ହରିୟାଣାରୁ ଆସିଥିବା ଏହି ବ୍ୟକ୍ତିଙ୍କୁ ଜୁଲାଇ 12 ରେ ଅସ୍ତ୍ରୋପଚାର ପାଇଁ ସଫଦରଜଙ୍ଗ ହସ୍ପିଟାଲ ଦ୍ୱାରା AIIMS ରେଫର୍ କରାଯାଇଥିଲା। କରୋନାଭାଇରସ୍ ସଂକ୍ରମଣକୁ ଏଡ଼ାଇବା ପାଇଁ ତାଙ୍କୁ ପ୍ରଥମେ COVID-19 ପାଇଁ ପରୀକ୍ଷା କରାଯାଇଥିଲା । ତାଙ୍କ କୋଭିଡ୍19 ପରୀକ୍ଷା ନକାରାତ୍ମକ ଥିଲା ।
ଡାକ୍ତରଖାନାର ଜଣେ ଡାକ୍ତର କହିଛନ୍ତି ଯେ, ବ୍ୟକ୍ତି ଜଣଙ୍କ ଗଞ୍ଜେଇ ନ ପାଇବା ପରେ ଦେଢ ମାସ ପୂର୍ବରୁ ସେ ଏକ ଛୁରୀ ଗିଳିଥିଲେ। ସେ ପ୍ରଥମେ ଏହାକୁ ଚୋବାଇବାକୁ ଚେଷ୍ଟା କରିଥିଲେ କିନ୍ତୁ ଶେଷରେ ଏହାକୁ ପାଣିରେ ପକାଇ ଗିଳିଥିଲେ ।
“ସେ ଛୁରୀ ଗିଳିବା ପରେ ସାଧାରଣ ଜୀବନଯାପନ କରୁଥିଲେ। ଏହି ଘଟଣା ବିଷୟରେ ତାଙ୍କ ପରିବାର ଜାଣି ନ ଥିଲେ। ପ୍ରାୟ ଦେଢମାସ ପରେ ସେ ପେଟରେ ଯନ୍ତ୍ରଣା ଅନୁଭବ କରିବାକୁ ଲାଗିଲେ ଏବଂ ପରିବାର ଲୋକ ତାଙ୍କୁ ଡାକ୍ତରଙ୍କ ପାଖକୁ ନେଇଥିଲେ। ଡାକ୍ତରମାନେ କହିଛନ୍ତି ଯେ ତାଙ୍କ ଏକ୍ସ-ରେ ରିପୋର୍ଟରେ ତାଙ୍କ ଶରୀର ଭିତରେ 20 ସେମି ଲମ୍ବର ଛୁରୀ ଥିବାର ଦେଖାଯାଇଥିଲା । ଏହାଦେଖି ସମଗ୍ର ପରିବାର ଆଶ୍ଚର୍ଯ୍ୟ ହୋଇଯାଇଥିଲେ। ଏହି ବ୍ୟକ୍ତିଙ୍କ ଜୁଲାଇ 19 ରେ ତିନି ଘଣ୍ଟାର ଦୀର୍ଘ ଅସ୍ତ୍ରୋପଚାର କରାଯାଇଥିଲେ।
ଡାକ୍ତର ଦାସ କହିଛନ୍ତି ଯେ “ଅସ୍ତ୍ରୋପଚାର ଅତ୍ୟନ୍ତ ଆହ୍ୱାନପୂର୍ଣ୍ଣ ଥିଲା। ରୋଗୀର ଏକ୍ସ-ରେ ରିପୋର୍ଟରେ ଦର୍ଶାଯାଇଛି ଯେ ଛୁରୀଟି ଯକୃତ ନିକଟରେ ରହିଥିଲା। ସେଠାରେ ଅପରେସନ୍ କରି ଛୁରୀକୁ ତାଙ୍କ ପେଟରୁ ବାହାର କରିବା ପାଇଁ ଆମକୁ ପ୍ରାୟ ତିନି ଘଣ୍ଟା ସମୟ ଲାଗିଥିଲା” ବୋଲି ଡାକ୍ତର କହିଛନ୍ତି ।
“ଏହା ଏକ ଜଟିଳ ଅସ୍ତ୍ରୋପଚାର ଥିଲା କାରଣ ଛୁରୀଟି ପିତ୍ତ ନଳୀ ଏବଂ ରକ୍ତଭଣ୍ଡାର ନିକଟରେ ଥିଲା। ଏକ ଛୋଟ ଭୁଲ ମଧ୍ୟ ତାଙ୍କ ଜୀବନକୁ ଏକ ବଡ ବିପଦରେ ପକାଇପାରେ। ତେଣୁ ଆମେ ସବୁକିଛି ଯୋଜନା କରିଥିଲୁ। ପ୍ରଥମେ, ଜଣେ ରେଡିଓଲୋଜିଷ୍ଟ ରୋଗୀର ଫୁସଫୁସ ଏବଂ ଯକୃତରୁ ପୁସ୍ ବାହାର କରୁଥିଲେ। ଏହି ଜଟିଳ ଅସ୍ତ୍ରୋପଚାର ପାଇଁ ପରାମର୍ଶ ଓ ଶାହସ ବୃଦ୍ଧି କରିବା ପାଇଁ ଆମେ ମନୋବିଶେଷଜ୍ଞଙ୍କ ସାହାଯ୍ୟ ନେଇଥିଲୁ । ତେବେ ରେଡ଼ିଓସ୍କୋପି ନିର୍ଦ୍ଦେଶନାରେ ଛୁରୀ ବାହାର କରାଯାଇଥିଲା ବୋଲି ଡାକ୍ତର କହିଛନ୍ତି ।
