ଅର୍ଗସ ବ୍ୟୁରୋ: ମହିଳା ସଂରକ୍ଷଣ ବିଲ ଉଭୟ ଗୃହରେ ପାସ୍ ହୋଇଛି । ମୋଦି ସରକାର ଆଣିଥିବା ଏହି ବିଲକୁ ବିରୋଧୀ ଦଳ ମଧ୍ୟ ସମର୍ଥନ ଜଣାଇଛନ୍ତି । ଯାହାକୁ ନେଇ ପ୍ରେସମିଟ୍ କରି ସବୁ ଦଳକୁ ଧନ୍ୟବାଦ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଦେଶରେ ମହିଳା ଅଧିକାର ସବୁବେଳେ ଆହ୍ବାନ ରହି ଆସିଥିବାବେଳେ ମୋଦି ସରକାରରେ ଏହାର କ୍ରିୟାନ୍ବୟନ ସମ୍ଭବ ହୋଇପାରିଛି ।
ମୋଦିଙ୍କ ଶାସନରେ ମହିଳାଙ୍କ ଅଧିକାର ଆହୁରି ବିସ୍ତୃତ ହୋଇଛି । ମହିଳାଙ୍କୁ ମାଗଣା ବିଜୁଳି ହେଉ, ଅବା ମହିଳାଙ୍କୁ ମାଗଣା ରାସନ, ମ୍ୟାଟରନିଟି ଲିଭର ପିରିୟଡ଼ ବୃଦ୍ଧି ସହ ଦେଶର ପ୍ରତିରକ୍ଷା କ୍ଷେତ୍ରରେ ମହିଳାଙ୍କ ବଳିଷ୍ଠ ଅବଦାନରେ ବୃଦ୍ଧି ସମ୍ଭବ ହୋଇଛି । ଯାହା ମୋଦି ସରକାରରେ ମହିଳାଙ୍କ ଅଧିକାରକୁ ଗୁରୁତ୍ବର ସବୁଠୁ ବଳିଷ୍ଠ ଉଦାହରଣ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ।
ଏହା ଛଡ଼ା ସଂସଦର ଉଭୟ ସଦନରେ ମହିଳା ସଂରକ୍ଷଣ ବିଲ୍ ନାରୀ ଶକ୍ତି ବନ୍ଦନ ବିଧେୟକ ସର୍ବସମ୍ମତିରେ ପାସ୍ ହେବା ଦେଶର ଗଣତନ୍ତ୍ରରେ ମହିଳାଙ୍କ ଭାଗିଦାରୀ ବୃଦ୍ଧି କରିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।
ଆହୁରି ପଢନ୍ତୁ ଭାରତ ଖବର...