5g high speed internet

ହାଇସ୍ପିଡ ଚାଲିବ ଇଣ୍ଟରନେଟ୍

by Jitendra Dash

ଅର୍ଗସ ବ୍ୟୁରୋ : ଉନ୍ନତ ଟେଲି ସେବା ପାଇଁ ୫ମ ପିଢ଼ିର ବୈଷୟିକ କୌଶଳ ଆପଣେଇବାକୁ ଯାଉଛି ଭାରତ । ଏଥିପାଇଁ ଆଜି ହୋଇଛି ୫ଜି ସ୍ପେକ୍ଟ୍ରମ ନିଲାମର ପ୍ରଥମ ରାଉଣ୍ଡ୍ । ଦୂର ସଞ୍ଚାର ବିଭାଗ ପ୍ରି-କ୍ୱାଲିଫାଏଡ୍ ବିଡର୍ସଙ୍କ ତାଲିକା ଜାରି କରିଛି । ନିଲାମରେ ଭାଗ ନେଇଛନ୍ତି ରିଲାଏନ୍ସ ଜିଓ, ଭାରତୀ ଏୟାରଟେଲ୍, ଭୋଡାଫୋନ୍ ଆଇଡିଆ ଓ ଆଦାନୀ ଗ୍ରୁପ୍ । ନିଲାମ ପାଇଁ ରିଲାଏନ୍ସ ଜିଓ ୧୪ହଜାର କୋଟି ଟଙ୍କା ଜମା କରିଛି । ଭାରତୀ ଏୟାରଟେଲ ୫ହଜାର ୫୦୦ କୋଟି ଟଙ୍କା ଓ ଭୋଡାଫୋନ୍ ଆଇଡିଆ ୨ହଜାର ୨୦୦ କୋଟି ଟଙ୍କା ଜମା କରିଛି ।

ତେବେ ନୂଆ କରି ଟେଲିକମ୍ କ୍ଷେତ୍ରରେ ପ୍ରବେଶ କରିଛି ଆଦାନୀ ଗ୍ରୁପ୍ । ଆଦାନୀ ଗ୍ରୁପର ଟେଲିକମ କମ୍ପାନୀ ଆଦାନୀ ଡାଟା ନେଟୱର୍କ ୧୦୦ କୋଟି ଟଙ୍କା ଜମା କରିଛି । କେନ୍ଦ୍ର ସରକାର ମୋଟ ୪ ଦଶମିକ ୩ଲକ୍ଷ କୋଟି ଟଙ୍କାର ୭୨ ଗିଗାହର୍ଜ ସ୍ପେକ୍ଟ୍ରମର ନିଲାମ କରିବ । ନିଲାମରୁ ସରକାରଙ୍କୁ ୮୦ହଜାରରୁ ୧ଲକ୍ଷ କୋଟି ଟଙ୍କା ରାଜସ୍ୱ ମିଳିବ । ବିଡ୍ ହାସଲ କରିଥିବା କମ୍ପାନୀକୁ ୨୦ ବର୍ଷ ଯାଏ ୫ଜି ସ୍ପେକ୍ଟ୍ରମ ଆବଣ୍ଟନ କରାଯିବ । ଆଦାନୀ ଗ୍ରୁପ ସ୍ପେକ୍ଟ୍ରମ କିଣିବାରେ ସଫଳ ହେଲେ ୫ଜିରେ ପ୍ରତିଦ୍ୱନ୍ଦ୍ୱିତା ବଢ଼ିବ । ଭାରତୀ ଏୟାରଟେଲର ସୁନୀଲ ମିତଲ ମଧ୍ୟ ଦୌଡ଼ରେ ଅଛନ୍ତି ।