କୋରୋନା ସ୍ଥିତିକୁ ନେଇ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସଙ୍କ ପ୍ରେସମିଟ

ମୁମ୍ବାଇ:  କୋରୋନା ସ୍ଥିତିକୁ ନେଇ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସଙ୍କ ପ୍ରେସମିଟ ଅନୁଷ୍ଠିତ ହୋଇଯାଇଛି । ସଙ୍କଟ ସମୟରେ ଆରବିଆଇ ବଡ ଘୋଷଣା ଘୋଷଣା କରିଛି । ରେପୋ ରେଟକୁ ୦.୭୫ ପ୍ରତିଶତ ହ୍ରାସ କରାଯାଇଛି । କୋରୋନାକୁ ଦେଖି ଏହି ପଦକ୍ଷେପ ନିଆଯାଇଛି । ରିଭର୍ସ ରେପୋ ରେଟ ୦.୭୫ ବେସିକ ପଏଣ୍ଟ ହ୍ରାସ ହୋଇଛି । କରୋନା ଯୋଗୁଁ ଅର୍ଥବ୍ୟବସ୍ଥା ପ୍ରଭାବିତ ହୋଇପାରେ ବୋଲି ଆରବିଆଇ ଗର୍ଭର୍ଣ୍ଣର ଆାଙ୍କା କରିଛନ୍ତି । ଏହା ବ୍ୟତୀତ ଅର୍ଥବ୍ୟବସ୍ଥା ଉପରେ ସବୁବେଳେ ମାନ୍ଦାବସ୍ଥା ରହିନପାରେ । କୋରୋନା ଯୋଗୁଁ ପ୍ରଭାବିତ ହୋଇପାରେ ବିଶ୍ୱ ଅର୍ଥବ୍ୟବସ୍ଥା । ଲୋକଙ୍କ ପାଖରେ ଅର୍ଥ କମ ନ ହେବା ଉପରେ ବ୍ୟାଙ୍କ ଦୃଷ୍ଟିଦେଉ ବୋଲି ସେ ନିର୍ଦ୍ଦେଶ ଦେିଛନ୍ତି ।

ସାରା ବିଶ୍ୱରେ ଦେଖାଦେଇଥିବା କୋରୋନା ଭାଇରସ ମହାମାରୀ ଯୋଗୁଁ ଅର୍ଥନୀତି ବ୍ୟାପକ ଭାବେ କ୍ଷତିଗ୍ରସ୍ତ ହେବାର ଆଶଙ୍କା ଦେଖାଦେଇଛି । ଏହାକୁ ଦୃଷ୍ଟିରେ ରଖି ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ କେତେକ ଜରୁରୀ ପଦକ୍ଷେପ ଗ୍ରହଣ କରାଯାଇଛି । ରିଜର୍ଭ ବ୍ୟାଙ୍କ ପକ୍ଷରୁ ଆଜି ରପୋ ହାର, ଅର୍ଥାତ ଯେଉଁ ହାରରେ ବ୍ୟାଙ୍କମାନେ ରିଜର୍ଭ ବ୍ୟାଙ୍କଠାରୁ ଋଣ ନିଅନ୍ତି, ୭୫ ବେସିସ ପଏଣ୍ଟ ବା ୦.୭୫ ପ୍ରତିଶତ ହ୍ରାସ କରିଛନ୍ତି । ଏହା ଫଳରେ ରେପୋ ହାର ୪.୪ ପ୍ରତିଶତକୁ କମିଆସିଛି । ଏହା ଫଳରେ ବ୍ୟଙ୍କମାନେ ନିଜର ଋଣ ସୁଧହାର ହ୍ରାସ କରିବା ସମ୍ଭାବନା ରହିଛି ।

ଏସବୁ ଘୋଷଣା କରି ରିଜର୍ଭ ବ୍ୟାଙ୍କ ଗଭର୍ଣର ଶକ୍ତିକାନ୍ତ ଦାସ କହିଛନ୍ତି ଯେ କୋରୋନା ଭାଇରସ ମହାମାରୀ ଯୋଗୁଁ ସମଗ୍ର ବିଶ୍ୱର ଅର୍ଥନୀତି ପ୍ରଭାବିତ ହେବ । ରିଜର୍ଭ ବ୍ୟାଙ୍କ ଏହି ସ୍ଥିତି ଉପରେ ନଜର ରଖିଛି ।