଆଇଡି ବିସ୍ଫୋରଣ ଘଟିଛି। ଏହି ବିସ୍ପୋରଣରେ ଦୁଇ ଡିଆରଜି ଯବାନ ଆହତ ହୋଇଛନ୍ତି।

ଦନ୍ତେୱାଡା ସାତଧାର ବ୍ରିଜ ନିକଟରେ ବଡ ଧରଣର ied ବିସ୍ପୋରଣ କରିଛନ୍ତି ମାଓବାଦୀ। ଏନେଇ ଦନ୍ତେୱାଡା ଏସପି ଗୌରବ ରାଓ ଘଟଣାସ୍ଥଳକୁ ଅଧିକ ଯବାନଙ୍କୁ ପଠାଇବା ସହ ସ୍ଥାନୀୟ ଅଞ୍ଚଳରେ କୁମ୍ବିଙ୍ଗ ଅପରେସନକୁ ଜୋରଦାର କରିଛନ୍ତି।

ଅଧିକ ପଢ଼ନ୍ତୁ ଓଡ଼ିଶା ଖବର

ବଡ଼ ପରଦାରେ ଧୁମ ମଚାଉଛନ୍ତି ଭିକି କୌଶଲ ବନାମ ରଣବୀର କପୁର

by Jitendra Dash

Vicky's film faces tough competition from 'Animal'

ଅର୍ଗସ ବ୍ୟୁରୋ : ଗତ କାଲି ରିଲିଜ ହୋଇଛି ଦୁଇଦୁଇଟି ବିଗ ବଜେଟ ଫିଲ୍ମ । ମୁହାଁମୁହିଁ ହେଇଛନ୍ତି ଭିକି କୌଶଲ ଓ ରଣବୀର କପୁର । ଭିକି କୌଶଲଙ୍କ ସାମ ବାହାଦୂର ବଡ ପରଦାକୁ ଆସିଥିବା ବେଳେ ରଣବୀର କପୁରଙ୍କ ବହୁ ପ୍ରତିକ୍ଷିତ ସିନେମା ଆନିମଲ ମୁକ୍ତି ଲାଭ କରିଛି । ଦୁଇଟି ଯାକ ସିନେମା ପରସ୍ପରଠୁ ସମ୍ପୂର୍ଣ୍ଣ ଅଲଗା ମନୋରଞ୍ଜର ହୋଇଥିବା ନେଇ ଜଣା ପଡ଼ିଛି ।

ଦେଶର ପ୍ରଥମ ଫିଲ୍ଡ ମାର୍ଶଲ ସାମ ମାନେକ୍ସାଙ୍କର ବାୟୋପିକ ହେଉଛି ସାମ ବାହାଦୂର । ମେଘନା ଗୁଲଜାରଙ୍କ ନିର୍ଦ୍ଦେଶନାରେ ନିର୍ମିତ ଏହି ଯୁଦ୍ଧ ଡ୍ରାମା ଚଳଚ୍ଚିତ୍ରରେ ଭିକି କୌଶଲ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଫିଲ୍ମର ଟ୍ରେଲର ରିଲିଜ ହେବା ପରଠାରୁ ଫ୍ୟାନ୍ସ ମାନେ ଉତ୍ସାହର ସହିତ ‘ସାମ ବାହାଦୂର’ ରିଲିଜକୁ ଅପେକ୍ଷା କରିଥିଲେ । ବର୍ତ୍ତମାନ ଏହି ଫିଲ୍ମଟି ସିନେମା ହଲରେ ରିଲିଜ ହେବାପରଠାରୁ ଏହା ଦର୍ଶକଙ୍କ ମନକୁ ବେଶ୍ ଛୁଇଁପାରିଛି ।

