ନୂଆଦିଲ୍ଲୀ: ଦେଶର କୋରୋନା ସଂକ୍ରମଣ ସ୍ଥତି ନେଇ କେନ୍ଦ୍ର ସ୍ୱାସ୍ଥ୍ୟ ଏବଂ ଗୃହ ମନ୍ତ୍ରଲୟ ର ପ୍ରେସମିଟରେ ଦେଶରେ ବର୍ତ୍ତମାନ ସମୁଦାୟ covid 19 ସଂକ୍ରମଣଙ୍କ ସଂଖ୍ୟା 35,043 ରେ ପଂହଚିଛି ବୋଲି କୁହାଯାଇଛି। ସକ୍ରିୟ ଚିକିତ୍ସା ହେଉଥିବା ଲୋକଙ୍କ ସଂଖ୍ୟା 25,007 ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି। ସେହିପରି ଗତ 24 ଘଣ୍ଟା ମଧ୍ୟରେ 1,993 ନୂତନ ସଂକ୍ରମଣ ମାମଲା ଆସିଥିବା ବେଳେ 67 ଜଣଙ୍କର ମୃତ୍ୟୁ ହୋଇଛି।
24 ଘଣ୍ଟା ମଧ୍ୟରେ 564 ଜଣ ସଂକ୍ରମଣରୁ ଭଲ ହୋଇଛନ୍ତି। ତେବେ ଦେଶରେ ମୋଟ 8,888 ଜଣ ସଂକ୍ରମଣରୁ ପୁନରୁଦ୍ଧାର ବା ଭଲ ହୋଇଛନ୍ତି ବୋଲି ସ୍ୱାସ୍ଥ୍ୟ ମନ୍ତ୍ରାଳୟ ର ଯୁଗ୍ମ ସଚିବ ଲଭ ଅଗ୍ରୱାଲ ସୂଚନା ଦେଇଛନ୍ତି। ଦେଶରେ ପୁନରୁଦ୍ଧର ହାର 25.37% କୁ ବୃଦ୍ଧି ହୋଇଛି ବୋଲି ସେ କହିଛନ୍ତି।
ରାଜ୍ୟ ଏବଂ ଜିଲ୍ଲା ପ୍ରଶାସନ ଲାଲ ଏବଂ କମଳା ଜୋନ୍ ଜିଲ୍ଲା ଉପରେ ଅଧିକ ଧ୍ୟାନ ଦେବେ। ସଂକ୍ରମଣର ଶୃଙ୍ଖଳା ଭାଙ୍ଗିବା ସହ ଲକଡାଉନ୍ ସଠିକ ଭବେ ପାଳନ କରିବେ ବୋଲି କୁହାଯାଇଛି। ବର୍ତ୍ତମାନ ଆମକୁ ଅଧିକ ଯତ୍ନ , ସତର୍କ, ସଚେତନ ରହିବା ଆବଶ୍ୟକ | COVID19 ସଂକ୍ରମଣ ଜୋନରେ , ସମସ୍ତ ସରକାରୀ ନିର୍ଦ୍ଦେଶାବଳୀ ଅନୁସରଣ କରିବାକୁ ପଡିବ ବୋଲି ସେ କହିଛନ୍ତି।
ଲକଡାଉନ୍ ପଦକ୍ଷେପ ଉପରେ ସଂଶୋଧିତ ନିର୍ଦ୍ଦେଶାବଳୀ ଅନୁଯାୟୀ, ଖାଲି ଟ୍ରକ୍ ଏବଂ ସାମଗ୍ରୀ ପରିବହନକାରୀଙ୍କ ଟ୍ରାଫିକ୍ ମାଧ୍ୟମରେ କୌଣସି ଅଲଗା ପାସ୍ ଆବଶ୍ୟକ ନାହିଁ।
