ନୂଆଦିଲ୍ଲୀ: ଜଣେ ଶ୍ରମିକ ଖାତାକୁ ଆସିଲା ୨୦୦ କୋଟି ଟଙ୍କା । ଏତେ ଟଙ୍କା ନିଜ ଆକାଉଣ୍ଟରେ ଦେଖି ପୁରା ଆଶ୍ଚର୍ଯ୍ୟ ପରିବାର । କେଉଁଠୁ ଆସିଲାଏତେ ଟଙ୍କା ? କିଏ ପଠାଇଲା ଏହା ବିଷୟରେ କିଛି ଜାଣନ୍ତି ନାହିଁ ପରିବାର ଲୋକେ। କୁହାଯାଉଛି ଯେ, ବିକ୍ରମ ଏକ କନ୍ଷ୍ଟ୍ରକସନ୍ କମ୍ପାନୀରେ ଶ୍ରମିକ ଭାବେ କାମ କରୁଥିଲେ । ପାଖାପାଖି ୧୭ ଦିନ କାମ କରିବା ପରେ ତାଙ୍କୁ ଚାକିରୀରୁ ବାହାର କରିଦିଆଯାଇଥିଲା। କାମ କରୁଥିବାବେଳେ କମ୍ପାନୀ ତରଫରୁ ବିକ୍ରମର ୟସ୍ ବ୍ୟାଙ୍କରେ ଏକ ଆକାଉଣ୍ଟ ଖୋଲି ଦିଆଯାଇଥିଲା। ଯେତିକି ଦିନ କାମ କରିଥିଲେ ତାର ପଇସା ପାଇନଥିଲେ କିନ୍ତୁ ବିକ୍ରମଙ୍କର ଉକ୍ତ ବ୍ୟାଙ୍କ ଆକାଉଣ୍ଟକୁ ଆସିଛି ୨୦୦ କୋଟି ଟଙ୍କା। ଏତେଗୁଡି ଟଙ୍କା କେବେ ସ୍ୱପ୍ନରେ ଭାବିନଥିବା ବିକ୍ରମଙ୍କ ପରିବାର ଏହା ଦେଖି ପୁରା ଆଶ୍ଚର୍ଯ୍ୟ । ତାଙ୍କ ପରିବାରଙ୍କ କହିବାନୁଯାୟୀ, କିଏ ଜଣେ ବଡ ଠକାମି କରିଛି। ଏହକୁ ଦୃଷ୍ଟିରେ ରଖି ବିକ୍ରମର ପରିବାର ଲୋକେ ପୋଲିସ୍ କୁ ନିଜର ସୁରକ୍ଷା ନେଇ ଚିନ୍ତା ପ୍ରକଟ କରିଛନ୍ତି।
ଆକାଉଣ୍ଟରେ ୨୦୦ କୋଟି ଆସିବା ଘଟଣା ସମ୍ପର୍କରେ ବିକ୍ରମ ପିଏମ , ସିଏମ , ଡିଜିପିଙ୍କୁ ଟୁଇଟ୍ ମାଧ୍ୟମରେ ଅବଗତ କରାଇଛନ୍ତି। ଏ ସମ୍ପର୍କରେ ବିକ୍ରମ ପୋଲିସ୍ ରେ ମଧ୍ୟ ଜଣାଇଛନ୍ତି। ଏହାପରେ ଦାଦରି ଜିଲ୍ଲା ର ବେରଲା ଗାଁରେ ପହଞ୍ଚିଛି ପୋଲିସ୍। ୟୁପି ପୋଲିସ୍ ବିକ୍ରମର ଘରେ ପହଞ୍ଚି ପଚରା ଉଚରା କରିଥିଲା । ପରେ ଉକ୍ତ ଆକାଉଣ୍ଟକୁ ପୋଲିସ୍ ଫ୍ରୀଜ୍ କରିଦେଇଥିଲା। ବିକ୍ରମଙ୍କ ଖାତାକୁ କୋଟି କୋଟି ଟଙ୍କା ଆସିବା ଖବର ଏବେ ପୁରା ଗାଁରେ ଚର୍ଚ୍ଚାର ବିଷୟ ପାଲଟିଥିବା ବେଳେ ସମସ୍ତେ ଆଶ୍ଚର୍ଯ୍ୟ ଆଉ ଚକିତ।
ଅଧିକ ଦେଖନ୍ତୁ :
ଅର୍ଗସ ବ୍ୟୁରୋ : ଚେନ୍ନାଇରେ ତାଣ୍ଡବ ରଚୁଛି ବାତ୍ୟା ମିଗଜୋମ୍ର । ବିଭିନ୍ନ ସ୍ଥାନରେ ପ୍ରବଳ ବର୍ଷା ସହ ପବନ ମଧ୍ୟ ଲାଗିରହିଛି । ଫଳରେ ଉବୁଟୁବୁ ହେଉଛି ଚେନ୍ନାଇ । ପ୍ରବଳ ବର୍ଷା ଯୋଗୁ ଅନେକ ସ୍ଥାନରେ ଜଳାର୍ଣ୍ଣବ ପରିସ୍ଥିତି ସୃଷ୍ଟି ହୋଇଛି ।
ଅଧିକ ପଢନ୍ତୁ : ଆରମ୍ଭ ହୋଇଗଲାଣି ତୁହାକୁ ତୁହା ବର୍ଷା, ଭାଙ୍ଗିଲାଣି ବଡ ବଡ ଗଛ
ଚେନ୍ନାଇର ଇଷ୍ଟକୋଷ୍ଟ ରୋଡ୍ରେ ପ୍ରବଳ ବର୍ଷା ଯୋଗୁ ନିର୍ମାଣାଧୀନ ୫ ଜଣଙ୍କ ମୃତ୍ୟୁ ହୋଇଥିବା ଜଣା ଯାଇଛି । ସ୍କୁଲ, କଲେଜ ସମେତ ସମସ୍ତ ଶିକ୍ଷାନୁଷ୍ଠାନ, ବ୍ୟାଙ୍କଠାରୁ ଆରମ୍ଭ କରି ଅଫିସ୍ ସବୁ ବନ୍ଦ ଘୋଷଣା କରାଯାଇଛି
