ମୁମ୍ବଇ: ଆଜିଠାରୁ ସିବିଆଇ ସୁଶାନ୍ତ ସିଂ ମାମଲାରେ ତଦନ୍ତ ଆରମ୍ଭ କରିଛି। ସର୍ଵ ପ୍ରଥମେ ସିବିଆଇ ଟିମ ମୁମ୍ବାଇ ପୋଲିସ ହାତରୁ କେଶ ନିଜ ହାତକୁ ହସ୍ତାନ୍ତର ପ୍ରକ୍ରିୟା ଆରମ୍ଭ କରିଛି। ସିବିଆଇ ଟିମ୍ ବାନ୍ଦ୍ରା ପୋଲିସ ଷ୍ଟେସନ ରେ ପଂହଁଚି ଆଲୋଚନା କରିବା ସହ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଏବଂ ଦସ୍ତାବିଜ ଗ୍ରହଣ କରିଛି। ସିବିଆଇ ଅଧିକାରୀମାନେ ବାନ୍ଦ୍ରା ପୋଲିସ SHO ଏବଂ IO କୁ ଭେଟିଛନ୍ତି | ମୁମ୍ବାଇ ପୋଲିସ ଏପର୍ଯ୍ୟନ୍ତ ନେଇଥିବା 56 ଜଣଙ୍କ ବିବୃତ୍ତି ବା ପ୍ରତିକ୍ରିୟା ହସ୍ତାନ୍ତର କରିଛି। ଦୁଇ ମାସ ମଧ୍ୟରେ ପୋଲିସ ବଲିଉଡ ଶିଳ୍ପ ଏବଂ କେଶ ସହ ସଂପର୍କ ଥିବା 56 ଜଣ ଲୋକଙ୍କ ବିବୃତ୍ତି ରେକର୍ଡ କରିଛି।
ଏହା ବ୍ୟତୀତ ଫରେନସିକ୍ ରିପୋର୍ଟ, ଘଟଣାର ପଞ୍ଚନାମା ରିପୋର୍ଟ, ଶବ ବ୍ୟବଚ୍ଛେଦ ରିପୋର୍ଟ, ସୁଶାନ୍ତଙ୍କ ତିନୋଟି ମୋବାଇଲ୍ ଫୋନ୍, ଲାପଟପ୍, ମୃତ ବେଳେ ପିନ୍ଧିଥିବା ପୋଷାକ ମଧ୍ୟ ହସ୍ତାନ୍ତର କରିଥିବା ସୂଚନା ମିଳିଛି। ମୋବାଇଲର CDR ବିଶ୍ଳେଷଣ, ବାନ୍ଦ୍ରା ପୋଲିସର କେସ୍ ଡାଏରୀ, କମ୍ବଳ, ବେଡସିଟ୍ ଯାହା ସୁଶାନ୍ତଙ୍କ କୋଠରୀରେ ଜବତ ହୋଇ ଥିଲା, କପଡା ଯେଉଁଥିରେ ସେ ଫାଶୀ ଦେଇଥିଲେ, କୁର୍ତ୍ତା, ମୁଗ୍-ପ୍ଲେଟ୍ ଯେଉଁଥିରେ ଫଳ ରସ ପିଇଥିଲା, ସିସିଟିଭିର DVR ପରି ସମସ୍ତ ଜିନିଷ ସିବିଆଇକୁ ମୁମ୍ବାଇ ପୋଲିସ ହସ୍ତାନ୍ତର କରିଛି।
