ଅର୍ଗସ ବ୍ୟୁରୋ : ଇନ୍ଟରନ୍ୟାଶନାଲ ଲେବର ଅର୍ଗାନାଇଜେସନର ରିପୋର୍ଟ ଅନୁଯାୟୀ କରୋନା ପାଇଁ ବିଶ୍ୱର ପ୍ରାୟ 81% ଜୀବିକା ପ୍ରଭାବିତ ହେବ | କରୋନା ପାଇଁ ଦାରିଦ୍ର୍ୟ ଭିତରକୁ ଠେଲି ହୋଇଯିବେ ଭାରତର ପ୍ରାୟ 40 କୋଟି ଲୋକ | ଚୀନର ଷଡଯନ୍ତ୍ର ଆଉ ବିଶ୍ୱ ସ୍ୱାସ୍ଥ୍ୟ ସଂଗଠନର ଦାୟୀତ୍ୱହୀନତା ପାଇଁ ଏକ ବହୁତ ବଡ ମୂଲ୍ୟ ଦେବାକୁ ପଡିବ ଭାରତକୁ | କରୋନା କବଳରେ ପଡି ସାରା ବିଶ୍ୱରେ ଦିନକୁ ଦିନ ବଢି ଚାଲିଛି ଆକ୍ରାନ୍ତଙ୍କ ସଂଖ୍ୟା | 16 ଲକ୍ଷରୁ ଅଧିକ ଲୋକ କରୋନା ଭାଇରସ କବଜାରେ ଫସିଥିବା ବେଳେ ପ୍ରାଣ ହରାଇଲେଣି 95 ହଜାରରୁ ଅଧିକ ଲୋକ |କରୋନା ଭାଇରସ ପାଇଁ ପୁରା ବିଶ୍ୱ ଏବେ ଚୀନର ମିଛ ଆଉ ସ୍ଵାର୍ଥପରତା ସହ WHO ବା ବିଶ୍ୱ ସ୍ୱାସ୍ଥ୍ୟ ସଂଗଠନର ଦାୟୀତ୍ୱହୀନତାକୁ ମଧ୍ୟ ଦାୟୀ କରୁଛି |
31 ଡ଼ିସେମ୍ବର 2019ରୁ ବିଶ୍ୱ ସ୍ୱାସ୍ଥ୍ୟ ସଂଗଠନ ପାଖରେ କରୋନା ସମ୍ପର୍କରେ ଖବର ଥିଲେ ସୁଦ୍ଧା ଏହାର ଭୟାବହତା ସମ୍ପର୍କରେ ବିଶ୍ୱକୁ ସୂଚିତ କରାଇ ନଥିଲା WHO | ସାରା ବିଶ୍ୱ କରୋନାର ଭୟାବହତା ଜାଣିସାରିଥିଲା ଏବଂ ଏହାକୁ ଏକ ମହାମାରୀ ଘୋଷଣା କରିବା ପାଇଁ ଫେବୃଆରୀ ଦ୍ୱିତୀୟ ସପ୍ତାହରୁ WHOକୁ ଅନୁରୋଧ କରାଯାଉ ଥିବା ସତ୍ଵେ ମାର୍ଚ୍ଚ 11ରେ ଯାଇ ବିଶ୍ୱ ସ୍ୱାସ୍ଥ୍ୟ ସଂଗଠନ କରୋନାକୁ ମହାମାରୀ ଘୋଷଣା କରିଥିଲା | ଆଉ ସେତେବେଳକୁ ନେଡି ଗୁଡ଼ କହୁଣୀକୁ ବୋଇ ସାରିଥିଲା | ଚୀନ ଓ ବିଶ୍ୱସ୍ୱାସ୍ଥ୍ୟ ସଂଗଠନର ଅବହେଳା ପାଇଁ ଏବେ ବିଶ୍ୱର ଅର୍ଥନୀତି ଦୋହଲି ଯାଇଥିବା ବେଳେ ପ୍ରାୟ 270 କୋଟି ଲୋକଙ୍କ ଜୀବିକା ପଡିଛି ସଂକଟରେ | ଇନ୍ଟରନ୍ୟାଶନାଲ ଲେବର ଅର୍ଗାନାଇଜେସନର ରିପୋର୍ଟ ଅନୁଯାୟୀ କରୋନା ପାଇଁ ବିଶ୍ୱର ପ୍ରାୟ 81% ଜୀବିକା ପ୍ରଭାବିତ ହେବ | ସମଗ୍ର ବିଶ୍ୱର