କେନ୍ଦ୍ର ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ଗତ 24 ଘଣ୍ଟା ମଧ୍ୟରେ ଦେଶରେ ମୋଟ 24 ହଜାର 879 ଟି ନୂଆ ସଂକ୍ରମଣ ଦେଖାଦେଇଛି। ଯାହା ମୋଟ ସଂକ୍ରମଣ ମାମଲାକୁ ସାତ ଲକ୍ଷ 67 ହଜାର 296 କୁ ବୃଦ୍ଧି କରିଛି । ସେହିପରି ଗତ 24 ଘଣ୍ଟା ମଧ୍ୟରେ ଦେଶରେ 487 ଜଣଙ୍କର ମୃତ୍ୟୁ ଘଟି ମୃତ୍ୟୁ ସଂଖ୍ୟା 21,129 ରେ ପହଞ୍ଚିଛି। ବର୍ତ୍ତମାନ ଦେଶରେ ମୋଟ ସକ୍ରିୟ କରୋନା ମାମଲା ଦୁଇ ଲକ୍ଷ 69 ହଜାର 789 ଅଟେ।
ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ, ଆଇସିଏମ୍ଆର ପକ୍ଷରୁ କୁହାଯାଇଛି ଯେ ଦେଶର ବିଭିନ୍ନ ଲାବୋରେଟୋରୀ ଦ୍ୱାରା 24 ଘଣ୍ଟା ରେ ସମୁଦାୟ ଦୁଇ ଲକ୍ଷ 67 ହଜାର 61 ଟି କରୋନା ସଂକ୍ରମଣ ନମୁନା ପରୀକ୍ଷା କରାଯାଇଥିଲା। ମହାମାରୀ ଆରମ୍ଭ ହେବାର ଗୋଟିଏ ଦିନରେ ଦେଶର ଲାବୋରେଟୋରୀ ଦ୍ୱାରା ଏହା ସର୍ବାଧିକ ସଂଖ୍ୟକ ପରୀକ୍ଷା ଅଟେ। ଏ ପର୍ଯ୍ୟନ୍ତ ଏକ କୋଟି ସାତ ଲକ୍ଷ 40 ହଜାର 832 ଟି ନମୁନା ପରୀକ୍ଷା କରାଯାଇଛି।
ଆଇସିଏମଆର ସରକାରୀ ଏବଂ ବେସରକାରୀ ଲାବୋରେଟୋରୀକୁ ଅନୁମୋଦନ ଦେଇ Covid-19 ପାଇଁ ଏହାର ପରୀକ୍ଷଣ ସୁବିଧାକୁ କ୍ରମାଗତ ଭାବରେ ବୃଦ୍ଧି କରୁଛି | ବର୍ତ୍ତମାନ ସୁଦ୍ଧା, ସମଗ୍ର ଭାରତରେ ଏକ ହଜାର ଏକ ଶହ 32 ଲାବୋରେଟୋରୀକୁ କୋଭିଡ୍ -19 ପରୀକ୍ଷା କରିବାକୁ ଅନୁମତି ଦିଆଯାଇଛି ଯେଉଁଥିରେ 805 ସରକାରୀ ଲାବୋରେଟୋରୀ ଏବଂ 327 ଘରୋଇ ଲାବୋରେଟୋରୀ ଅନ୍ତର୍ଭୁକ୍ତ |