ଅର୍ଗସ ବ୍ୟୁରୋ : ବାହାନଗା ହାଇସ୍କୁଲ ପରିସରର କୁଢ କୁଢ ଶବ। ପଲିଥିନ୍ ଆଉ ଧଳା କାନାର ଆବରଣ ଶୋଇଛନ୍ତି ନିର୍ଜିବ ମଣିଷ। ସମସ୍ତେ ଅପରିଚିତ, ସମସ୍ତେ ନିଥର। କିନ୍ତୁ ଏଇ ଶବ ଗଦା ଭିତରେ ଗୋଟାଏ ହାତ ଥରୁଥିଲା। କହୁଥିଲା, ମୋତେ ଏ ବିବତ୍ସ ପରିବେଶ ଭିତରୁ ମୁକ୍ତି ଦିଏ। ମୃତ ମୁଁ ନୁହେଁ, ମୁଁ ଜୀବିତ। ଦେଖିଲା ଲୋକେ ଚମକି ପଡିବା ସ୍ବଭାବିକ୍। କିନ୍ତୁ ଶବ ଗଦା ଭିତରୁ ଏହି ହାତ ହିଁ କହିଥିଲା, ମୁଁ ବିଶ୍ବଜିତ୍ ଆଜି ମୃତ୍ୟୁଞ୍ଜୟି ହୋଇଛି। ମୃତ୍ୟୁର ପଞ୍ଝାରୁ ମୁକୁଳି ଆସିଛି।
ଦର୍ଶକବନ୍ଧୁ ଆପଣ ଏ ଅବତାରଣା ଶୁଣିବା ପରେ ଭାବୁଥିବେ, ଆମ ସତ କହୁଛୁ ନା ଗପ କହୁଛୁ। ନା...ଆଜ୍ଞା ଏହା ଗପ ନୁହେଁ। ବାହାନଗା ଟ୍ରେନ ଟ୍ରାଜିଡିର ଗୋଟେ ଚମକାଇଲା ଭଳି ଖବର। ମରଣ ମୁହଁରୁ ବଞ୍ଚି ଯାଇଥିବା ଏ ବ୍ୟକ୍ତି ଜଣକ ହେଉଛନ୍ତି ପଞ୍ଚିମବଙ୍ଗର ୨୪ ବର୍ଷିୟ ବିଶ୍ବଜିତ ମଲ୍ଲିକ।
ଜୁନ ୨ ତାରିଖରେ ସାଲିମାର ଷ୍ଟେଶନରେ କରୋମଣ୍ଡଳ ଏକ୍ସପ୍ରେସରେ ଚଢିଥିଲେ ହେଳାରାମ ମଲ୍ଲିକଙ୍କ ପୁଅ ବିଶ୍ବଜିତ୍। ହେଲେ ଗନ୍ତବ୍ୟସ୍ଥଳରେ ପହଞ୍ଚିବା ଆଗରୁ ଟ୍ରେନ ଦୁର୍ଘଟଣାଗ୍ରସ୍ତ ହେଲା। ଖବର ପାଇଁ ହେଳାରାମ ଆଉ ହେଳା ନ କରି ଧାଇଁ ଆସିଲେ ବାଲେଶ୍ବର। ତାଙ୍କ ପୁଅ ବଞ୍ଚିବ ଏଇ ଆଶାରେ ସେ ଆମ୍ବୁଲାନ୍ସ ନେଇ ଦୀର୍ଘ ୨୩୦ କିମି ପଥ ଅତିକ୍ରମ କଲେ। ବାହାନଗାରେ ପହଞ୍ଚି ଛାତିକୁ ପଥର କରି ଗୋଟି ଗୋଟି ମୃତଦେହ ତନଖି କଲେ।
ମିରାକଲ ହେଲା। ଚମକିପଡିଲେ ହେଳାରାମ। ଶବ ଗଦା ଭିତରେ ତାଙ୍କ ପୁଅ ବଞ୍ଚିଥିଲା। ବାପାର ବିଶ୍ବାସ ରହିଗଲା। ତୁରକ୍ତ ତାଙ୍କୁ ବାଲେଶ୍ବର ଡାକ୍ତରଖାନାକୁ ଅଣାଗଲେ। ଚିକିତ୍ସା ପରେ ବିଶ୍ବଜିତ ଏବେ ସୁସ୍ଥ ଅଛନ୍ତି ବୋଲି ସୂଚନା ମିଳିଛି। ଯିଏ ଦେଖୁଛି ସିଏ କହୁଛି, ଯାହାକୁ ରଖିବେ ଅନନ୍ତ କି କରି ପାରେ ବଳବନ୍ତ।
ଅଧିକ ପଢ଼ନ୍ତୁ ଓଡ଼ିଶା ଖବର