ଜନସଂଖ୍ୟାରୁ କେବଳ 3.3 ବିଲିଅନ ଲୋକ କାର୍ଯ୍ୟକରୁଥିବା ବେଳେ ଏବେ 2.7 ବିଲିଅନ ଲୋକ ଜୀବିକା ହରାଇବାର ସମ୍ଭାବନା ସୃଷ୍ଟି ହୋଇଛି | ଦ୍ୱିତୀୟ ବିଶ୍ୱଯୁଦ୍ଧ ପରେ କରୋନା ହେଉଛି ସବୁଠାରୁ ବଡ଼ ସଙ୍କଟ ଆଉ ଏହା ପାଇଁ ଦାୟୀ କେବେଳ ଚୀନ | ବିଶ୍ୱର ପ୍ରାୟ 19 କୋଟି ଲୋକ ଯେଉଁମାନେ କି ଫୁଲଟାଇମ ଚାକିରୀ କରନ୍ତି ସେମାନେ ଚାକିରୀ ହରାଇବେ | ତେବେ ଏହି ମନ୍ଦାବସ୍ଥାର ସବୁଠାରୁ ଅଧିକ ପ୍ରଭାବ ପଡିବ ଭାରତ, ବ୍ରାଜିଲ ଏବଂ ନାଇଜେରିଆରେ | ଭାରତର ପ୍ରାୟ 90% ୱାର୍କଫୋର୍ସ ଅଣସଂଗଠିତ କ୍ଷେତ୍ରରେ କାର୍ଯ୍ୟକରନ୍ତି | ତେଣୁ କୋରୋନା ପାଇଁ ଆସିବାକୁ ଥିବା ମାନ୍ଦାବସ୍ଥା ହେତୁ ଭାରତର ପ୍ରାୟ 40 କୋଟି ଲୋକ ଦାରିଦ୍ର୍ୟ ଭିତରକୁ ଠେଲି ହୋଇଯିବେ |
1995 ମସିହାରୁ ଭାରତ ନିଜସ୍ୱ ପ୍ରଚେଷ୍ଟା ବଳରେ ଦାରିଦ୍ର୍ୟକୁ ମାତ୍ର 10% ରେ ସୀମିତ ରଖିବାରେ ସଫଳ ହୋଇଥିଲା କିନ୍ତୁ ଏବେ ଚୀନର ଷଡଯନ୍ତ୍ର ଆଉ ବିଶ୍ୱ ସ୍ୱାସ୍ଥ୍ୟ ସଂଗଠନର ଦାଇତ୍ୱହୀନତା ପାଇଁ ଏକ ବହୁତ ବଡ ମୂଲ୍ୟ ଦେବାକୁ ପଡିବ ଭାରତକୁ | ବିଭିନ୍ନ ଉଦ୍ୟୋଗ, ହୋଲସେଲ, ରିଟେଲ କିମ୍ବା ଖଣିଜ କ୍ଷେତ୍ର ହେଉ ସବୁଠାରୁ ଅଧିକ ପ୍ରଭାବିତ ହେବେ | କେବଳ ଚୀନର ଭୁଲ ପାଇଁ ଆଜି କୋଟି କୋଟି ଲୋକ ଜୀବିକା ହରାଇବା ଭୟରେ ଆତଙ୍କିତ | 400 କୋଟି ଲୋକ ଘରେ ବନ୍ଦୀ ଥିବା ବେଳେ ଭବିଷ୍ୟତରେ କେତେ ଲୋକ ଯେ ଭୋକ ଉପାସରେ ରହିବେ ତାହା ମଧ୍ୟ କହିବେହ ନାହିଁ ।
ଅର୍ଗସ ବ୍ୟୁରୋ : ଅନୁଗୋଳ ଜିଲ୍ଲା ତାଳଚେରରେ ଭାରତ ସରକାରଙ୍କ ଖର୍ଚ୍ଚରେ ନିର୍ମିତ ହୋଇଥିବା ନୂତନ ମେଡିକାଲ ତଥା ସ୍ୱାଧୀନତା ସଂଗ୍ରାମୀ ଓ ଓଡ଼ିଶାର ପୂର୍ବତନ ଉପମୁଖ୍ୟମନ୍ତ୍ରୀ ପବିତ୍ର ମୋହନ ପ୍ରଧାନଙ୍କ ନାମରେ ନାମିତ ହସ୍ପିଟାଲଟି ପ୍ରଥମ ଦିନରୁ ହସ୍ପିଟାଲ ସହ ମେଡିକାଲ କଲେଜ ଭାବରେ ଶୁଭାରମ୍ଭ ହୋଇଥିଲେ ଭଲ ହୋଇଥା’ନ୍ତା । ଏହା ସ୍ଥାନୀୟ ଲୋକଙ୍କ ଅପେକ୍ଷା ଥିଲା । ରାଜ୍ୟ ସରକାର ଅବିଳମ୍ବେ ପବିତ୍ର ମୋହନ ପ୍ରଧାନ ହସ୍ପିଟାଲକୁ ତୁରନ୍ତ ମେଡିକାଲ କଲେଜ କରିବା ପାଇଁ ଆବଶ୍ୟକ ପଦକ୍ଷେପ ନେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରସ୍ତାବ ଦେଇଛନ୍ତି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଅଧିକ ପଢନ୍ତୁ ଓଡ଼ିଶା ଖବର
ତାଳଚେର ସ୍ଥିତ ପବିତ୍ର ମୋହନ ପ୍ରଧାନ ହସ୍ପିଟାଲର ଶୁଭାରମ୍ଭ କାର୍ଯ୍ୟକ୍ରମରେ ନୂଆଦିଲ୍ଲୀରୁ ଭିଡିଓ କନଫରେନ୍ସରେ ସାମିଲ ହୋଇ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଏହି ପ୍ରସ୍ତାବ ଦେବା ସହ କହିଛନ୍ତି ଯେ ଆଜିର ଦିନ ଆମ ସମସ୍ତଙ୍କ ପାଇଁ ବିଶେଷ ଭାବରେ ଅନୁଗୋଳ ଓ ତାଳଚେରବାସୀଙ୍କ ପାଇଁ ସ୍ମରଣୀୟ ହୋଇ ରହିବ । ସମସ୍ତଙ୍କ ପ୍ରେରଣାର ସ୍ରୋତ ପବିତ୍ର ମୋହନ ପ୍ରଧାନଙ୍କ ନାଁରେ ମେଡିକାଲ ଆନୁଷ୍ଠାନିକ ଭାବେ ଶୁଭାରମ୍ଭ ହୋଇଛି । ତେବେ ଏହି ହସ୍ପିଟାଲଟି ପ୍ରାରମ୍ଭରୁ ହସ୍ପିଟାଲ ସହ ମେଡିକାଲ କଲେଜ ନାଁରେ ହୋଇଥିଲେ ଭଲ ହୋଇଥାନ୍ତା । ଓଡ଼ିଶା ସରକାରଙ୍କ ସ୍ୱାସ୍ଥ୍ୟ ବିଭାଗ ଏଥିପାଇଁ ତୁରନ୍ତ ଦରଖାସ୍ତ ରୁହନ୍ତୁ । ନ୍ୟାସନାଲ ମେଡିକାଲ କମିଶନର ମାଧ୍ୟମରେ ଯଥାଶୀଘ୍ର ପବିତ୍ର ମୋହନ ମେଡିକାଲ କଲେଜ ଏବଂ ହସ୍ପିଟାଲ କରାଇଲେ ହିଁ ଉଚିତ୍ ରହିବ । ସରକାର ଆପ୍ଲିକେସନ ପଠାଇବା ପାଇଁ ବିଳମ୍ବ କରନ୍ତୁ ନାହିଁ । କେବଳ ମେଡିକାଲ କହିଲେ ଲୋକଙ୍କ ଅପେକ୍ଷା ପୂରଣ ହେବ ନାହିଁ ।
