କୋଲକାତା ପୋଲିସ ହେଡକ୍ୱାଟରରେ ଏକ ଉଚ୍ଚ ସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି । ଏହି ବୈଠକରେ କୋଲକାତା ପୋଲିସର ବହୁ କର୍ମଚାରୀ ଏବଂ ବେଙ୍ଗଲ କ୍ରିକେଟ ଆସୋସିଏସନର ମୁଖ୍ୟ ଅଭିଷେକ ଡାଲମିୟା ପ୍ରମୁଖ ଉପସ୍ଥିତ ଥିଲେ । ଏହାପରେ ଏହି ଅଧିକାରୀମାନେ ମଧ୍ୟ ଇଡେନ ଗାର୍ଡେନକୁ ପରିଦର୍ଶନ କରିଛନ୍ତି ।
ବର୍ତ୍ତମାନ ପରିସ୍ଥିତିରେ ପୋଲିସକୁ ସାହାଯ୍ୟ କରିବା ନିହାତି ଦରକାର । ଏହାକୁ ଦୃଷ୍ଟିରେ ରଖି ଇଡେନ ଗାର୍ଡେନର ଇ, ଏଫ, ଜି, ଏଚ ଏବଂ ଜେ ବ୍ଲକକୁ ପୋଲିସ ଅଧିକାରୀମାନଙ୍କୁ କ୍ୱାରେଣ୍ଟାଇନ ସେଣ୍ଟର ଭାବେ ବ୍ୟବହାର କରିବାକୁ ଦିଆଯାଇଛି ବୋଲି ବେଙ୍ଗଲ କ୍ରିକେଟ ଆସୋସିଏସନର ମୁଖ୍ୟ ଅଭିଷେକ ଡାଲମିୟା କହିଛନ୍ତି । ଏହାସହ ପଡିଆରେ କାର୍ଯ୍ୟ କରୁଥିବା ଗ୍ରାଉଣ୍ଡ ଷ୍ଟାଫ ମାନଙ୍କୁ ବି, ସି, କେ, ଏବଂ ଏଲ ବ୍ଲକ ପରି ସୁରକ୍ଷିତ ସ୍ଥାନକୁ ସ୍ତାନାନ୍ତର କରାଯାଇଛି ।