ଅଧିକ ପଢନ୍ତୁ ମନୋରଞ୍ଜନ ଖବର

ଆଉ ସେପଟେ ଧୁମ ମଚାଉଛି ରଣବୀର କପୁରଙ୍କ ବହୁ ପ୍ରତିକ୍ଷିତ ସିନେମା ଫିଲ୍ମ ଆନିମଲ । ଏହି ସିନାମାରେ ବାପା ଓ ପୁଅ କାହାଣୀକୁ ଅତି ସୁନ୍ଦରଭାବେ ଉପସ୍ଥାପନା କରାଯାଇଛି । ଫ୍ୟାମିଲି ଡ୍ରାମା, ଇମୋସନ, ରୋମାନ୍ସ, ଆକ୍ସନ ଓ ଥ୍ରୀଲରକୁ ଏହି ସିନାମାରେ ସ୍ଥାନ ଦିଆଯାଇଛି । ସେପଟେ ପ୍ରଥମ ଥର ପାଇଁ ଦକ୍ଷିଣ ଭାରତୀୟ ଅଭିନେତ୍ରୀ ରଶ୍ମୀକା ମନ୍ଦାନାଙ୍କ ସହ ରଣବୀରଙ୍କ ଅନସ୍କ୍ରିନ ଯୋଡିକୁ ଦର୍ଶକ ବେଶ ପସନ୍ଦ କରଥିବା ଜଣା ପଡ଼ିଛି ।

ମେଘନା ଗୁଲଜାର ନିର୍ଦ୍ଦେଶିତ ସିନେମା ସାମ ବାହାଦୂର ସବୁ ବର୍ଗର ଦର୍ଶକଙ୍କୁ ଖୁବ ପସନ୍ଦ ଆସିଥିବା ବେଳେ, ପ୍ରଥମ ଦିନରେ ସିନେମାକୁ ମିଳିଛି ଆଶାଠୁ ଅଧିକ ଭଲ ପାଇବା ମିଳିଛି । ଦେଖିବାକୁ ବାକି ରହିଲା କୋଉ ଫିଲ୍ମ ଦର୍ଶକଙ୍କୁ ଅଧିକ ଆକୃଷ୍ଟ କରିବାରେ ସଫଳ ହେଉଛି ।

ଟ୍ରକକୁ ପିଟିଲା କାର, ୨ ମୃତ

by Ritu Das

ଅର୍ଗସ ବ୍ୟୁରୋ: ବିଳମ୍ବିତ ରାତିରେ ପାହାଳ ଛକ ନିକଟରେ ମର୍ମନ୍ତୁଦ ଦୁର୍ଘଟଣା ଘଟିଛି। ଘଟଣାସ୍ଥଳରେ ୨ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଆହତ ହୋଇଛନ୍ତି। ଟ୍ରକକୁ ପଛରୁ ପିଟିଲା ଦ୍ରୁତଗାମୀ କାର। ଟ୍ରକଟି ରାସ୍ତା କଡ଼ରେ ପାର୍କିଂ ହୋଇଥିବା ବେଳେ କଟକ ଆଡୁ ଭୁବନେଶ୍ୱର ଆଡେ ଆସୁଥିବା ଏକ କାର ପଛରୁ ଧକ୍କା ଦେଇଥିଲା। ଘଟଣା ସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କରିଥିଲେ। ରାତି ପ୍ରାୟ ୨ଟା ସମୟରେ ଏହି ଦୁର୍ଘଟଣା ଘଟିଛି।

ଆଇଆଇସିଙ୍କ ସ୍ପଷ୍ଟ ସୂଚନା ଅନୁଯାୟୀ, ଗାଡ଼ିରେ ୩ ଜଣ ରହିଥିଲେ। ୨ଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଏସସିବି ହସ୍ପିଟାଲରେ ଚିକିତ୍ସିତ ହେଉଛନ୍ତି। ମୃତକ ହେଲେ ଭଦ୍ରକ ସୁଶୀଲ କର ଏବଂ ଅନ୍ୟ ଜଣେ ହେଉଛନ୍ତି ଯାଜପୁର ଜିଲ୍ଲାର ଅମୂଲ୍ୟ ଦାସ। ଦୁର୍ଘଟଣାଟି ଅତି ଭୟଙ୍କର ଥିଲା ବୋଲି ସ୍ଥାନୀୟ ଲୋକେ କହିଛନ୍ତି। ତେବେ ଦୁର୍ଘଟଣାର କାରଣ ଏଯାଏ ଜଣାପଡ଼ିନାହିଁ।