ଅର୍ଗସ ବ୍ୟୁରୋ : ନିଜ ହାତରେ ଡ୍ରେନ ସଫା କରୁଛନ୍ତି ଏହି ମହିଳା ପୋଲିସ ଅଫିସର. ଥରେ ନଜର ପକାନ୍ତୁ ଏ ଭିଡିଓରେ...ଆଣ୍ଠୁଏ ପାଣିରେ ପଶି ଡ୍ରେନରୁ ଅଳିଆ ସଫା କରୁଛନ୍ତି ପୋଲିସ ଅଫିସର. ଏ ଦୃଶ୍ୟ ହେଉଛି ହାଇଦ୍ରାବାଦର ସାଉଥ ୱେଷ୍ଟ ଜୋନ ଫ୍ଲାଏ ଓଭରର. ଏଠାରେ ପ୍ରବଳ ଲଗାଣ ବର୍ଷାରେ ପାଣି ଜମା ହୋଇ ରହିଥିବା ବେଳେ ଡ୍ରେନରେ ଲାଗିଥିବା ଅଳିଆକୁ ନିଜେ ପାଣିରେ ପଶି ସଫା କରୁଛନ୍ତି ଏସିପି ଧନଲକ୍ଷ୍ମୀ . ଏ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି.
ପୋଲିସ ଆମ ଜୀବନରେ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥାନ୍ତି. ଲୋକଙ୍କୁ ସୁରକ୍ଷା ଦେବାର ଦାୟିତ୍ବଗ୍ରହଣ କରିଥାନ୍ତି ପୋଲିସ . ଅନେକ କିଛି କାର୍ଯ୍ୟକ୍ରମରେ ପୋଲିସମାନେ ସୁରକ୍ଷା ଦେବାପାଇଁ ମାଇଲ ମାଇଲ ଦୂରତା ଅତିକ୍ରମ କରିଥାନ୍ତି. ଅନେକ ବିପଦ ବ୍ୟାଘାତର ସାମ୍ନା କରନ୍ତି ପୋଲିସ ଅଫିସର. ସେହିପରି ଜଣେ ପୋଲିସ ଅଫିସରଙ୍କ ଉଦାହରଣ ଏହି ଭିଡିଓରେ ଦେଖିବାକୁ ମିଳିଛି.
ଡ୍ରେନରେ ଆବର୍ଜନା ଲାଗି ରହିଥିବାରୁ ଏଠାରେ ପ୍ରବଳ ବର୍ଷା ହୋଇ ରାସ୍ତା ଉପରେ ବନ୍ୟା ପରିସ୍ଥିତି ସୃଷ୍ଟି କରିଥିଲା. ସେଥିପାଇଁ ଏହାକୁ ନିଜେ ବର୍ଷାରେ ଯାଇ ଆଣ୍ଠୁଏ ପାଣିରେ ପଶି ଡ୍ରେନ ସଫା କରିଥିଲେ ମହିଳା ପୋଲିସ ଅଫିସର. ଏହି ଭିଡିଓ ହାଇଦ୍ରାବାଦ ଟ୍ରାଫିକ ପୋଲିସ ଦ୍ବାରା ଟ୍ବିଟରରେ ଶେୟାର କରାଯାଇଛି.
କିଛି ଜଣ ଏହାକୁ ଖୁବ ପ୍ରଶଂସା କରିଥିବାବେଳେ ଆଉ କିଛିଜଣ କହିଛନ୍ତି, ଏ ବିଷୟରେ ପୂର୍ବରୁ ସଚେତନ ହେବାରେ ଥିଲା.