COVID19 ବିରୋଧରେ ଲଢେଇରେ ଆମର କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। କେନ୍ଦ୍ରୀୟ ଫୋର୍ସ ଅଧୀନରେ ଥିବା ଡାକ୍ତରଖାନା ଗୁଡ଼ିକରେ ଶଯ୍ୟା ବ୍ୟବସ୍ଥା, ମାସ୍କ ଏବଂ ପିପିଏ ବଣ୍ଟନ ତଥା ଜନସଚେତନତା ସୃଷ୍ଟି କରିବାରେ ପ୍ରମୁଖ ଭୂମିକା ଗ୍ରହଣ କରୁଛନ୍ତି। ଆସାମ ରାଇଫଲ ଠାରୁ ଆରମ୍ଭ କରି ସୀମା ସଶସ୍ତ୍ର ବଳ, NDRF , CRPF , ITBP ର ସମସ୍ତେ ସେନା ଏହି କାର୍ଯ୍ୟରେ ଲିପ୍ତ ରହିଛନ୍ତି।
ସେହିପରି କେନ୍ଦ୍ର ଗୃହ ମନ୍ତ୍ରାଳୟ ଛାତ୍ର, ପ୍ରବାସୀ ଶ୍ରମିକ, ପର୍ଯ୍ୟଟକ, ତୀର୍ଥଯାତ୍ରୀ ଇତ୍ୟାଦିଙ୍କ ଗତିବିଧି ପାଇଁ ସ୍ୱତନ୍ତ୍ର ଟ୍ରେନ ବ୍ୟବସ୍ଥା କୁ ଅନୁମତି ଦେଇଛନ୍ତି। ଏ ନେଇ ଏକେ ଗାଇଡଲାଇନ୍ ଜାରି କରାଯାଇଛି। ଉଭୟ ରେଲୱେ ବୋର୍ଡ ଓ ସଂପୃକ୍ତ ରାଜ୍ୟ ମିଳିତ ଭାବେ ଏହି କାର୍ଯ୍ୟ କରିବେ। ତେବେ ଯାତ୍ରା ସମୟରେ ଯାତ୍ରୀଙ୍କ ସ୍ୱାସ୍ଥ୍ୟ ସୁରକ୍ଷା ସ୍ପଷ୍ଟ ହେବା ଜରୁରୀ ବୋଲି କୁହାଯାଇଛି।
ଏହା ସହ ରେଳ ପ୍ଲାଟ ଫର୍ମ , ଷ୍ଟେସନ ଏବଂ ଟ୍ରେନ ମଧ୍ୟରେ ସମାଜିକ ଦୂରତାକୁ ମଧ୍ୟ ଧ୍ୟାନ ଦେବକୁ କୁହାଯାଇଛି। ନିଜ ନିଜ ରାଜ୍ୟରେ ଯାତ୍ରୀ ମାନେ ପଂହଁଚିବା ପରେ ସେମାନଙ୍କୁ କ୍ୱାରେଣ୍ଟାଇନ୍ ରେ ରଖିବାକୁ କୁହାଯାଇଛି।
ଟିକେଟ କାଟିବା ପାଇଁ ରେଳ ମନ୍ତ୍ରାଳୟ ପକ୍ଷରୁ ମଧ୍ୟ ଗାଇଡଲାଇନ୍ ଜାରି କରାଯାଇଛି ବୋଲି କେନ୍ଦ୍ର ଗୃହ ମନ୍ତ୍ରାଳୟ ଯୁଗ୍ମ ସଚିବ ପୂଣ୍ୟ ସଲୀଳା ଶ୍ରୀ ବାସ୍ତବ କହିଛନ୍ତି। ସେହିପରି ଦେଶରେ 75,000 ଭେଣ୍ଟିଲେଟର ମୋଟ ଚାହିଦା ରହିଥିବା ବେଳେ 20,000 ଉପଲବ୍ଧ କରାଯାଇଛି। ଏବଂ 60,000 ରୁ ଅଧିକ ପାଇଁ ଅତିରିକ୍ତ ଅର୍ଡର ଦିଆଯାଇଛି ବୋଲି କୁହାଯାଇଛି।
