ଅତିଥି ତାଲିକାକୁ ଚାରୋଟି ଭିନ୍ନ ଶ୍ରେଣୀରେ ବିଭକ୍ତ କରିଛନ୍ତି ଶ୍ରୀ ରାମ ଜମଭୂମି ତିର୍ଥ କ୍ଷେତ୍ର ଟ୍ରଷ୍ଟ । ଏଥିମଧ୍ୟରେ ଦେଶର 50 ବଡ ସାଧୁ ସନ୍ଥ, 50 ଜଣ ନେତା ଏବଂ ରାମ ମନ୍ଦିର ଆନ୍ଦୋଳନ ସହିତ ଜଡିତ ବ୍ୟକ୍ତି ଅଛନ୍ତି। ଏଥିରେ ଲାଲ କୃଷ୍ଣ ଆଡଭାନୀ, ମୁରଲୀ ମନୋହର ଯୋଶୀ, ଉମା ଭାରତୀ ଏବଂ କଲ୍ୟାଣ ସିଂଙ୍କ ସହ ସାଧବୀ ରୀତାଭରା ଏବଂ ବିନୟ କାଟିୟାର ସାମିଲ ହେବେ। କେତେକ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ଭୁମି ପୂଜନ କାର୍ଯ୍ୟକ୍ରମରେ ଅଂଶଗ୍ରହଣ କରିପାରିବେ। ଏହା ବ୍ୟତୀତ ଏହି କାର୍ଯ୍ୟକ୍ରମରେ ଭାଗ ନେବାକୁ ଦେଶର 50 ଶିଳ୍ପପତି ଏବଂ ଅଧିକାରୀଙ୍କୁ ନିମନ୍ତ୍ରଣ ପଠାଯିବ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ହେଲିକପ୍ଟର ଅଗଷ୍ଟ 5 ତାରିଖ ସକାଳ 11:30 ରେ ଅଯୋଧ୍ୟାର ସାକେତ କଲେଜରେ ଅବତରଣ କରିବ। ଏଡାପରେ ମୋଦି ପ୍ରଥମେ ହନୁମାନ ଗଢୀ ଯିବେ କି ରାମଜନ୍ମଭୂମି ଯିବେ ତାହା ସ୍ଥିର ହୋଇନାହିଁ। ଭୁମି ପୂଜନ କାର୍ଯ୍ୟକ୍ରମ ଦୁଇ ଘଣ୍ଟା ହେବ, ଏହି ଭୁମି ପୂଜନ ପରେ ମୋଦି ଏକ ଘଣ୍ଟା ପାଇଁ ଜନସାଧାରଣଙ୍କୁ ସମ୍ବୋଧିତ କରିବେ।
ଅଯୋଧ୍ୟାର ସ୍ଥାନେ ସ୍ଥାନେ ଲଗାଯାଇଥିବା ସ୍କ୍ରିନ୍ରେ ଲୋକମାନେ ତାଙ୍କ ଭାଷଣକୁ ଲାଇଭ୍ ଶୁଣିବାକୁ ସମର୍ଥ ହେବେ | ଏହା ବ୍ୟତୀତ ଅଯୋଧ୍ୟା ଠାରୁ ଫୈଜାବାଦ ପର୍ଯ୍ୟନ୍ତ ଲାଉଡ ସ୍ପିକର ସ୍ଥାପନ କରାଯିବ, ଯେଉଁଥିରେ ମନ୍ତ୍ରଉଚ୍ଚାରଣ ଏବଂ ପ୍ରଧାନମନ୍ତ୍ରୀଙ୍କ ଭାଷଣ ଶୁଣାଯିବ। ସନ୍ଧ୍ୟାରେ ସରୟୁ ଘାଟରେ ସ୍ୱତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହେବ |
