ସେନା ଉପରେ କୋରୋନା ପ୍ରଭାବ, 3 ସେନାର ଅସ୍ତ୍ରଡିଲ ରୋକିବକୁ ନିଷ୍ପତ୍ତି

by Rasmita Pradhan

ନୂଆଦିଲ୍ଲୀ : ଦେଶରେ କରୋନା ସଙ୍କଟ ମଧ୍ୟରେ ଏହାର ମୁକାବିଲା ପାଇଁ ଦେଶବ୍ୟାପି ଲକଡାଉନ କଟକଣା ଜାରି କରାଯାଇଛି। ଏଥିପାଇଁ ଦେଶର ଅର୍ଥବ୍ୟବସ୍ଥା ଉପରେ ଏହାର ଗଭୀର ପ୍ରଭାବ ପଡ଼ିଛି। ପର୍ଯ୍ୟଟନ ଉଦ୍ୟୋଗ ଠାରୁ ଆରମ୍ଭ କରି ଶିଳ୍ପ ବିଭାଗ ପର୍ଯ୍ୟନ୍ତ ସବୁଠି କୋରୋନା ପ୍ରଭାବ। ତେବେ ଏଥିରୁ ବାଦ୍ ପଡ଼ିନି ଦେଶର ପ୍ରତିରକ୍ଷା ମନ୍ତ୍ରାଳୟ। କୋରୋନା ସ୍ଥିତିକୁ ଦୃଷ୍ଟିରେ ରଖି ବର୍ତମାନ ସମସ୍ତ ପ୍ରତିରକ୍ଷା କାରବାର ବନ୍ଦ ରଖିବାକୁ ମନ୍ତ୍ରାଳୟ ପକ୍ଷରୁ ନିଷ୍ପତ୍ତି ନିଆଯାଇଛି। କୋଭିଡ-19 କାରଣରୁ ବଜେଟ୍ ହ୍ରାସ ହୋଇଛି, ତେଣୁ ଏପରି ନିଷ୍ପତ୍ତି ନିଆଯାଇଛି ବୋଲି ମନ୍ତ୍ରାଳୟ କହିଛି।

ସୂଚନା ଅନୁସାରେ, କୋଭିଡ -19 ପରିସ୍ଥିତି ଯେତେଦିନ ପର୍ଯ୍ୟନ୍ତ ରହିବ ସେଯାଏଁ ସ୍ଥଳ ସେନା, ନୌସେନା ଏବଂ ବାୟୁସେନା ସେମାନଙ୍କ ପୁଞ୍ଜି ଅଧିଗ୍ରହଣ ପ୍ରକ୍ରିୟା (ପ୍ରତିରକ୍ଷା କାରବାର) ବନ୍ଦ ରଖିବେ। ସେନା ବର୍ତ୍ତମାନ ନିଜର ଆଧୁନିକୀକରଣ ପାଇଁ ଅନେକ ପ୍ରତିରକ୍ଷା କାରବାର କରୁଛନ୍ତି, ଯାହା ବିଭିନ୍ନ ପର୍ଯ୍ୟାୟରେ ଜାରି ରହିଛି | ଭାରତୀୟ ବାୟୁସେନା ଫ୍ରାନ୍ସରୁ 36 ରାଇଫଲ ଯୁଦ୍ଧ ବିମାନ ଏବଂ ଋଷିଆରୁ S-400 ବାୟୁ ପ୍ରତିରକ୍ଷା ଅସ୍ତ୍ର ପ୍ରଣାଳୀ ପାଇଁ ଦେୟ ଦେବା ପ୍ରକ୍ରିୟାରେ ଅଛି। ଏବେ ସେନା ଆମେରିକା ଏବଂ ଋଷିଆ ସମେତ ବିଭିନ୍ନ ଦେଶରୁ ଟ୍ୟାଙ୍କ, ଆର୍ଟିଲିରି ବନ୍ଧୁକ ଏବଂ ଆକ୍ରମଣକାରୀ ରାଇଫଲ ମଧ୍ୟ ଆଣିବା ପାଇଁ ଯୋଜନାରେ ରହିଛି।

ସେହିପରି ନୌସେନା ମଧ୍ୟ ଆମେରିକାର 2 ଟି ମଲ୍ଟିରୋଲ ହେଲିକପ୍ଟର ପାଇଁ ଏକ ଚୁକ୍ତିନାମା ସ୍ୱାକ୍ଷର କରିଛି। କିନ୍ତୁ କିଛି ଦିନ ଏହି ପ୍ରକ୍ରିୟା ବନ୍ଦ ରହିବ। ଏହାର ଅର୍ଥ ନୁହେଁ ଯେ ଡିଲ୍ ବାତିଲ ହୋଇଛି, ବରଂ ଡିଲର ପରବର୍ତ୍ତୀ ପ୍ରକ୍ରିୟା ବନ୍ଦ ହୋଇଯାଇଛି। ପରିସ୍ଥିତି ସ୍ୱାଭାବିକ ହେବା ପରେ ଡିଲକୁ ଆଗକୁ ନିଆଯିବ। କୋରୋନା ସଙ୍କଟ ଯୋଗୁଁ କେନ୍ଦ୍ର ସରକାର ସମସ୍ତ ସାଂସଦଙ୍କ ଦରମା 30 ପ୍ରତିଶତ ହ୍ରାସ କରିଛନ୍ତି। ଏହା ସହ ସାଂସଦ ପାଣ୍ଠିକୁ ଦୁଇ ବର୍ଷ ଧରି ଅଟକାଇ ଦିଆଯାଇଛି। କେନ୍ଦ୍ର ସହିତ ଅନେକ ରାଜ୍ୟ ସରକାର ମଧ୍ୟ ଆର୍ଥିକ ସଙ୍କଟକୁ ଦୃଷ୍ଟିରେ ରଖି ଅନେକ କଠୋର ନିଷ୍ପତ୍ତି ନେଇଛନ୍ତି।

ଆଜି ମହାପ୍ରଭୁଙ୍କ ପାର୍ଶ୍ବ ପରିବର୍ତ୍ତନ ଏକାଦଶୀ ନୀତି

by Manini Pattanayak

Today, the ekadashi Niti of Lord parswa paribartan will be held in the temple.

ପୁରୀ: ଆଜି ଶ୍ରୀମନ୍ଦିରରେ ମହାପ୍ରଭୁଙ୍କ ପାର୍ଶ୍ବ ପରିବର୍ତ୍ତନ ଏକାଦଶୀ ନୀତି ଅନୁଷ୍ଠିତ ହେବ । ଏଥିପାଇଁ ଆଜି ସକାଳୁ ମହାପ୍ରଭୁଙ୍କ ସ୍ବତନ୍ତ୍ର ନୀତି ଆରମ୍ଭ ହୋଇଛି । ସକାଳ ଧୂପ ଓ ଭୋଗମଣ୍ଡପ ପରେ ଶ୍ରୀବିଗ୍ରହଙ୍କୁ ମହାସ୍ନାନ କରାଯାଇ ନୂଆଲୁଗା ଓ ଚନ୍ଦନ ଲାଗି କରାଯିବ ।

ସନ୍ଧ୍ୟା ଆଳତୀ ପରେ ଏକାଦଶୀ ବେଢାକୁ ମଦନମୋହନ ବିଜେ କରିବା ପରେ ବେଢା ପରିକ୍ରମା କରି ଅନ୍ୟାନ୍ୟ ନୀତି କାନ୍ତି ବଢିବ । ଆସନ୍ତାକାଲି ଶ୍ରୀମନ୍ଦିରରେ ବାମନ ଜନ୍ମ ନୀତି ସହ ଶ୍ରୀନହରରେ ଗଜପତି ମହାରାଜଙ୍କ ସୁନିଆ ଉତ୍ସବ ପାଳନ କରାଯିବ ।