ଅର୍ଗସ ବ୍ୟୁରୋ : ଇଣ୍ଟର କଣ୍ଟିନେଣ୍ଟାଲ କପ 2023। ବିଜୟ ସହ ଅଭିଯାନ ଆରମ୍ଭ କରିଲା ଆୟୋଜକ ଭାରତ। ଭୁବନେଶ୍ଵର କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ଗତକାଲିର ମ୍ୟାଚରେ ମଙ୍ଗୋଲିଆକୁ 2-0 ଗୋଲରେ ହରାଇଛି ଭାରତ। ମ୍ୟାଚର ଆରମ୍ଭରୁ ଭାରତ ଦମଦାର ପ୍ରଦର୍ଶନ କରିବା ସହ ମାତ୍ର ଦୁଇ ମିନିଟରେ ଗୋଲ ସ୍କୋର କରିଥିଲା। ସାହାଲ ଅବଦୁଲ ସମଦ ମ୍ୟାଚର 2 ମିନିଟରେ ପ୍ରଥମ ଗୋଲ ଦେଇ ଭାରତକୁ 1-0 ଗୋଲରେ ଅଗ୍ରଣୀ ଲାଭ କରାଇଥିଲେ।
ସେହିପରି ମ୍ୟାଚର 15 ମିନିଟରେ ଲାଲିନଜୁଲା ଛାଣ୍ଟେ ଗୋଲ ସ୍କୋର କରିବା ସହ ଭାରତକୁ 2-0 ରେ ଅଗ୍ରଣୀ ହାସଲ କରାଇଥିଲେ। ମ୍ୟାଚର ଦ୍ଵିତୀୟ ହାଲ୍ଫରେ ମଙ୍ଗୋଲିଆ ଦଳ ଦମଦାର ପ୍ରଦର୍ଶନ କରିବା ସହ ଭାରତକୁ ଆଉ ଅଧିକ ଗୋଲ ଦେବାକୁ ରୋକିଥିଲା। ଦ୍ଵିତୀୟ ହାଲ୍ଫରେ ଭାରତୀୟ ଖେଳାଳିଙ୍କୁ ଏକାଧିକ ସୁଯୋଗ ମିଳିଥିଲେ ମଧ୍ୟ ଗୋଲ ସ୍କୋର କରିବାରେ ସଫଳ ହୋଇନଥିଲେ। ପରବର୍ତୀ ମ୍ୟାଚରେ ଜୁନ 12 ତାରିଖରେ ଭାନୁଆଟୁକୁ ଭେଟିବ ଭାରତ।
ଅଧିକ ପଢନ୍ତୁ ଖେଳ ଖବର
ଅର୍ଗସ ବ୍ୟୁରୋ : ଭାରତ-ଅଷ୍ଟ୍ରେଲିଆ WTC ଫାଇନାଲ୍ । ୨୯୬ ରନରେ ଅଷ୍ଟ୍ରେଲିଆ ଆଗୁଆ । ତୃତୀୟ ଦିନରେ ୨୯୬ ରନ୍ରେ ଭାରତ ଅଲ୍ ଆଉଟ୍ । ସମ୍ମାନ ରଖିଲେ ରାହାଣେ-ଶାର୍ଦୁଳ । ଆଜି ଚତୁର୍ଥ ଦିନରେ ଭାରତକୁ ଚ୍ୟାଲେଞ୍ଜ । ତୃତୀୟ ଦିନର ଖେଳ ସରିଥିବା ବେଳେ ଭାରତ ବ୍ୟାକଫୁଟ୍ରେ ରହିଛି। ତୃତୀୟ ଦିନର ଷ୍ଟମ୍ପ ଅପସାରଣ ସୁଦ୍ଧା ଅଷ୍ଟ୍ରେଲିଆ ୪ ଓ୍ଵିକେଟ୍ ହରାଇ ୧୨୩ ରନ କରିଛି।
