ଦ୍ୱିତୀୟ ପର୍ଯ୍ୟାୟରେ ମତଦାନରେ ପଶ୍ଚିମବଙ୍ଗର ସବୁଠାରୁ ଚର୍ଚ୍ଚିତ ଆସନ ନନ୍ଦିଗ୍ରାମ ଉପରେ ସମଗ୍ର ଦେଶର ନଜର ରହିଛି । ଟିଏମସି ସୁପ୍ରିମୋ ମମତା ବାନାର୍ଜୀ ଏବଂ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀଙ୍କ ମଧ୍ୟରେ ଲଢେଇ ହେଉଛି ।
ବେଙ୍ଗଲର 30 ବିଧାନସଭା ଆସନରେ 171 ଜଣ ପ୍ରାର୍ଥୀ ମୈଦାନରେ ଅଛନ୍ତି । ଆଜି 4ଟି ଜିଲ୍ଲାର 30ଟି ଆସନରେ ମତଦାନ ଚାଲିଛି । ଯେଉଁଥିରେ ପୂର୍ବ ମେଦିନାପୁର, ପଶ୍ଚିମ ମେଦିନାପୁରର 9 ଲେଖାଏଁ, ବାଙ୍କୁରାର 8, ଏବଂ 24 ପରଗଣାର 4ଟି ଆସନରେ ଭୋଟିଂ ହେଉଛି ।
ସେପଟେ ଆସାମରେ ବି ଦ୍ୱିତୀୟ ପର୍ଯ୍ୟାୟ ଭୋଟିଂ ଆରମ୍ଭ ହୋଇଛି । 39ଟି ଆସନରେ 345 ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଭୋଟର । ବୁଥ ମାନଙ୍କରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
