ତେବେ ଏହାକୁ ବିରୋଧ କରି ଇସଲାମିକ୍ ଆଜାଦ ବିଶ୍ବବିଦ୍ୟାଳୟର ହତା ଭିତରେ ଜଣେ ଛାତ୍ରୀ ନିଜର ପୋଷାକ ଖୋଲି ବୁଲିବାକୁ ଲାଗିଥିଲେ । ଯାହାକୁ ଅନେକ ଜଣ ବାରଣ କରିବା ସ୍ତ୍ବେ ମଧ୍ୟ ସେ ଶୁଣିନଥିଲେ । ପରେ ବିଶେଷ ସୂତ୍ରରୁ ଜଣା ପଡିଥିଲା ଯେ ସେହି ମହିଳା ଜଣକ ମାନସିକ ବିକୃତ ଅଟନ୍ତି । ସେହି ମହିଳାଙ୍କୁ ଏକ ମେଣ୍ଟାଲ ହସ୍ପିଟାଲରେ ଆଡମିଟ କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଥିଲା ।
ତେବେ ଇରାନରେ ହିଜାବ ପିନ୍ଧିବାକୁ ନେଇ ବିରୋଧ କରୁଥିବା ମହିଳାଙ୍କ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ଯାହାର ଆରମ୍ଭ ସେପ୍ଟେମ୍ବର ୨୦୨୨ରେ ଆରମ୍ଭ ହୋଇଥିଲା । ୨୦୨୨ ଡିସେମ୍ବରରେ ହିଜାବ ନିୟମ ଇଲଂଘନ ଯୋଗୁଁ ପୋଲିସ ଦ୍ବାରା ଗିରଫ ଜଣେ କୁର୍ଦ୍ଦ ମହିଳାଙ୍କ ମୃତ୍ୟୁକୁ ନେଇ ଦେଶ ସାରା ବିରୋଧ ପ୍ରଦର୍ଶନ କରାଯାଇଥିଲା। ତେବେ ଇରାନ ସରକାର ପୋଲିସ ବଳକୁ ଲଗାଇ ପ୍ରଦର୍ଶନକାରୀଙ୍କୁ ଦୃଢ ହସ୍ତରେ ଦମନ କରିଥିଲେ। ଯେଉଁଥିଲେ ବହୁ ସାଧାରଣ ଲୋକଙ୍କୁ ହତ୍ୟା କରାଯାଇଥିଲା। ତେବେ ସେହି ଘଟଣା ପରଠୁ ଇରାନରେ ମହିଳାମାନେ ହିଜାବ ପିନ୍ଧିବା ବିରୋଧରେ ସ୍ବର ଉତ୍ତୋଳନ କରିଆସୁଛନ୍ତି। ବିଶେଷ କରି ଶିକ୍ଷାନୁଷ୍ଠାନ ଗୁଡିକରେ ଛାତ୍ରୀମାନେ ହିଜାବକୁ ବିରୋଧ କରୁଥିବା ଦେଖିବାକୁ ମିଳିଛି ।