ଶ୍ରୀ ପ୍ରଧାନ କହିଛନ୍ତି ଯେ, ଲୋକଙ୍କୁ ଉତ୍ତମ ସ୍ୱାସ୍ଥ୍ୟସେବା ପ୍ରଦାନ ଦିଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମାର୍ଗଦର୍ଶନରେ ଏମସିଏଲ ସହଯୋଗରେ ଏହି ହସ୍ପିଟାଲ ନିର୍ମିତ ହୋଇଛି । ଏହି ହସ୍ପିଟାଲ ପାଇଁ ୨୦୧୫ ସେପ୍ଟେମ୍ବର ୦୩ରେ ମୁଖ୍ୟମନ୍ତ୍ରୀ ଓ ତତ୍କାଳୀନ କେନ୍ଦ୍ର କୋଇଲା ଓ ଖଣି ମନ୍ତ୍ରୀ ପିୟୂଷ ଗୋଏଲଙ୍କ ଉପସ୍ଥିତିରେ କେନ୍ଦ୍ରୀୟ ରାଷ୍ଟ୍ରାୟତ୍ତ ଉଦ୍ୟୋଗ ଏମସିଏଲ ଓ କୋଲ ଇଣ୍ଡିଆ ଦ୍ୱାରା ଭୂମିପୂଜନ ଓ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା । ସେତେବେଳେ ସେଠାରେ ଅବସ୍ଥିତ ପୁରୁଣା ହସ୍ପିଟାଲରେ ୧୦୦ ବେଡ୍ ଥିବାବେଳେ ଏମସିଏଲ ପକ୍ଷରୁ ୫୦୦ କୋଟି ଟଙ୍କା ଖର୍ଚ୍ଚ କରାଯାଇ ଏହାକୁ ୩୩୦ ବେଡ୍ ସଂଖ୍ୟା ପର୍ଯ୍ୟନ୍ତ ବଢାଯାଇଥିଲା ଏବଂ ଅନ୍ୟାନ୍ୟ ଭିତ୍ତିଭୂମିର ସୁବିଧା କରାଯାଇଥିଲା । ୨୦୧୯ ମାର୍ଚ୍ଚ ୫ରେ ମେଡ଼ିକାଲ କଲେଜର ନୂତନ ଭବନ ପ୍ରାୟ ୧୦ ଏକର ପରିମିତି ଜମିରେ ପ୍ରାୟ ୫୦୦ କୋଟି ଟଙ୍କା ବ୍ୟୟରେ ପ୍ରସ୍ତାବିତ ମହାନଦୀ ଇନଷ୍ଟିଚ୍ୟୁଟ୍ ଅଫ୍ ମେଡ଼ିକାଲ ସାଇନ୍ସ ଏଣ୍ଡ ରିସର୍ଚ୍ଚ(ମିମସାର)ର ଉଦଘାଟନ କରାଯାଇଥିଲା । ପରେ ଏମଏସିଏଲ ପକ୍ଷରୁ ମେଡିକାଲକୁ ଚଲାଇବା ପାଇଁ ୫ ବର୍ଷ ପର୍ଯ୍ୟନ୍ତ ଅତିରିକ୍ତ ପ୍ରାୟ ୬୨୮ କୋଟି ଟଙ୍କାର ଆର୍ଥିକ ସହାୟତା ଦେବା ପାଇଁ ରାଜ୍ୟ ସରକାରଙ୍କ ଯେଉଁ ଦାବି ଥିଲା, ତାକୁ ଏମସିଏଲ ଦ୍ୱାରା ମଧ୍ୟ ପୂରଣ କରାଯାଇଥିଲା। ଅର୍ଥାତ୍ ଭାରତ ସରକାର ତଥା ଏମସିଏଲ ପୁରୁଣା ମେଡିକାଲ କଲେଜର ଅପଗ୍ରେଡେସନ ପାଇଁ ୫୦୦ କୋଟି, ଲୋକାର୍ପିତ ନୂଆ ମେଡିକାଲ କଲେଜ ପାଇଁ ୫୦୦ କୋଟି ଓ ମେଡିକାଲକୁ ୫ ବର୍ଷ ପର୍ଯ୍ୟନ୍ତ ଚଲାଇବା ପାଇଁ ପ୍ରାୟ ୬୨୮ କୋଟି ଟଙ୍କା ଅର୍ଥାତ୍ ସର୍ବମୋଟ ୧୬୨୮ କୋଟିରୁ ଅଧିକ ଟଙ୍କା ଭାରତ ସରକାରଙ୍କ କୋଇଲା ମନ୍ତ୍ରଣାଳୟ ଖର୍ଚ୍ଚ କରିଛି ।