ଏଥିସହ କଙ୍ଗାରୁ ଦଳ ପ୍ରଥମ ଇନିଂସ ଅଗ୍ରଣୀ ଭିତ୍ତିରେ ୨୯୬ ରନ ଆଗରେ ରହିଛି। କ୍ରିଜରେ ମାର୍ନସ ଲାବୁସେନ ୪୧ ଏବଂ କ୍ୟାମେରୁନ ଗ୍ରୀନ ୭ ରନ କରି ଅପରାଜିତ ଅଛନ୍ତି। ଏହା ପୂର୍ବରୁ ଭାରତ ପ୍ରଥମ ଇନିଂସରେ ୨୯୬ ରନରେ ଅଲଆଉଟ୍ ହୋଇଥିବା ବେଳେ ଅଷ୍ଟ୍ରେଲିଆ ପ୍ରଥମ ଇନିଂସରେ ୪୬୯ ରନ କରିଥିଲା।
ଅଧିକ ପଢନ୍ତୁ ଖେଳ ଖବର
ଅର୍ଗସ ବ୍ୟୁରୋ: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ଼୍ଡ ଟ୍ରମ୍ପଙ୍କ ଉପରେ ଆଉ ଏକ ଆପରାଧିକ ମାମଲା ରୁଜୁ କରାଯାଇଛି । 2021 ମସିହାରେ ରାଷ୍ଟ୍ରପତି ନିର୍ବାଚନରେ ପରାଜିତ ହେବା ପରେ କ୍ଲାସିଫାଏଡ ଡକ୍ୟୁମେଣ୍ଟ ଘରକୁ ନେଇ ଯିବା ଅଭିଯୋଗରେ ତାଙ୍କ ବିରୋଧରେ ମାମଲା ରୁଜୁ କରାଯାଇଛି । ତାଙ୍କ ବିରାଧରେ ସାତୋଟି ଅଭିଯୋଗ କରାଯାଇଛି । ଆଗାମୀ 13 ତାରିଖ ତିନ ମିଆମୀର ଫେଡେରାଲ କୋର୍ଟରେ ତାଙ୍କୁ ଅପରାହ୍ନ 3ଟାରେ ହାଜର ହେବାକୁ କୁହାଯାଇଛି ।
ଏହା ପୂର୍ବରୁ ମଧ୍ୟ ଟ୍ରମ୍ପଙ୍କ ବିରୋଧରେ ଏକ ପର୍ନ ଷ୍ଟାରଙ୍କୁ ଅର୍ଥ ଦେଇ ଚୁପ କରାଇବା ମାମଲାରେ କ୍ରିମିନାଲ କେସ ରୁଜୁ ହୋଇଥିଲା । ଏହି ମାମଲାରେ ତାଙ୍କ ବିରୋଧରେ 34 ଟି ଅଭିଯୋଗ ଲଗାଯାଇଥିଲା । ହେଲେ ଏବେ ଫେଡେରାଲ କୋର୍ଟ ବର୍ତ୍ତମାନ ସୁଦ୍ଧା ସ୍ପଷ୍ଟ କରି ନାହାନ୍ତି ଯେ ଟ୍ରମ୍ପଙ୍କ ଉପରେ କେଉଁ କେଉଁ ଅଭିଯୋଗ ନିର୍ଦ୍ଧାରିତ କରାଯାଇଛି।
ଅନ୍ୟ ପକ୍ଷରେ କ୍ଲାସିଫାଏଡ ଡକ୍ୟୁମେଣ୍ଟ ଗୁଡିକୁ ଘରକୁ ନେଇ ଯିବା ଅଭିଯୋଗକୁ ଟ୍ରମ୍ପ ଭିତ୍ତିହୀନ ବୋଲି କହିଛନ୍ତି । ଟ୍ରମ୍ପଙ୍କ ଓକିଲ ଜିମ ଟ୍ରଷ୍ଟି ଏ ସମ୍ପର୍କରେ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ଯେ ପୂର୍ବତନ ଆମେରିକୀୟ ରାଷ୍ଟ୍ରପତିଙ୍କ ବିରୁଦ୍ଧରେ ଗୁଇନ୍ଦା ଆକ୍ଟ ଅନୁଯାୟୀ ଅଭିଯୋଗ ଅଣାଯାଇଛି । ଏହା ବାଦ ତାଙ୍କ ବିରୋଧରେ ଷଡଯନ୍ତ୍ର କରିବା, ମିଥ୍ୟା ବକ୍ତବ୍ୟ ପ୍ରଦାନ କରିବା, ନ୍ୟାୟରେ ବାଧା ସୃଷ୍ଟି କରିବା, ରେକର୍ଡକୁ ଡିଷ୍ଟଟ୍ରାକ କରିବା ଓ ମିଥ୍ୟା ଡକ୍ୟୁମେଣ୍ଟ ତିଆରି କରିବା ଆଦି ଅଭିଯୋଗ ମଧ୍ୟ ଅଣା ଯାଇଛି ।
ଏହା ପୂର୍ବରୁ ବୁଧବାର ଟ୍ରମ୍ପଙ୍କ ଓକିଲଙ୍କୁ ସୂଚନା ଦିଆଯାଇଥିଲା ଯେ ସେ ସିକ୍ରେଟ ଫାଇଲ ଗୁଡିକୁ ଘରକୁ ନେଇ ଯିବା ମାମଲାରେ ସେ ଯାଞ୍ଚର କେନ୍ଦ୍ର ବିନ୍ଦୁରେ ଅଛନ୍ତି । କିଛି ଦିନ ପୂର୍ବରୁ ଟ୍ରମ୍ପଙ୍କ ଓକିଲ ମାନେ କେସ ବିଷୟରେ ଆଲୋଚନା କରିବାକୁ ଜଷ୍ଟିସ ଡିପାର୍ଟମେଣ୍ଟର ଅଧିକାରୀ ମାନଙ୍କୁ ଭେଟିଥିଲେ ।
ତେବେ ଏହି ମାମଲାରେ ପ୍ରଥମ ଥର ପାଇଁ ଟ୍ରମ୍ପ ନିଜର ପ୍ରତିକ୍ରିୟା ଦେଇଛନ୍ତି । ସେ ନିଜର ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥରେ କହିଛନ୍ତି ଯେ ମୁଁ ନିର୍ଦୋଷ। ମୋ ବିରୁଦ୍ଧରେ ମାମଲା ରୁଜୁ ହେବା ନେଇ ସୂଚନା ମୋତେ ଜଷ୍ଟିସ ଡିପାର୍ଟମେଣ୍ଟରୁ ମିଳିଲା । ବାଉଡେନଙ୍କ ଦୁର୍ନୀତିଗ୍ରସ୍ତ ସରକାର ମୋ ଓକିଲ ମାନଙ୍କୁ ଏ ସମ୍ପର୍କରେ ସୂଚନା ଦେଇଛନ୍ତି ।
ଏଠାରେ ଉଲ୍ଲେଖ କରାଯାଇ ପାରେ ଯେ 2021 ମସିହାରେ ରାଷ୍ଟ୍ରପତି ନିର୍ବାଚନରେ ଟ୍ରମ୍ପ ନିର୍ବାଚନ ହାରି ଯାଇଥିଲେ । ତାଙ୍କ ବିରୁଦ୍ଧରେ ଅଭିଯୋଗ ଅଣାଯାଇଥିଲା ଯେ ହ୍ୱାଇଟ ହାଉସରୁ ଅନେକ କ୍ଲାସିଫାଏଡ ଡକ୍ୟୁମେଣ୍ଟକୁ ସେ ଫ୍ଲୋରିଡା ସ୍ଥିତ ତାଙ୍କର ଘରକୁ ସେ ନେଇଯାଇଥିଲେ ।
ଅଧିକ ପଢ଼ନ୍ତୁ ବିଦେଶ ଖବର