ଅର୍ଗସ ବ୍ୟୁରୋ : ଭୂମିକମ୍ପରେ ଥରିଲା ମେଘାଳୟ । ଆଜି ସନ୍ଧ୍ୟା ପ୍ରାୟ ୬.୧୫ରେ ଅନୁଭୂତ ହୋଇଥିବା ଏହି ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୫.୨ ରହିଛି । ଭୂମିକମ୍ପ ଯୋଗୁଁ, ମେଘାଳୟ, ଆସାମ ସହ ତ୍ରିପୁରା ଏବଂ ପଶ୍ଚିମବଙ୍ଗରେ ମଧ୍ୟ ତୀବ୍ର ଭୂମିକମ୍ପ ଝଟକା ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୫.୨ ରେକର୍ଡ ହୋଇଛି।
ଅଧିକ ପଢନ୍ତୁ ଭାରତ ଖବର
ସଂସ୍ଥା କହିଛି ଯେ ଭୂପୃଷ୍ଠରୁ ୧୦ କିମି ଗଭୀରରରେ ଏହା ସୃଷ୍ଟି ହୋଇଥିଲା । ମେଘାଳୟରେ ସବୁଠାରୁ ଅଧିକ ତୀବ୍ରତାର ଝଟକା ଅନୁଭବ ହୋଇଛି । ଏହାବାଦ ପଶ୍ଚିମବଙ୍ଗ ଓ ଆସାମର କିଛି ସ୍ଥାନରେ ମଧ୍ୟ ଲୋକମାନେ ଝଟକା ଅନୁଭବ କରିଛନ୍ତି । ହଠାତ୍ ଭୂମିକମ୍ପ ଫଳରେ ଲୋକେ ଆତଙ୍କିତ ହୋଇପଡ଼ିଛନ୍ତି। ବର୍ତ୍ତମାନ ସୁଦ୍ଧା କୌଣସି ଧନ-ଜୀବନ କ୍ଷତି ନେଇ ସୂଚନା ମିଳିନାହିଁ।
ଅର୍ଗସ ବ୍ୟୁରୋ : ରାଜସ୍ଥାନର ଚିତ୍ତୋରଗଡ଼ରେ ବିଶାଳ ରାଲି କରିଛନ୍ତି ପିଏମ ମୋଦି। ଏହି ଅବସରରେ ସାନୱାଲିଆ ସେଠ୍ ମନ୍ଦିର ଯାଇ ଦର୍ଶନ କରିବା ସହ ଚିତ୍ତୋରଗଡରେ ପ୍ରାୟ 7 ହଜାର କୋଟି ଟଙ୍କା ମୂଲ୍ୟର ବିଭିନ୍ନ ବିକାଶମୂଳକ ପ୍ରକଳ୍ପର ଶିଳାନ୍ୟାସ କରିଛନ୍ତି। ସେଠାରେ ଆୟୋଜିତ ବିଶାଳ ଜନସଭାକୁ ସମ୍ବୋଧନ କରିବା ସମୟରେ ପ୍ରଧାନମନ୍ତ୍ରୀ ରାଜସ୍ଥାନର ବିପର୍ଯ୍ୟସ୍ତ ଆଇନ ଶୃଙ୍ଖଳା ପରିସ୍ଥିତିକୁ ନେଇ ଚିନ୍ତା ପ୍ରକଟ କରିଛନ୍ତି ।
ଅଧିକ ପଢନ୍ତୁ ଭାରତ ଖବର
କଂଗ୍ରେସ ସରକାରରେ ରାଜସ୍ଥାନ ଅପରାଧ ତାଲିକାଲେ ଶୀର୍ଷରେ ରହିବା ଏକ ଲଜ୍ଜାଜନକ ବୋଲି କହିଛନ୍ତି ମୋଦି । ଅପାରଗ ସରକାରକୁ ଟାର୍ଗେଟ୍ କରି କହିଛନ୍ତି ପାଞ୍ଚ ବର୍ଷ ଧରି ରାଜସ୍ଥାନକୁ କେବଳ ଲୁଟିଛି କଂଗ୍ରେସ ସରକାର। ଏବେ ଗେହଲଟ ସରକାର ବିଦାୟ ନେବାର କାଉଣ୍ଟଡାଉନ୍ ଆରମ୍ଭ ହୋଇସାରିଛି। ବିଜେପିକୁ କ୍ଷମତାକୁ ଆଣିବାକୁ ରାଜସ୍ଥାନବାସୀ ମନ ବଳାଇସାରିଛନ୍ତି। ବିଜେପି କ୍ଷମତାକୁ ଆସିଲେ ଭ୍ରଷ୍ଟାଚାରୀଙ୍କୁ ମାଫ୍ କରାଯିବ ନାହିଁ। ପେପର ଲିକ୍ ମାଫିଆଙ୍କୁ ପାତାଳରୁ ବି ଖୋଜି ବାହାର କରି ଦଣ୍ଡ ଦିଆଯିବ।
