ଅର୍ଗସ ବ୍ୟୁରୋ : ବାଜା ବାଜିଲା ବାଣ ବି ଫୁଟିଲା । ତା ସହ ରୋଷଣୀ ବି ହେଲା । ବରଯାତ୍ରୀ ଶୋଭାଯାତ୍ରାରେ ଆସି ବେଦିରେ ବସିଲେ ପ୍ରଭୁ ଶ୍ରୀକୃଷ୍ଣ। ଆଉ ବିବାହ କଲେ ରକ୍ଷା ନାମକ ମହିଳାଙ୍କୁ । ଉତ୍ତରପ୍ରଦେଶର ଔରୟା ଜିଲ୍ଲାରେ ଜଣେ ୩୦ ବର୍ଷୀୟ ମହିଳା କୃଷ୍ଣଙ୍କୁ ବିବାହ କରିଛନ୍ତି । ସେ ଛୋଟବେଳୁ କୃଷ୍ଣଙ୍କୁ ଭଲପାଆନ୍ତି ଏବଂ ପୂଜା କରନ୍ତି । ସେଥିପାଇଁ ସେ କୃଷ୍ଣଙ୍କୁ ବିବାହ କରିବାକୁ ଚାହିଁଥିଲେ । ତାଙ୍କର ଏପରି ନିଷ୍ପତ୍ତିରେ ସମ୍ମତି ଜଣାଇଥିଲେ ତାଙ୍କ ବାପା ରଞ୍ଜିତ ସିଂ ସୋଲାଙ୍କି । ଗତ ରବିବାର ଦିନ ହୋଇଥିଲା ବିବାହ ଉତ୍ସବର ଆୟୋଜନ ।
ଅଧିକ ପଢନ୍ତୁ : ଗଣ୍ଡିବେଡ଼ରେ ୧୫ତମ ରାଧାକୃଷ୍ଣ ମିଳନ ଉତ୍ସବ
ଅତିଥିମାନଙ୍କ ପାଇଁ ଖାଦ୍ୟପେୟର ବ୍ୟବସ୍ଥା କରାଯିବା ସହ ବେଶ ଧୁମଧାମରେ ହୋଇଥିଲା ବିବାହ । ବିବାହ ପରେ କୃଷ୍ଣଙ୍କୁ ଧରି ଘରେ ପହଞ୍ଚିଥିଲେ ମହିଳା । ସୂଚନା ମୁତାବକ ରକ୍ଷା ସ୍ନାତକୋତ୍ତର ଶିକ୍ଷା ପରେ ଏଲଏଲବି କରୁଛନ୍ତି । ତେବେ ଏନେଇ ସେ ପରିବାରକୁ ଗତବର୍ଷ ଜୁଲାଇରେ ଜଣାଇଥିଲେ ।
