ଅର୍ଗସ ବ୍ୟୁରୋ : ବଲିଉଡରେ ଖୁବଶୀଘ୍ର ନଜର ଆସିବେ ସଲମନ ଖାନଙ୍କ ଭାଣିଜୀ ଅଲୀଜେହ ଅଗ୍ନିହୋତ୍ରୀ । ନ୍ୟାସନାଲ ଆୱାର୍ଡ ପାଇଥିବା ଫିଲ୍ମନିର୍ମାତା ସୌମେନ୍ଦ୍ର ପାଢୀଙ୍କ ଆଗାମୀ ଫିଲ୍ମରେ ନଜର ଆସିବେ ଅଲୀଜେହ ଅଗ୍ନିହୋତ୍ରୀ । ଅଲିଜେ ତାଙ୍କର ଆଗାମୀ ଫିଲ୍ମପାଇଁ ସମସ୍ତ ଶୁଟିଂ ଶେଷ କରି ସାରିଛନ୍ତି । ୨୦୨୩ରେ ତାଙ୍କର ଏହି ଫିଲ୍ମ ରିଲିଜ ହେବାକୁ ଯାଉଛି ।
ଅଲୀଜେହ ନିର୍ଦ୍ଦେଶକ ତଥା ଅଭିନେତା ଅତୁଲ ଅଗ୍ନିହୋତ୍ରୀ ଏବଂ ସଲମନ ଖାନଙ୍କ ଭଉଣୀ ଅଲଭିରା ଖାନ ଅଗ୍ନିହୋତ୍ରୀଙ୍କ କନ୍ୟା ଅଟନ୍ତି । ସୁହାନା ଖାନ,ଖୁସି କପ୍ପୁର,ଅଗସ୍ତ୍ୟ ନନ୍ଦଙ୍କ ପରେ ସେ ବଲିଉଡର ଆଗାମୀ ଷ୍ଟାରକିଡ ଯିଏ ଖୁବଶୀଘ୍ର ବଲିଉଡର ଅଭିନୟ କରିବାକୁ ଯାଉଛନ୍ତି ।
ତେବେ ସୌମେନ୍ଦ୍ରଙ୍କ ଫିଲ୍ମରେ ସେ ଆଗାମୀ ଅଭିନୟ କରିବାକୁ ଯାଉଛନ୍ତି । ସୌମେନ୍ଦ୍ର ‘ବୁଦ୍ଧିଆ ସିଂ’ ଚଳଚ୍ଚିତ୍ର ପାଇଁ ଜାତୀୟ ଆୱାର୍ଡ ପାଇ ସାରିଛନ୍ତି । ଏବେ ଅଲୀଜେହଙ୍କୁ ନେଇ ତାଙ୍କର ଆଗାମୀ ଫିଲ୍ମ କିପରି ରହିବ ତାହା ଦେଖିବା ବାକି ରହିଲା ।
ମନୋରଞ୍ଜନ ଖବର ଆହୁରି ପଢ଼ନ୍ତୁ ।
ସୁବର୍ଣ୍ଣପୁର: ମାହୁନ୍ତକୁ କଚାଡି ହାତୀ ଫେରାର । ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଧନୁଯାତ୍ରାରେ ଅଘଟଣ । ଧନୁଯାତ୍ରାରେ ସାମିଲ ଥିବା ହାତୀ ମାହୁନ୍ତକୁ କଚାଡି ଫେରାର ମାରିଥିବା ସୂଚନା ରହିଛି । ତେବେ ମାହୁନ୍ତ ଜଣକ ସୁରକ୍ଷିତ ଥିବା ଜଣାପଡିଛି । ହାତୀଟି ଗାଁ ମୁହାଁ ହୋଇଥିବା ସୂଚନା ମିଳିଛି ।
ଆଜି ଧନୁଯାତ୍ରାର ଚତୁର୍ଥ ରଜନୀ । କଂସ ମହାରାଜକୁ ହାତୀ ନେଇଥିବାବେଳେ ହଠାତ୍ ହାତୀଟି ପଳାଇବାରେ ଲାଗିଥିଲା । ମାହୁନ୍ତ ଜଣକ ହାତୀକୁ ନିୟନ୍ତ୍ରଣ କରିବା ପାଇଁ ଚେଷ୍ଟା କରିଥିଲେ ହେଁ ହାତୀ ଟି ନିୟନ୍ତ୍ରଣ ହରାଇ ମାହୁନ୍ତକୁ କଚାଡି ଦୌଡ଼ି ପଳେଇ ଥିଲା । ତେବେ ଅନ୍ଧାର ହୋଇଥିବାରୁ ହାତୀକୁ ଖୋଜିବାରେ ବାଧା ସୃଷ୍ଟି ହୋଇଛି । ବର୍ତ୍ତମାନ ପର୍ଯ୍ୟନ୍ତ ହାତୀର ସନ୍ଧାନ ମିଳି ପାରି ନାହିଁ । ଏବେ ସମସ୍ତେ ହାତୀଟିକୁ ଖୋଜିବାରେ ଲାଗିଥିବାବେଳେ ଯାତ୍ରା ମଧ୍ୟ ବାଧାପ୍ରାପ୍ତ ରହିଛି ।
ଆହୁରି ପଢନ୍ତୁ ଓଡିଶା ଖବର...