ନରେନ୍ଦ୍ର ମୋଦିଙ୍କ ସରକାର ପଞ୍ଚଦ୍ଦଶ ଅର୍ଥ କମିଶନରେ ସ୍ୱାସ୍ଥ୍ୟ ସୁବିଧା ସମ୍ପ୍ରସାରଣ ପାଇଁ ଓଡ଼ିଶାର ଗ୍ରାମୀଣ ସ୍ଵାସ୍ଥ୍ୟ ସୁବିଧା ପାଇଁ ପ୍ରାୟ ୧୮୮୨ କୋଟି ଟଙ୍କା, ଜାତୀୟ ସ୍ଵାସ୍ଥ୍ୟ ମିଶନରେ ଓଡ଼ିଶାକୁ ୫୦୦୯ କୋଟି ଟଙ୍କା, ଆୟୁଷ୍ମାନ ଭାରତ ଆରୋଗ୍ୟ ମନ୍ଦିର, ପ୍ରଧାନମନ୍ତ୍ରୀ ଜନ ଔଷଧି କେନ୍ଦ୍ର,ମିଶନ ଇନ୍ଦ୍ରଧନୁଷରେ ଆର୍ଥିକ ସୁବିଧା ଓ ସହଯୋଗ ଯୋଗାଇ ଦେଉଛନ୍ତି । ରାଜ୍ୟରେ ୭ଟି ମେଡିକାଲ କଲେଜର ସିଂହ ଭାଗ ପଇସା ମୋଦି ସରକାର ଦେଇଛନ୍ତି । ଏହାବ୍ୟତିତ ସୁନ୍ଦରଗଡରେ ଏନଟିପିସି ଦ୍ୱାରା ଓ ରାଉରକେଲାରେ ସେଲ୍ ଦ୍ୱାରା ସୁପର ହସ୍ପିଟାଲ ତଥା ମେଡିକାଲ କଲେଜ ହସ୍ପିଟାଲ ନିର୍ମାଣ କରି ଭାରତ ସରକାର ସ୍ୱାସ୍ଥ୍ୟସେବାରେ ବଡ ଭୂମିକା ନେଇଛନ୍ତି । କରୋନା ସମୟରେ ଏମସିଏଲ ଓଡ଼ିଶାର ତାଳଚେର, ଝାରସୁଗୁଡା, ଭୁବନେଶ୍ୱର ସମେତ ଅନେକ ସ୍ଥାରେ ୩୩୦ କୋଟି ଟଙ୍କା ଖର୍ଚ୍ଚ କରି ସ୍ୱାସ୍ଥ୍ୟ ସମସ୍ୟାକୁ ସୁଧାରିବାରେ ବଡ ଦାୟିତ୍ୱ ନେଇଥିଲା ।
କେନ୍ଦ୍ରମନ୍ତ୍ରୀ କହିଛନ୍ତି ଯେ ମୋଦି ସରକାରଙ୍କ ନୀତି ତଥା ସଂସ୍କାର କାରଣରୁ ଅନୁଗୋଳରେ କୋଇଲା ଉତ୍ପାଦନ ବଢିବା ସହ ଓଡ଼ିଶା ସମେତ ସମଗ୍ର ଭାରତବର୍ଷର ଅର୍ଥନୀତି ମଜଭୂତ୍ ହେଉଛି । ଖଣି ସମୃଦ୍ଧ ଅଞ୍ଚଳ ଅନୁଗୋଳ ଗତ ୯ ବର୍ଷରେ ଓଡ଼ିଶାକୁ ୬୦ ହଜାର କୋଟି ଟଙ୍କା ରାଜସ୍ୱ ଆକାରରେ ଦେଇଛି । ଜିଲ୍ଲାର ବିକାଶକୁ ତ୍ୱରାନ୍ୱିତ କରିବା ସହ ଜନସାଧାରଣଙ୍କୁ ଅଧିକରୁ ଅଧିକ ସୁବିଧା ଦେବା ପାଇଁ ଆମ ସମସ୍ତଙ୍କର ଦାୟିତ୍ୱ ରହିଛି । ମୋଦି ସରକାର ଡିଏମଏଫର ବ୍ୟବସ୍ଥା ଦେଇଛନ୍ତି । ଓଡ଼ିଶାକୁ ଜିଲ୍ଲା ଖଣିଜ ପାଣ୍ଠି ଦ୍ଵାରା ଏଯାବତ ମୋଟ ୨୩,୧୨୦ କୋଟି ଟଙ୍କାର ଅନୁଦାନ ମିଳିପାରିଛି । ଅନୁଗୁଳ ଜିଲ୍ଲା ପାଇଁ ଡିଏମଏଫରେ ଏଯାବତ ୨୫୦୦ କୋଟି ଟଙ୍କା ସଂଗ୍ରହ ହୋଇଛି । ଅନୁଗୋଳ ଜିଲ୍ଲାର ଲୋକଙ୍କ ପାଇଁ ପିଇବା ପାଣି, ସ୍ୱାସ୍ଥ୍ୟ ସୁବିଧା ସହ ପାଠପଢା ଓ ମୌଳିକ ସୁବିଧାର ବ୍ୟବସ୍ଥା କରିଛନ୍ତି ମୋଦି ସରକାର । ଆଗାମୀ ୨୫ ବର୍ଷରେ ବିକଶିତ ଭାରତ ପାଇଁ ମୋଦି କଳ୍ପନା କରିଛନ୍ତି । କଂଗ୍ରେସ ସରକାର ଶେଷ ୧୦ ବର୍ଷରେ ୩ ଲକ୍ଷ କୋଟି ଟଙ୍କାର ଦାୟିତ୍ୱ ନେଇଥିବା ବେଳେ ମୋଦି ସରକାର ଏବେ ସୁଦ୍ଧା ଓଡ଼ିଶା ପ୍ରତି ୧୮ ଲକ୍ଷ କୋଟି ଟଙ୍କାର ଦାୟିତ୍ୱ ନେଇଛନ୍ତି ବୋଲି କେନ୍ଦ୍ରମନ୍ତ୍ରୀ କହିଛନ୍ତି ।
ଏହି କାର୍ଯ୍ୟକ୍ରମରେ ଓଡ଼ିଶାର ମୁଖ୍ୟମନ୍ତ୍ରୀ, କେନ୍ଦ୍ର ସଂସଦୀୟ ବ୍ୟାପାର, କୋଇଲା ଓ ଖଣି ମନ୍ତ୍ରୀ ପ୍ରହ୍ଲାଦ ଯୋଶୀ ଏବଂ ଓଡ଼ିଶା ସରକାର ଓ କୋଇଲା ଓ ଖଣି ମନ୍ତ୍ରୀ ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ସାମିଲ ହୋଇଥିଲେ ।
ନୂଆଦିଲ୍ଲୀ: ସାହୁ ମଦ ସାମ୍ରାଜ୍ୟ ଟଙ୍କାରେ ଭାରତ ଯୋଡୋ ଯାତ୍ରା । ଝାଡ଼ଖଣ୍ଡର ସାହୁ ଫ୍ୟାମିଲି ସ୍କାମକୁ ନେଇ ୩ ରାଜ୍ୟ ଉଠୁଥିବା ପଡୁଥିବା ବେଳେ ରାହୁଲ ଗାନ୍ଧିଙ୍କ ଭାରତ ଯୋଡୋ ଯାତ୍ରାରେ ସାଂସଦ ଧୀରଜ ସାହୁଙ୍କ ଟଙ୍କା ଲାଗିଥିବା ନେଇ କହିଛନ୍ତି ବଜେପି ସାଂସଦ ନିଶିକାନ୍ତ ଦୂବେ। ରାହୁଲଙ୍କ ଭାରତ ଯୋଡୋ ଯାତ୍ରାରେ ସାହୁ ଆଣ୍ଡ କୋର ଜୋଡିହେବା କଂଗ୍ରେସର ଅସଲ ମୁଖା ଖୋଲିଛି ବୋଲି ପ୍ରତିକ୍ରିୟା ଦେଇଛନ୍ତି ବିଜେପି ନେତା।
ଓଡ଼ିଶା ସମେତ ଦେଶର 3 ରାଜ୍ୟରୁ ଜବତ ହୋଇଛି ବିପୁଳ ପରିମାଣର ନଗଦ ଟଙ୍କା । ବୁଧବାରଠାରୁ ଜାରି ରହିଛି ଚଢ଼ାଉ । ଆୟକର ଟିକସ ଫାଙ୍କିଥିବା ଅଭିଯୋଗରେ ଝାଡ଼ଖଣ୍ଡର କଂଗ୍ରେସ ରାଜ୍ୟସଭା ସାଂସଦ ଧୀରଜ ସାହୁଙ୍କ ମଦ ପ୍ରସ୍ତୁତି କାରଖାନା ଶିବଗଙ୍ଗା ଆଣ୍ଡ କୋର ବିଭିନ୍ନ ଶାଖା ଓ ସହଯୋଗୀ ସଂସ୍ଥାରେ ଚଢ଼ାଉ ପରେ ସାମ୍ନାକୁ ଆସିଛି ଚକିତ କରିବା ପରି ତଥ୍ୟ।
ଅଧିକ ପଢନ୍ତୁ ଭାରତ ଖବର