ଅଧିକ ପଢନ୍ତୁ ଓଡ଼ିଶା ଖବର

ବିଜେପି ପକ୍ଷରୁ ଆୟୋଜିତ ମେଗା ରକ୍ତଦାନ ଶିବିରରେ ଯୋଗ ଦେଲେ ଧର୍ମେନ୍ଦ୍ର

by Manini Pattanayak

Dharmendra participated in the mega blood donation camp organized by the BJP

ଅନୁଗୁଳ: ଅନୁଗୁଳରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଛେଣ୍ଡିପଦା ପରଙ୍ଗ ପଞ୍ଚାୟତ କାର୍ଯ୍ୟାଳୟରେ ବିଜେପି ପକ୍ଷରୁ ଆୟୋଜିତ ମେଗା ରକ୍ତଦାନ ଶିବିରରେ ଯୋଗ ଦେଇଛନ୍ତି । ମୋଦି ସରକାରଙ୍କ ସେବାପକ୍ଷ ପାଳନ ଅବସରରେ ଏହି କାର୍ଯ୍ୟକ୍ରମ ଆୟୋଜିତ ହୋଇଛି । ଏହାପରେ ସହିଦ ବିକା ନାୟକଙ୍କ ଜନ୍ମମାଟି ତାଳଚେର ଚନ୍ଦ୍ରବିଲ ଗାଁକୁ ଯାଇ `ମୋ ଦେଶ ମୋ ମାଟି' କାର୍ଯ୍ୟକ୍ରମରେ ସାମିଲ ହେବେ କେନ୍ଦ୍ରମନ୍ତ୍ରୀ ।

ମାଟି ସଂଗ୍ରହ କରି ସହିଦ ପରିବାରଙ୍କୁ ସମ୍ମାନିତ କରିବେ ଓ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ । ଏହାଛଡା ବୃକ୍ଷ ରୋପଣ କାର୍ଯ୍ୟକ୍ରମରେ ମଧ୍ୟ ଯୋଗ ଦେବା ସହ ଛାତ୍ରଛାତ୍ରୀଙ୍କୁ ଶପଥ ପାଠ କରାଇବେ ଧର୍ମେନ୍ଦ୍ର ପ୍ରଧାନ।

ଅଧିକ ପଢନ୍ତୁ ଓଡ଼ିଶା ଖବର

ଆଜି ହାଇକୋର୍ଟରେ ରତ୍ନଭଣ୍ଡାର ସମ୍ପର୍କିତ ମାମଲାର ହେବ ଶୁଣାଣୀ

by Manini Pattanayak

The case related to Ratnabhandara will be heard in the High Court today

ଭୁବନେଶ୍ୱର: ଆଜି ହାଇକୋର୍ଟରେ ରତ୍ନଭଣ୍ଡାର ସମ୍ପର୍କିତ ମାମଲାର ହେବ ଶୁଣାଣୀ। ରତ୍ନଭଣ୍ଡାର ଖୋଲି ରତ୍ନ ଅଳଙ୍କାର ହିସାବ କରିବାକୁ ଦାବି କରି ରାଜ୍ୟ ବିଜେପିର ପୂର୍ବତନ ସଭାପତି ସମୀର ମହାନ୍ତିଙ୍କ ପକ୍ଷରୁ ଦାଖଲ ଜନସ୍ବାର୍ଥ ମାମଲା ଉପରେ ହେବ ଶୁଣାଣୀ।

ମୁଖ୍ୟ ବିଚାରପତି ଜଷ୍ଟିସ ଶୁଭାଶିଷ ତାଳପତ୍ର ଓ ଜଷ୍ଟିସ ସାବିତ୍ରୀ ରଥଙ୍କୁ ନେଇ ଗଠିତ ଖଣ୍ଡପୀଠରେ ହେବ ଶୁଣାଣୀ। ଆବେଦନକାରୀଙ୍କ ପକ୍ଷରୁ ବରିଷ୍ଠ ଆଇନଜୀବୀ ପିତାମ୍ବର ଆଚାର୍ଯ୍ୟ ମାମଲା ପରିଚାଳନା କରୁଛନ୍ତି।